ចូលចិត្តទំនើប

Samsung ដំណើរការ Android Pie សម្រាប់ Galaxy S9

ដោយ: ដួងច័ន្ទ 9 AM, Friday, 28 Dec, 2018

ស្របពេលវេលានៃរដូវកាលឈប់សម្រាក ក្រុមហ៊ុន Samsung បានចាប់ផ្តើមបញ្ចេញប្រព័ន្ធ Android Pie របស់ក្រុមហ៊ុន update សម្រាប់ទូរសព្ទ Galaxy S9។ គេហទំព័រ SamMobile បានកត់សម្គាល់ឃើញដំបូងនៃការបញ្ចេញដំណើរការប្រព័ន្ធប្រតិបត្តិការថ្មីនៅក្នុងប្រទេសអាល្លឺម៉ង់ ខណៈដែលអ្នកប្រើប្រាស់ដទៃទៀតនៅលើ Twitter និង Reddit បានមើលឃើញពីការ Update មានវត្តមាននៅក្នុងប្រទេសហូឡង់ និងស្លូវ៉ាគីផងដែរ។
ព្រមគ្នាជាមួយការ Upgrade ធ្វើឡើងដោយក្រុមហ៊ុន Google ប្រព័ន្ធប្រតិបត្តិការ Android Pie នៅលើទូរសព្ទ S9 ក៏នាំមកជូននូវកម្មវិធី One UI របស់ Samsung ផងដែរ ដែលជាបទពិសោធន៍ថ្មីសម្រាប់អ្នកប្រើប្រាស់ ដែលមានបំណងចង់ធ្វើឱ្យ App កាន់តែមានភាពងាយស្រួលក្នុងការប្រើប្រាស់នៅលើទូរសព្ទមានទំហំធំៗ ក្នុងចំណោមការពង្រឹងសមត្ថភាពដទៃទៀត។
ទោះបីជាការ Update ចុងក្រោយបង្អស់នេះបានមកដល់លើផលិតផលរបស់ Samsung លឿនជាង Version មុនៗរបស់ Android ក្តី ប៉ុន្តែក្រុមហ៊ុនផលិតទូរសព្ទដ៏ធំរបស់ប្រទេសកូរ៉េខាងត្បូងមួយនេះ នៅតែយឺតយ៉ាវតាមពីក្រោយដំណើរការរបស់ក្រុមហ៊ុនដទៃ ដូចជា Nokia, OnePlus និង សូម្បីតែ HTC ក្តី ជាមួយនឹងកាលបរិច្ឆេទ Update ថ្មី។

ក្រុមហ៊ុន Google មានបំណងពន្លឿនល្បឿននៃការដាក់ដំណើរការ Version ថ្មីរបស់ Android តាមរយៈ Project Treble ប៉ុន្តែបន្ទាប់ពីកម្មវិធីនេះត្រូវបានណែនាំកាលពីដើមឆ្នាំ 2017 កន្លងទៅនេះ មានអត្រាត្រឹមតែ 21.5% ប៉ុន្តែនៃឧបករណ៍ប្រើប្រាស់ប្រព័ន្ធ Android ដែលដំណើរការជាមួយប្រព័ន្ធ Android Oreo ឬយូរជាងនេះ រហូតដល់ចុងខែតុលា ឆ្នាំ 2018 នេះ។

ក្រុមហ៊ុន Samsung ទទួលបានលឿនជាងមុន នៅពេលបញ្ចេញប្រព័ន្ធ Android របស់ខ្លួនដែលត្រូវបាន Update។ ម្ចាស់ទូរសព្ទ Galaxy S8 ត្រូវធ្វើការរងចាំរហូតដល់ 7 ខែ បន្ទាប់ពីប្រព័ន្ធ Oreo ដំបូងត្រូវបានបញ្ចេញ មុនពេលវាមានវត្តមាននៅលើទូរសព្ទដៃរបស់ពួកគេ ខណៈដែលប្រព័ន្ធប្រតិបត្តិការ Android Nougat ត្រូវការយ៉ាងហោចណាស់រយៈពេល 5 ខែ ទើបអាចបង្ហាញវត្តមាននៅលើទូរសព្ទ Galaxy S7។
នៅក្នុងព្រឹត្តិការសន្និសីទប្រចាំឆ្នាំរបស់ Developer ក្រុមហ៊ុន Samsung បានបរិយាយថាក្រុមហ៊ុនរំពឹងថានឹងបញ្ចេញប្រព័ន្ធប្រតិបត្តិការ Pie នៅក្នុងខែមករា ឆ្នាំ 2019 ខាងមុខនេះ ដែលនោះជាពេលដែលយើងគួរតែរំពឹងថាកម្មវិធី Software ថ្មីនេះនឹងត្រូវបានបញ្ចេញជាផ្លូវការ ទូទាំងពិភពលោក៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

Huawei កំពុងធ្វើឱ្យ Smartphone មានភាពបត់បែនដូចជាកុំព្យូទ័រ

ដោយ: ភារុន 8 AM, Saturday, 15 Sep, 2018

ក្រុមហ៊ុន Huawei ប្រហែលជាត្រូវបានគេស្គាល់ជាលើកដំបូងដោយសារ ផលិតផល Smartphone និង ចំណុចទី 2 នោះគឺ networking hardware របស់ក្រុមហ៊ុនផ្ទាល់។ ប៉ុន្តែនៅព...

ឆ្នាំ 2019 មានអ្វីថ្មីសម្រាប់ LV Smartwatch?

ដោយ: ដួងច័ន្ទ 8 AM, Wednesday, 02 Jan, 2019

ក្រុមហ៊ុន Louis Vuitton បានធ្វើការ Upgrade នៅលើផលិតផលនាឡិកាដៃ Smartwatch របស់ខ្លួននៅលើ Wear OS ជាមួយនឹងបន្ទះឈីបថ្មីរបស់ Qualcomm។ ផលិតផល Smartwatch...

ជម្រើសស្រោម ការពារទូរសព្ទ iPhone 8

ដោយ: ដួងច័ន្ទ 11 PM, Tuesday, 07 Nov, 2017

នៅពេលអ្នកសម្រេចចិត្តទិញទូរសព្ទ iPhone 8 ចំណុចបន្ទាប់ដែលអ្នកត្រូវពិចារណា គឺប្រភេទស្រោមការពារ។ ជាមួយនឹងតម្លៃប្រមាណជាង $700 និងមានការរចនាម៉ូដជាផ្ទាំងក...

រថយន្តហោះ នឹងមានវត្តមាននៅក្នុងព្រឹត្តិការណ៍ Tokyo Olympics ក្នុងឆ្នាំ 2020

ដោយ: ដួងច័ន្ទ 6 PM, Thursday, 18 May, 2017

ប្រទេសជប៉ុន បានឈានមួយជំហានចូលកាន់តែកៀន នឹងការធ្វើឱ្យក្តីស្រមៃក្លាយជាការពិត ដោយធ្វើ ការដាក់បង្ហាញរថយន្តហោះ នៅក្នុងព្រឹត្តិការណ៍ 2020 Tokyo Olympics ...

Tomnerb.Com - YouTube Channel