ចូលចិត្តទំនើប

ស្វែងយល់ស៊ីជម្រៅពី Monitor QHD ថ្មីរបស់ Samsung

ដោយ: ដួងច័ន្ទ 8 AM, Tuesday, 08 Jan, 2019

ព្រឹត្តិការណ៍ CES ប្រចាំឆ្នាំ 2019 នឹងមកដល់ក្នុងពេលប៉ុន្មានថ្ងៃខាងមុខនេះ ប៉ុន្តែក្រុមហ៊ុន Samsung បាននឹងកំពុងធ្វើការចាប់ផ្តើមបើកទំព័របច្ចេកវិទ្យាមុនគេ ជាមួយនឹងការដាក់បង្ហាញផលិតផល Monitor ថ្មីៗមួយចំនួន ដែលក្នុងនោះរួមមានអេក្រង់ម៉ូដែល CRG9 ដែលជាផលិតផល Upgrade ថ្មីចេញពីអេក្រង់កុំព្យូទ័រលើតុទំហំដ៏ធំ 49 inch របស់ Samsung ដែលពេលនេះកំពុងផ្តល់នូវ Resolution កាន់តែខ្ពស់។
ម៉ូដែល CHG90 ចាស់ មានបំពាក់នូវអេក្រង់មាន Resolution កម្រិត 3840 x 1080 ដែលជាចំនួនសមាមាត្រទៅនឹងអេក្រង់មាន Ratio 16:9 និង Resolution 1920 x 1080 ចំនួន 2 គ្រឿងរួមបញ្ចូលគ្នា។ ប៉ុន្តែជាមួយម៉ូដែល CRG9 ថ្មី ក្រុមហ៊ុន Samsung បានបង្កើនបច្ចេកវិទ្យាឡើងទៅដល់អេក្រង់ QHD ជាមួយនឹង Aspect Ratio 32:9 និងមាន Resolution កម្រិត 5120 x 1440 ដែលសមាមាត្រជាមួយនឹងអេក្រង់ QHD មាន Resolution 2560 x 1440 ចំនួន 2 គ្រឿងរួមបញ្ចូលគ្នា។

ខណៈដែលក្រុមហ៊ុន Samsung បានយកឈ្នះក្រុមហ៊ុនជាគូប្រជែងនៅក្នុងទីផ្សារ ជាមួយផលិតផលអេក្រង់ទំហំ 49 inch ដំបូងគេ ក៏ផលិតផលថ្មីនេះមិនមែនជាអេក្រង់ QHD ដំបូងដែលផលិតឡើងក្នុងទំហំនេះដែរ។ ទាំងក្រុមហ៊ុន Philips និង Dell បានប្រកាសពីផលិតផលអេក្រង់ QHD ទំហំ 49 inch ធ្វើឱ្យនេះជាការអនុវត្តការងារកាន់តែខ្លាំងក្លាឡើង ដើម្បីប្រកួតប្រជែងដណ្តើមយកចំណែកទីផ្សាជាមួយ Samsung ។ វាពិតជាប្រការដ៏ល្អ ដែលយើងបានឃើញក្រុមហ៊ុន Samsung នៅតែបន្តការប្រកួតប្រជែងជាមួយក្រុមហ៊ុនដទៃទៀត។
ដូចគ្នានឹងអេក្រង់ទំហំ 49 inch ដំបូង ម៉ូដែល CRG9 ត្រូវបានផលិតឡើងសម្រាប់បំពេញមុខងារលេងហ្គេម ផ្តល់ឱ្យនូវ Refresh Rate ក្នុងល្បឿន 120Hz សម្រាប់រយៈពេលឆ្លើយតបក្នុង 4 មីលីវិនាទី និងមានបច្ចេកវិទ្យា Radeon FreeSync 2 ពីក្រុមហ៊ុន AMD ផងដែរ។ សម្រាប់លក្ខណៈពិសេសរបស់អេក្រង់ជំនាន់ថ្មីនេះ ក្រុមហ៊ុន Samsung បានរួមបញ្ចូលនូវការគាំទ្របច្ចេកវិទ្យា HDR10 ព្រមគ្នាជាមួយរន្ធដោត HDMI ចំនួនមួយ រន្ធ DisplayPort ចំនួន 2 និង USB Jack ចំនួនមួយ។

ជាមួយគ្នានេះផងដែរក៏មាន ផលិតផលថ្មីពី Samsung គឺអេក្រង់ម៉ូដែល UR59C ដែលជាអេក្រង់កោងទំហំ 32 inch ដែលផ្តល់នូវ Contrast Ratio កម្រិត 2,500:1 និង Resolution កម្រិត Full 3840 x 2160 ជាប្រភេទអេក្រង់ 4K ផងដែរ ដែលក្រុមហ៊ុន Samsung បញ្ជាក់ថាវាជាផលិតផលដំបូងរបស់ក្រុមហ៊ុន។ អេក្រង់ UR59C ទំនងដូចជាផលិតផលរចនាឡើងសម្រាប់បំពេញមុខងារ Content Creation ច្រើនជាងបំពេញមុខងារហ្គេម ជាមួយនឹង Bezel ប្រភេទ Ultra-Thin និងមានលក្ខណៈជំនាញខ្ពស់ជាង។

ក្រុមហ៊ុន Samsung មិនទាន់ធ្វើការប្រកាសអំពីតម្លៃ ឬកាលបរិច្ឆេទចេញលក់សម្រាប់អេក្រង់ថ្មីទាំងពីរនេះនៅឡើយទេ ប៉ុន្តែយើងអាចសន្មត់ថាយើងនឹងទទួលបានព័ត៌មានកាន់តែច្រើននៅក្នុងព្រឹត្តិការណ៍ CES នៅសប្តាហ៍ក្រោយនេះ៕

ប្រភព: theverge ផ្នែក: បច្ចេកវិទ្យា, កុំព្យូទ័រ

អត្ថបទអ្នកចង់អាន

ផលិតផល Digital Signage របស់ LG ផ្តល់ជូននូវដំណោះស្រាយ អាជីវកម្មឈានមុខគេ

ដោយ: ទំនើប 6 PM, Tuesday, 20 Feb, 2018

នៅក្នុងព្រឹត្តិការណ៍ (ISE) 2018 ផលិតផល OLED របស់ក្រុមហ៊ុន LG ដែលឈានមុខគេនៅលើសកលលោក ជាមួយនឹងការផ្តល់ជូននូវភាពងាយស្រួលដ៏ប្រសើរបំផុត សំរាប់គ្រប់អាជីវក...

ហេតុអ្វីត្រូវប្រើប្រាស់សោរ Smart Lock?

ដោយ: ដួងច័ន្ទ 9 AM, Wednesday, 08 Aug, 2018

សោរ Smart Lock គឺជាឧបករណ៍ប្រើប្រាស់មួយក្នុងចំណោមឧបករណ៍ប្រើប្រាស់ Smart Home នាពេលបច្ចុប្បន្ន។ វាជាឧបករណ៍ប្រើប្រាស់ ដែលរួមបញ្ចូលនូវការរចនារូបរាងដ៏ទា...

ម៉ាស៊ីនត្រជាក់ LG Dual Inverter 2018 សន្សំសំចៃអគ្គីសនី 70% និងបច្ចេកវិទ្យាថែរក្សាស្បែក

ដោយ: ទំនើប 10 PM, Friday, 16 Mar, 2018

នៅក្នុងឆ្នាំ2018នេះLGបាននាំមកនូវម៉ាសុីនត្រជាក់សេ៊រីថ្មីរបស់ខ្លួន ដែលមានបច្ចេកវិទ្យាទំនើបទាន់សម័យ និងមុខងារពិសេសៗជាច្រើន ដែលស្របទៅនឹងតំរូវការរបស់អ្ន...

ក្រុមហ៊ុន ចែកចាយគ្រឿងអេឡិចត្រូនិច ដំបូងគេបង្អស់នៅក្នុងប្រទេសកម្ពុជា ដែលទទួលបាន ISO 9001:2015

ដោយ: ទំនើប 10 AM, Tuesday, 28 May, 2019

រាជធានីភ្នំពេញ ៖ នៅថ្ងៃទី27 ខែ ឧសភា ឆ្នាំ 2019 ក្រុមហ៊ុន ជីហ្គៀ (G Gear) បានប្រារព្ធពិធីអបអរសារទ ដែលក្រុមហ៊ុនទទួលបានវិញ្ញបនប័ត្រ ស្ដង់ដាគ្រប់គ្រង គ...

Tomnerb.Com - YouTube Channel