ចូលចិត្តទំនើប

ក្រុមហ៊ុនទូរសព្ទ Redmi នៅក្នុងប្រទេសឥណ្ឌា បានប្រែក្លាយទូរសព្ទដែលមានតម្លៃថោកទៅជាមាសពិតប្រាកដ!

ដោយ: ទំនើប 11 AM, Thursday, 18 Jul, 2019

ក្រុមហ៊ុនទូរសព្ទ Redmi នៅក្នុងប្រទេសឥណ្ឌាបានប្រកាស ពីការចេញផ្សាយដ៏ពិសេសនៃ ទូរសព្ទ K20 Pro ដែលនឹងជិតចេញលក់ នេះថាទូរសព្ទថ្មីនឹងត្រូវបានផលិតឡើងពីវត្ថុធាតុដើមពី «មាស»។ ក្រុមហ៊ុនសាខាទូរសព្ទ Redmi មានគម្រោង ផលិតទូរសព្ទថ្មីនេះត្រឹមតែ 20គ្រឿងប៉ុណ្ណោះ ដែលនឹងត្រូវចេញលក់នៅប្រទេសឥណ្ឌា ក្នុងតម្លៃប្រហែល $7,000 ។



ទូរសព្ទថ្មីនេះ មិនមែនគ្រាន់តែជាទូរសព្ទ ដែលផលិតចេញពីមាសនោះទេ វាក៏មាន Version ជារបស់ខ្លួនស្រាប់ផងដែរ។ ម្យ៉ាងទៀត ក្រុមហ៊ុនទូរសព្ទ Redmi នៅក្នុងប្រទេសឥណ្ឌាក៏បាននិយាយថា ទូរសព្ទដែលផលិតចេញពីមាសនេះ ក៏រួមជាមួយនឹងការតុបតែងដោយគ្រាប់ពេជ្រផងដែរ ដើម្បីធ្វើឱ្យទូរសព្ទថ្មីនេះ មានភាពលេចធ្លោ និងស្រស់បំព្រង។



ប្រសិនបើអ្នកពិចារណាទៅលើការឌីហ្សាញ នោះគឺគ្មានអ្វីប្លែកនោះទេ ដែលទូរសព្ទថ្មីនេះ ត្រូវបានចំណាយអស់ប្រាក់ជាច្រើនរហូតដល់ 15ដង ច្រើនជាងម៉ូដែលទូរសព្ទ K20 Pro ដែលចាប់ផ្តើមក្នុងតម្លៃត្រឹមតែប្រហែល $405 ប៉ុណ្ណោះ។ សម្រាប់ទូរសព្ទតម្លៃធម្មតា មានលក្ខណៈពិសេសៗដូចជា៖ ដំណើរការ Snapdragon 855, RAM ទំហំ 6GB, អេក្រង់ប្រើប្រាស់ Sensor ស្នាមម្រាមដៃ និងមានកាមេរ៉ាខាងក្រោយ 3 គ្រាប់ ដែលធ្វើឱ្យការប្រើប្រាស់ កាន់តែងាយស្រួល។ ប៉ុន្តែ យើងមិនអាចនិយាយបានថា ទូរសព្ទ Version មាស នឹងមានលក្ខណៈពិសេសដូចគ្នាដែរនោះទេ៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

កាសរបស់ iPhone 7 អាចនឹង​ប្រើឌុយ Lightning វិញ

ដោយ: WangSang 12 AM, Friday, 15 Jul, 2016

បើតាមពាក្យចរចាមរាមថា iPhone 7 នឹងមិនមានរន្ធដោតកាសដូចទៅនឹង iPhone ជំនាន់មុននោះទេ។ ដោយមានព័ត៌មានខ្លៈលេចលឺថា Apple នឹងផលិតកាសដែលគ្មានខ្សែមកជំនួសវិញ។ ស...

កាមេរ៉ាថតវីដេអូ 4K ដ៏តូច ពិតជាមិនធម្មតា

ដោយ: ដួងច័ន្ទ 9 AM, Monday, 21 Jan, 2019

ផលិតផលថ្មីចុងក្រោយបង្អស់របស់ក្រុមហ៊ុន DJI គឺកាមេរ៉ា Osmo Pocket។ នេះជាកាមេរ៉ាប្រភេទទប់លំនឹងកាន់ជាប់នឹងដៃ មានទំហំតូចបំផុត ដែលក្រុមហ៊ុនផលិតកាមេរ៉ា/ D...

តោះ! មកស្វែងយល់ ពីរបៀប ធ្វើឱ្យ Samsung Galaxy S10 មិនមានបញ្ហាថាមពលថ្ម

ដោយ: ភារុន 9 AM, Sunday, 31 Mar, 2019

ប្រសិនបើអ្នកចង់បានថាមពលថ្ម សម្រាប់ប្រើប្រាស់នៅក្នុងទូរស័ព្ទ Galaxy S10 បានយូរ ហើយអ្នកនឹងមិនចាំបាច់ត្រូវសាកថ្ម រៀងរាល់ 2-3 ម៉ោងម្តងទេនោះ នៅខាងក្រោមន...

ទូរទស្សន៍ Samsung QLED ជាក្តីសុបិន្តរបស់អ្នក ឈ្លក់វង្វេងនឹងពណ៌

ដោយ: ដួងច័ន្ទ 9 PM, Saturday, 20 May, 2017

សម្រាប់អ្នកដែលចង់ទស្សនាភាពយន្ត ដែលមានពណ៌ចម្រុះភ្លឺច្បាស់ ស្របតាមលំនាំដើមរបស់វា បច្ចេកវិទ្យា HDR ដែលមានបន្ថែមពណ៌ជាច្រើន គឺជាអំណោយដ៏ល្អបំផុត។ ប៉ុន្តែ...

Tomnerb.Com - YouTube Channel