ចូលចិត្តទំនើប

ទូរទស្សន៍ Samsung ស៊េរីឆ្នាំ 2019 អាចដំណើរការជាមួយកុំព្យូទ័របាន

ដោយ: ដួងច័ន្ទ 8 AM, Thursday, 03 Jan, 2019

ផលិតផលទូរទស្សន៍ Smart TV របស់ក្រុមហ៊ុន Samsung ម៉ូដែលថ្មីឆ្នាំ 2019 និងម៉ូដែលខ្ពស់ៗជាងនេះ នឹងត្រូវផលិតឡើងជាមួយសមត្ថភាពគ្រប់គ្រង និងដំណើរការកម្មវិធី App នានា ដែលត្រូវបានដំឡើងនៅលើកុំព្យូទ័រលើតុ កុំព្យូទ័រយួរដៃ ឬទូរសព្ទ Smartphone។
ផលិតផលទូរទស្សន៍ទាំងនោះនឹងត្រូវផលិតឡើងជាមួយការបំពាក់មុខងារថ្មី មានឈ្មោះថា Remote Access ដែលនឹងអនុញ្ញាតឱ្យពួកវាដំណើរការពីចម្ងាយ ចូលទៅកាន់ឧបករណ៍ដទៃទៀតរបស់អ្នក តាមរយៈការតភ្ជាប់ដោយគ្មានខ្សែ។

សម្រាប់ផលិតផលកុំព្យូទ័រលើតុ វាដំណើរការតាមរយៈបណ្តាញ IP Network ខណៈផលិតផល កុំព្យូទ័រយួរដៃ និងទូរសព្ទចល័តវិញ វាដំណើរការតាមរយៈប្រព័ន្ធ Wi-Fi។

ការដំណើរការយ៉ាងសាមញ្ញ ដោយអ្នកគ្រាន់តែធ្វើការភ្ជាប់ Mouse និង Keyboard ទៅកាន់ទូរទស្សន៍ Smart TV ដើម្បីឱ្យវាចូលទៅដំណើរការនៅក្នុងកុំព្យូទ័រនៅក្នុងបន្ទប់គេងរបស់អ្នក ខណៈដែលអ្នកកំពុងស្ថិតនៅក្នុងបន្ទប់ទទួលភ្ញៀវ។ មុខងារថ្មីនេះអាចឱ្យអ្នកលេងហ្គេមកំសាន្តយ៉ាងរីករាយ នៅលើអេក្រង់ទូរទស្សន៍កាន់តែធំជាងអេក្រង់ទូរសព្ទដៃរបស់អ្នក។
បន្ថែមលើនេះ មុខងារទូរទស្សន៍ថ្មីនេះនឹងអនុញ្ញាតឱ្យអ្នកចូលទៅដំណើរការកម្មវិធី Web Browser ដែលប្រើប្រាស់សេវាកម្ម Cloud Office បានផងដែរ ដូច្នេះអ្នកអាចបើកដំណើរការឯកសារការងារនានា ដោយផ្ទាល់នៅលើទូរទស្សន៍របស់អ្នក។

លោក Hyogun Lee អនុប្រធានប្រតិបត្តិផ្នែក Visual Display Business របស់ក្រុមហ៊ុន Samsung Electronics បានរៀបរាប់ថា «ក្រុមហ៊ុន Samsung បានធ្វើការប្តេជ្ញា ក្នុងការបង្កើតបទពិសោធន៍នៃការប្រើប្រាស់កាន់តែឆ្លាតវៃ និងកាន់តែងាយស្រួលសម្រាប់អតិថិជន។ ជាមួយមុខងារ Remote Access អ្នកប្រើប្រាស់នឹងមានលទ្ធភាពចូលទៅដំណើរការកម្មវិធីជាច្រើនប្រភេទខុសៗគ្នា កម្មវិធី App និងសេវាកម្ម Cloud ដែលត្រូវបានដំឡើងនៅលើពហុឧបករណ៍តំណភ្ជាប់ ដោយផ្ទាល់ តាមរយៈអេក្រង់ទូរទស្សន៍របស់ពួកគេ។ ក្រុមហ៊ុននឹងបន្តកិច្ចសហការជាមួយដៃគូររបស់ក្រុមហ៊ុន ដើម្បីពង្រីកវិសាលភាពសមត្ថភាពរបស់មុខងារ Remote Access និងផ្តល់ឱ្យអ្នកប្រើប្រាស់នូវសេវាកម្មកាន់តែច្រើន។»

ដោយសារតែវាស្តាប់ទៅដូចជាមិនទាន់អាចដំណើរការនៅគ្រប់ App និងកម្មវិធីទាំងអស់នៅឡើយ ដូច្នេះសូមកុំរពឹងថាអ្នកអាចមានលទ្ធភាពដំណើរការកម្មវិធីគ្រប់យ៉ាង តាមបំណងប្រាថ្នារបស់អ្នកឡើយ។ ប៉ុន្តែចំណុចល្អគឺ អ្នកអាចប្រើប្រាស់ Remote Access បានគ្រប់ទីកន្លែងនៅក្នុងពិភពលោក មិនមែនតែនៅក្នុងតំបន់មួយចំនួននោះទេ៕

ប្រភព: engadget ផ្នែក: បច្ចេកវិទ្យា, ទូរទស្សន៍

អត្ថបទអ្នកចង់អាន

TriLens ផ្លាស់ប្តូរ Lenses ក្នុងពេលមួយប៉ប្រិចភ្នែក

ដោយ: ដួងច័ន្ទ 9 PM, Wednesday, 24 May, 2017

ឧបករណ៍ TriLens ការពារសុវត្ថិភាព DSLR lenses របស់អ្នកបានដល់ទៅបីប្រភេទ និងផ្តល់ឱ្យអ្នកផ្លាស់ប្តូរកញ្ចក់កាមេរ៉ាលឿនបំផុត មិនធ្លាប់មានពីមុនមក។ មិនរំលងរ...

Kenguru រថយន្ត ប្រើថាមពលអគ្គិសនី សម្រាប់ជនពិការ

ដោយ: ដាលីស 12 AM, Sunday, 10 May, 2015

ជាញឹកញាប់ យើងតែងឃើញជនពិការអង្គុយលើកៅអី វីលឈែរ៍ (Wheelchair) ធ្វើដំណើរទៅណាមកណាយ៉ាងសែន​លំបាក តែថ្មីៗនេះក្រុមហ៊ុនផលិតរថយន្ត ប្រើថាមពលអគ្គិសនី Kenguru ...

អាការៈរថយន្ត ៧ យ៉ាង ត្រូវការពិនិត្យបន្ទាន់

ដោយ: ស. លីង 6 PM, Thursday, 07 Sep, 2017

ចំពោះអ្នកប្រើប្រាស់រថយន្តចាស់ ឬរថយន្តមួយតឹក អ្នកគួរយកចិត្តទុកដាក់ ឲ្យបានខ្ពស់ ព្រោះរថយន្តរបស់អ្នកងាយកើតជំងឺ ដែលអាចបណ្តាលឲ្យមានបញ្ហាជាច្រើន ដល់ការធ្...

៣ ចំណុច យល់ដឹងពីការធ្វើដំណើរ តាមរថយន្តដោយសុវត្ថិភាព

ដោយ: ស. លីង 9 PM, Thursday, 22 Jun, 2017

រាល់ថ្ងៃសម្រាកចុងសប្តាហ៍ឬបុណ្យ ក្រុមគ្រួសារនីមួយៗ តែងតែធ្វើដំណើរទៅកាន់ទីរមណីយដ្ឋាននានា។ ដូច្នេះលោកប៉ាអ្នកម៉ាក់ពូមីង ដែលជាអ្នកបើកបរគួរយល់ដឹងពីចំណុចខ...

Tomnerb.Com - YouTube Channel