ចូលចិត្តទំនើប

Samsung A8s ទូរសព្ទដំបូងមានអេក្រង់ Infinity-O

ដោយ: ដួងច័ន្ទ 1 PM, Wednesday, 19 Dec, 2018

តាមប្រកៀកប្រកិតនឹងការបញ្ចេញព័ត៌មានអំពីទូរសព្ទ Honor View 20 នៅថ្ងៃនេះ ក្រុមហ៊ុន Samsung បានប្រកាសពីទូរសព្ទថ្មីមួយគ្រឿង ដែលនឹងត្រូវបានផលិតឡើងពីអេក្រង់ Infinity-O ថ្មីរបស់ក្រុមហ៊ុនផ្ទាល់។

ទូរសព្ទ Samsung A8s មានបំពាក់ Hole-Punch រចនាឡើងសម្រាប់ជាទីកន្លែងរបស់កាមេរ៉ា Selfie នៅផ្នែកខាងលើ ជ្រុងខាងឆ្វេង នៃផ្ទៃអេក្រង់។
ក្រុមហ៊ុន Samsung បានរៀបរាប់ថា ក្រុមហ៊ុនមានបំណងបញ្ចេញមុខងារថ្មីនៅលើទូរសព្ទប្រភេទ Mid-Range ជាមុនសិន បន្ទាប់ពីបានបរាជ័យនៅក្នុងទីផ្សារមួយភាគធំ ទៅកាន់គូប្រជែងជាក្រុមហ៊ុនផលិតទូរសព្ទរបស់ចិន។ ទូរសព្ទ A8s គឺជាឧទាហរណ៍ដ៏ល្អមួយ នៃយុទ្ធសាស្រ្តថ្មីនេះ។

ក្រៅពីអេក្រង់ទំហំ 6.4 inch (2340 x 1080 pixel) ដ៏ពិសេសនេះ ទូរសព្ទនេះជាប្រភេទទូរសព្ទ Mid-Range លក្ខណៈស្តង់ដាមួយ ថ្វីត្បិតវាមិនទាន់ត្រូវបានបង្ហាញប្រាប់ពីតម្លៃក្តី។ ទូរសព្ទ A8s ទទួលបានថាមពលពី Snapdragon 710 ជាមួយនឹងជម្រើស RAM ទំហំ 6GB ឬ 8GB និងទំហំឃ្លាំងផ្ទុកទិន្នន័យនៅក្នុងទូរសព្ទទំហំ 128GB ដែលអាចពង្រីកបានរហូតដល់ 512GB តាម រយៈការប្រើប្រាស់ microSD។ នៅផ្នែកខាងក្រោយ ទូរសព្ទនេះទទួលបានកាមេរ៉ាចំនួន 3 គ្រឿង ដូចគ្នានឹងទូរសព្ទ Galaxy A7 ដែរ ខណៈដែលកាមេរ៉ា Selfie នៅខាងមុខ ត្រូវបានបំពាក់នៅក្នុងរន្ធកាត់មួយ ដែលជា Sensor មានទំហំ 24 Megapixel។

បើសិនជាឆ្នាំ 2018 ជាឆ្នាំនៃទូរសព្ទមានអេក្រង់ Notch ដូច្នេះវាទំនងដូចជាឆ្នាំ 2019 នឹងក្លាយជាឆ្នាំនៃទូរសព្ទមានអេក្រង់ Hole-Punch។ ការប្រកាសអំពីទូរសព្ទ A8s នាំមកនូវការបញ្ជាក់អំពីចំនួនទូរសព្ទដែលមានអេក្រង់ Hole-Punch សរុបចំនួន 3 ម៉ូដែល។
យើងរំពឹងថានឹងបានឃើញទូរសព្ទ Huawei Nova 4 នៅថ្ងៃទី 17 ខែធ្នូ ឆ្នាំនេះ ខណៈដែលទូរសព្ទ Honor View 20 នឹងចេញលក់ជាផ្លូវការនៅប្រទេសចិននៅថ្ងៃទី 26 ខែធ្នូ និងចេញលក់ទូទាំងពិភពលោក នៅថ្ងៃទី 22 ខែមករា ឆ្នាំក្រោយ។ រីឯការ Pre-Order សម្រាប់ទូរសព្ទ Samsung A8s នឹងចាប់ផ្តើមដំណើរការនៅថ្ងៃទី 21 ខែធ្នូនេះហើយ។

ជាមួយគ្នានេះផងដែរ ទូរសព្ទ Samsung S10 ស៊េរីឆ្នាំ 2019 ក៏ត្រូវបានព័ត៌មានចចាមអារ៉ាមនិយាយថា នឹងមានបំពាក់អេក្រង់ Infinity-O ដែរ ប៉ុន្តែវាមិនទាន់ត្រូវបានបញ្ជាក់ជាផ្លូវការដោយក្រុមហ៊ុន Samsung នៅឡើយទេ។

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

ហេតុអ្វីបាន Desktop ខ្ញុំចូលចិត្តគាំងម៉្លេះ និងឧស្សាហ៍ឆេះ hard disk ទៀតផង?

ដោយ: ស. លីង 8 PM, Monday, 02 Oct, 2017

អ្នកប្រើប្រាស់កុំព្យូទ័រលើតុ Desktop មួយចំនួនរអ៊ូពីបញ្ហាគាំង ដើរយឺត ឬឆេះ hard disk។ ក្រៅពីការរអ៊ូ អ្នកមិនបានឈ្វេងយល់ និងរកឲ្យឃើញពីមូលហេតុ ដែលបណ្តាល...

ឧបករណ៍ប្រើប្រាស់នៅក្នុងផ្ទះទាំង 7 ដ៏ល្អបំផុតដែលសក្តិសមទិញនៅបំណាច់ឆ្នាំនេះ

ដោយ: ភារុន 9 AM, Monday, 03 Dec, 2018

នេះគឺជាព័ត៌មានមួយដ៏គួរឱ្យចាប់អារម្មណ៍ បើអ្នកកំពុងស្វែងរកទិញឧបករណ៍ប្រើប្រាស់ក្នុងផ្ទះធ្វើជាអំណោយដ៏ល្អមួយ សម្រាប់ខ្លួនឯងប្រើប្រាស់នាពេលបំណាច់ឆ្នាំនេះ...

កង់អគ្គិសនី E-Voluzione ឡូយយ៉ាងណាដែរ?

ដោយ: ដួងច័ន្ទ 1 PM, Friday, 29 Sep, 2017

ក្រុមហ៊ុនច្នៃម៉ូដ មធ្យោបាយធ្វើដំណើររបស់អ៊ីតាលី Pininfarina បានបញ្ចេញម៉ូដកង់អគ្គិសនីដំបូង បង្កើតឡើង ដោយក្រុមហ៊ុនផលិតកង់ឈ្មោះ Diavelo។ ទោចក្រយាន E-Vo...

អ្វីជា BATBAND?

ដោយ: ដួងច័ន្ទ 12 AM, Sunday, 26 Mar, 2017

BATBAND គឺជាឧបករណ៍សម័យថ្មី នៃបច្ចេកវិទ្យាសម្លេង ដែលអនុញ្ញាតឱ្យអ្នកស្តាប់លឺសម្លេងផ្ទាល់ខ្លួន និងសម្លេងនៅជុំវិញខ្លួនអ្នក។ វាជាឧបករណ៍ដែលបង្កើតឡើង ពីគំ...

Tomnerb.Com - YouTube Channel