ចូលចិត្តទំនើប

Laptop Razer ពណ៌ផ្កាឈូកនឹងចេញលក់ សម្រាប់ទិវានៃក្តីស្រឡាញ់

ដោយ: ដួងច័ន្ទ 8 AM, Saturday, 02 Feb, 2019

សាកស្រមៃមើល បើសិនជាអ្នកដល់ពេលវេលាត្រូវធ្វើការនៅលើកុំព្យូទ័រយួរដៃសម្រាប់ការលេងហ្គេមរបស់អ្នក ដូច្នេះអ្នកក៏សម្រេចចិត្តទៅបំពេញការងារនោះនៅក្នុងហាងកាហ្វេមួយ ដើម្បីផ្លាស់ប្តូរបរិយាកាស។ នៅពេលអ្នកកុម៉ង់ភេសជ្ជៈ និងជ្រើសរើសទីតាំងសម្រាប់អង្គុយរួចរាល់ហើយ អ្នកនឹងត្រូវយកកុំព្យូទ័ររបស់អ្នកចេញមកក្រៅ។

បើសិនជាកុំព្យូទ័ររបស់អ្នកជាផលិតផលជំនាន់ចុងក្រោយរបស់ Razer ម៉ូដែល Blade Stealth 13 មនុស្សដែលនៅជុំវិញខ្លួនអ្នកប្រហែលជាលួចគិតថា អស្ចារ្យណាស់!នោះគឺ Laptop ពណ៌ផ្កាឈូកដ៏ស្រស់ស្អាត! ពេលនោះអ្នកពិតជាទាក់ទាញអារម្មណ៍មនុស្សនៅជុំវិញខ្លួនអ្នកយ៉ាងខ្លាំង ព្រោះអ្នកកំពុងប្រើប្រាស់កុំព្យូទ័រយួរដៃ ដែលមានភាពលេចធ្លោជាងគេ នៅក្នុងចំណោមមនុស្សដែលកំពុងប្រើប្រាស់ Laptop ពណ៌ប្រផេះ និងខ្មៅ។
ក្រុមហ៊ុន Razer បានបញ្ចេញលក់កុំព្យូទ័រយួរដៃម៉ូដែល Stealth Blade ក្នុងទម្រង់ជាការដាក់លក់មានកំណត់ សម្រាប់ទិវានៃក្តីស្រឡាញ់ក្នុងឆ្នាំនេះ ព្រមគ្នាជាមួយនឹងសម្ភារៈជំនួយប្រើប្រាស់ជាគូនឹងគ្នាមួយចំនួនទៀតមានដូចជា Mouse, Keyboard, Headset, Microphone និងឧបករណ៍បញ្ជារម៉ាស៊ីនហ្គេម PS4 ផងដែរ។

កុំព្យូទ័រយួរដៃជំនាន់ថ្មីនេះ មានតម្លៃ $1,600 គឺជាតារារះដ៏ចិញ្ចាំងចិញ្ចាច មានភាពលេចធ្លោជាងគេនាពេលបច្ចុប្បន្ននេះ។ វាអាចនឹងក្លាយជាអំណោយដ៏ស្រស់ស្អាតមួយសម្រាប់ទិវានៃក្តីស្រឡាញ់ ដែលនឹងឈានចូលមកដល់នៅក្នុងពេលឆាប់ៗខាងមុខនេះ។
គួរបញ្ជាក់ផងដែរថា Laptop ម៉ូដែល Stealth Blade ពណ៌ផ្កាឈូកមួយនេះមានបំពាក់នូវ RAM ទំហំ 16GB មានអេក្រង់ប្រភេទ HD ទំហំ 13.3 inch និងមានបំពាក់ប្រព័ន្ធប្រតិបត្តិការ Intel Core i7-8565U ជំនាន់ទី 8 ផងដែរ។
ក្រុមហ៊ុនផលិតម៉ាស៊ីនហ្គេមជាច្រើនផលិតម៉ាស៊ីនដែលមានការរចនាម៉ូដដ៏អាក្រក់ ឬការប្រើប្រាស់ពណ៌ខ្មៅដ៏គួរឱ្យធុញទ្រាន់។ ប៉ុន្តែសម្រាប់ម៉ូដែល Stealth Blade ពណ៌ផ្កាឈូកនេះវិញ ដូចគ្នាខ្លាំងណាស់ទៅនឹងម៉ូដែល Blade 15 ពណ៌ស ដែលបង្កប់ដោយភាពទាក់ទាញ និងស៊ី វិល័យ៕

ប្រភព: engadget ផ្នែក: បច្ចេកវិទ្យា, កុំព្យូទ័រ

អត្ថបទអ្នកចង់អាន

តោះមកស្គាល់ របៀបដំឡើងដ៏សាមញ្ញ រវាងឧបករណ៍បញ្ជា PS4 ភ្ជាប់នឹង Mac

ដោយ: ភារុន 8 AM, Wednesday, 13 Mar, 2019

iMac គឺមិនត្រូវបានគេរចនាឡើងមក ឱ្យមានភាពងាយស្រួល ដូចទៅនឹងកុំព្យទ័រយួរដៃ សម្រាប់លេងហ្គេមដទៃនោះទេ ប៉ុន្តែវាមិនមែនមានន័យថា អ្នកមិនអាចលេងហ្គេមជាមួយនឹងវា...

Acer វិវត្តបច្ចេកវិទ្យាថ្មីពី Intel និង NVIDIA

ដោយ: ដួងច័ន្ទ 9 AM, Wednesday, 01 May, 2019

កាលពីពេលថ្មីៗនេះ ក្រុមហ៊ុន Intel បាននាំមកជូននូវប្រព័ន្ធប្រតិបត្តិការជំនាន់ទី 9 ថ្មីសម្រាប់ប្រើប្រាស់លើឧបករណ៍ចល័ត នោះគឺ i9-9980HK និងបានបង្ហាញពីបន្ទ...

ឧបករណ៍ដ៏ទំនើប ប្រាប់ពីជាតិម្សៅស្អិត នៅក្នុងអាហារ

ដោយ: ដួងច័ន្ទ 9 PM, Tuesday, 16 May, 2017

Nima Sensor គឺជាឧបករណ៍ដ៏តូចមួយ ទំហំប៉ុនហោប៉ៅ ដែលអាចដាក់តាមខ្លួនបានយ៉ាងងាយស្រួល។ នេះជាឧបករណ៍ពិនិត្យជាតិម្សៅស្អិត (Gluten) នៅក្នុងអាហារ។ មុខងារដ៏ពិសេ...

ម៉ូនីទ័រ LG អេក្រង់កោងពិសេស សម្រាប់អ្នករចនាអាជីព

ដោយ: រីកា 11 PM, Tuesday, 15 Mar, 2016

ក្រុមហ៊ុន LG បាន​បញ្ចេញ​នូវ​ប្រភេទ​ម៉ូនីទ័រ​កុំព្យូទ័រ LG 34UC97 ដែលមាន​សមត្ថភាព​យ៉ាង​ពិសេស ខុសប្លែក​គេ ជាមួយនឹង​រូបរាង​កោង អាច​បង្ហាញ​រូបភាព​លើ​កម...

Tomnerb.Com - YouTube Channel