ចូលចិត្តទំនើប

Oppo Realme 3 តម្លៃសមរម្យ តែមានលក់តែនៅឥណ្ឌា

ដោយ: ដួងច័ន្ទ 9 AM, Thursday, 07 Mar, 2019

កាលពីឆ្នាំមុន ក្រុមហ៊ុន Oppo បានបញ្ចេញលក់ផលិតផលទូរសព្ទ Sub-Brand ម៉ូដែល Realme នៅក្នុងប្រទេសឥណ្ឌា ដោយយកការបំផុសគំនិតពីម៉ូដែលទូរសព្ទ Redmi របស់ក្រុមហ៊ុន Xiaomi ទាំងឈ្មោះ និងម៉ូដែលអាជីវកម្ម។ យុទ្ធសាស្រ្តនេះទំនងដូចជាទទួលបានជោគ ជ័យ។

នាពេលនេះ ទូរសព្ទ Realme ជាឯករាជ្យឈរនៅលំដាប់ទី 3 ក្នុងចំណោមម៉ាកសញ្ញាទូរសព្ទ Smartphone ធំៗនៅក្នុងប្រទេសឥណ្ឌា ដែលនេះជាទិន្នន័យដកស្រង់ចេញពី Counterpoint Research ខណៈដែលតួលេងរបស់ IDC បង្ហាញថាវាស្ថិតនៅលំដាប់ទី 4 សម្រាប់ត្រីមាសទី 4 នៃឆ្នាំ 2018 ជាលំដាប់នាំមុខមួយលេខលើក្រុមហ៊ុន Oppo ផ្ទាល់។

ពេលនេះ Realme បាននឹងកំពុងបញ្ចេញទូរសព្ទម៉ូដែលដំបូងគេ សម្រាប់ឆ្នាំ 2019 នោះគឺទូរសព្ទ Realme 3 ហើយវាគឺជាការអនុវត្តយុទ្ធសាស្រ្តដ៏គួរឱ្យចាប់អារម្មណ៍មួយ ក្នុងការគ្រប់គ្រងនាំមកនូវមុខងារទំនើបៗ ទៅកាន់ទូរសព្ទដែលមានតម្លៃទាប។
លក្ខណពិសេសរបស់ Realme 3 មានដូចជា ការបំពាក់ជាមួយអេក្រង់ LCD ទំហំ 6.22 inch ជាមួយនឹង Notch ប្រភេទដំណក់ទឹក ដែលបានបង្ហាញខ្លួនជាលើកដំបូងនៅលើទូរសព្ទ Oppo F9 និងក្រោយមកបានបង្ហាញខ្លួននៅលើទូរសព្ទ OnePlus 6T ផងដែរ។ វានៅតែទាក់ទាញការចាប់អារម្មណ៍បានច្រើន ទោះបីបច្ចុប្បន្នជាយុគរបស់អេក្រង់ Hole-Punch និងកាមេរ៉ា Slide ក្តី។ ទម្រង់ Chin នៅផ្នែកខាងក្រោមនៃផ្ទៃអេក្រង់ មានទំហំធំជាងមុនបន្តិច ប៉ុន្តែវាមិនចោទជាបញ្ហាឡើយ ជាពិសេសចំពោះទូរសព្ទស្ថិតក្នុងលំដាប់នេះ។ ខណៈដែលអេក្រង់ដែលមាន Resolution ត្រឹម 720p មិនអាចធ្វើឱ្យមានភាពទាក់ទាញខ្លាំង ប៉ុន្តែវានៅតែដំណើរការបានល្អសម្រាប់ការប្រើប្រាស់ធម្មតា។
រីឯនៅផ្នែកខាងក្រោយវិញ មានផ្ទៃមានរាងកោងដ៏រលើបរលោង ជាមួយនឹងឧបករណ៍ស្កេនក្រយ៉ៅដៃ និងបណ្តុំកាមេរ៉ារត់តំរៀបគ្នាជាជួរឈរ។ កាមេរ៉ាចម្បងមានទំហំ 13 megapixel ហើយកាមេរ៉ាទីពីរ មានទំហំ 2 megapixel។ ជាមួយគ្នានេះ ទូរសព្ទ Realme ក៏មានប្រើប្រាស់មុខងារ Nightscape ដែលគាំទ្រដោយបច្ចេកវិទ្យា AI ផងដែរ។

លក្ខណៈពិសេសដទៃទៀតរួមមាន ប្រព័ន្ធប្រតិបត្តិការ MediaTek Helio P70 មានថ្មមានកម្លាំង 4,230mAh មានកាមេរ៉ា Selfie ទំហំ 13 megapixel មាន RAM ទំហំ 4GB និងឃ្លាំងផ្ទុកទិន្នន័យទំហំ 32GB។ Realme 3 ដំណើរការជាមួយប្រព័ន្ធ ColorOS 6.0 របស់ Oppo ដែលពឹងអាស្រ័យលើប្រព័ន្ធ Android Pie។

ទូរសព្ទ Realme 3 ថ្មីនេះនឹងមានតម្លៃប្រមាណ $125 សម្រាប់ម៉ូដែលមាន RAM ទំហំ 3GB និងឃ្លាំងផ្ទុកទិន្ន័យទំហំ 32GB ខណៈដែលតម្លៃកើនដល់ $155 សម្រាប់ RAM និងឃ្លាំងផ្ទុកទិន្នន័យទំហំគុណនឹងពីរ។ តម្លៃរបស់ Realme 3 បាននឹងកំពុងវាយប្រហារដៃគូប្រជែងដូចជា Redmi Note 7 របស់ Xiaomi នៅក្នុងប្រទេសឥណ្ឌា ហើយយើងសង្ឃឹមថាទូរសព្ទមានតម្លៃទាប តែសមត្ថភាពខ្ពស់មួយនេះក៏នឹងបង្ហាញវត្តមាននៅស្រុកយើងដែរ៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

ទោចក្រយានអគ្គិសនី សាកថាមពល បានដោយខ្លួនឯង

ដោយ: ដួងច័ន្ទ 6 PM, Tuesday, 10 Oct, 2017

ក្រុមហ៊ុនច្នៃម៉ូដកង់របស់ប្រទេសអូទ្រីស Vello បានបញ្ជាក់ពីការផលិតកង់ដំបូងបង្អស់ ដែលមានបំពាក់មុខងារបីចម្រុះចូលគ្នាគឺ អគ្គិសនី បញ្ចូលថាមពលដោយស្វ័យប្រវត...

Acer បញ្ចេញស្មាតហ្វូនថ្មី មានថាមពលថ្មយក្ស 5,000 mAh

ដោយ: ម៉ូនី 1 AM, Saturday, 23 Apr, 2016

នៅថ្ងៃនេះ ក្រុមហ៊ុន Acer បានធ្វើសន្និសិទសារព័ត៌មានមួយក្នុងទីក្រុង New York ដោយ​បានប្រកាសនូវ​ផលិតផល​ថ្មី​របស់​ខ្លួន​ចំនួន​ពីរ គឺកុំព្យូទ័រយួរដៃនិងស្...

Android Apps នឹង Update នៅពេលកំពុងប្រើប្រាស់

ដោយ: ដួងច័ន្ទ 8 AM, Saturday, 10 Nov, 2018

ការចាកចេញពីកម្មវិធីមួយ ខណៈដែលវាទាមទារការ Update ប្រហែលជាបញ្ហាមួយដែលអ្នកប្រើប្រាស់ភាគច្រើនកំពុងជួបប្រទះ ប៉ុន្តែក្រុមហ៊ុន Google បាននឹងកំពុងដោះស្រាយប...

យឺតពេលទេសម្រាប់ Samsung Smart Speaker?

ដោយ: ដួងច័ន្ទ 8 AM, Saturday, 15 Sep, 2018

នៅទីបំផុត Samsung បានបង្ហាញផលិតផល Smart Speaker នៅក្នុងទីផ្សារហើយ។ វាមានឈ្មោះថា Galaxy Home ហើយក្រុមហ៊ុនបច្ចេកវិទ្យាដ៏ធំនៃប្រទេសកូរ៉េខាងត្បូងមួយនេះ...

Tomnerb.Com - YouTube Channel