ចូលចិត្តទំនើប

តោះមកស្គាល់ របៀបដំឡើងដ៏សាមញ្ញ រវាងឧបករណ៍បញ្ជា PS4 ភ្ជាប់នឹង Mac

ដោយ: ភារុន 8 AM, Wednesday, 13 Mar, 2019

iMac គឺមិនត្រូវបានគេរចនាឡើងមក ឱ្យមានភាពងាយស្រួល ដូចទៅនឹងកុំព្យទ័រយួរដៃ សម្រាប់លេងហ្គេមដទៃនោះទេ ប៉ុន្តែវាមិនមែនមានន័យថា អ្នកមិនអាចលេងហ្គេមជាមួយនឹងវាបានទេ។ ជាការពិតណាស់ macOS ក៏មានហ្គេមដ៏គួរឱ្យចាប់អារម្មណ៍ ជាច្រើន ដែលអ្នកអាចដំឡើងនៅក្នុង Mac ឧទាហរណ៍៖ ការលេងហ្គេមទាក់ទងនឹង ការរៀបចំក្បួនយុទ្ធសាស្រ្ត ការបាញ់ប្រយុទ្ធ និងផ្សងព្រេង…ជាដើម។ មិនថាតែអ្នកលេងហ្គេមធម្មតាញឹកញាប់ ឬ អ្នកលេងយូរៗម្តងក៏ដោយ ក៏អ្នកនៅតែអាចទទួលបានបទពិសោធន៍ នៃការលេងហ្គេមនៅលើ Mac របស់អ្នកយ៉ាងសប្បាយរីករាយផងដែរ។ ដើម្បីលេងហ្គេមទាំងនេះបាន អ្នកត្រូវការឧបករណ៍បញ្ជាហ្គេមដ៏សក្តិសម ដូចជាឧបករណ៍បញ្ជា PS4 DualShock របស់ក្រុមហ៊ុន Sony នេះឯង។ តោះ! មកស្គាល់ របៀបដំឡើងដ៏សាមញ្ញចំនួន ពីរ ដែលមាននៅក្នុងអត្ថបទដូចខាងក្រោម៖
វីធីដ៏ងាយស្រួលបំផុតទីមួយ អ្នកអាចភ្ជាប់វាបាន តាមរយៈ Bluetooth ។

វិធីទីពីរ គឺការប្រើប្រាស់ខ្សែភ្ជាប់ Micro-USB។
1. ការតភ្ជាប់ឧបករណ៍បញ្ជាហ្គេមតាម Bluetooth
វាមិនគ្រាន់តែងាយស្រួលនោះទេ វាក៏អាចផ្តល់ឱ្យអ្នកនូវ បទពិសោធន៍ដ៏ល្អជាងមុន ចំពោះការលេងហ្គេម។ យ៉ាងហោចណាស់ អ្នកនឹងមិនត្រូវបានរំខានដោយខ្សែភ្ជាប់ USB ខណៈកំពុងលេងហ្គេមផងដែរ។ ខាងក្រោមនេះគឺជា ជំហាននៃរបៀបដំឡើងឧបករណ៍បញ្ជា PS4 ភ្ជាប់ជាមួយនឹង Mac របស់អ្នកតាមរយៈ Bluetooth៖
• ដំបូងត្រូវប្រាកដថា Bluetooth នៅក្នុង Mac បើកដំណើរការ ដោយគ្រាន់តែចុចលើរូបតំណាង Bluetooth នៅនឹងរបារខាងលើរបស់ Mac ។
• ទន្ទឹមនឹងនេះដែរ នៅលើឧបករណ៍បញ្ជា PS4 សូមចុចប៊ូតុង PS4 និងចែករំលែកក្នុងពេលដំណាលគ្នា។ ដូច្នេះឧបករណ៍បញ្ជានឹងលោតភ្លឹបភ្លែតៗ ដែលវាត្រៀមខ្លួនជាស្រេច ដើម្បីភ្ជាប់ជាមួយនឹង Mac ។
• ចុចលើរូបតំណាង Bluetooth ម្តងទៀត ហើយជ្រើសរើសពាក្យ Bluetooth Preferences ។
• នៅក្នុងបញ្ជី Bluetooth Preferences នៅក្នុង Mac ហើយស្វែងរកឧបករណ៍ដោយឥតខ្សែ (Wireless Controller) និងចុចប៊ូតុង Connect ខាងក្រោមក្បែរវា។
• ដូច្នេះអ្នកអាចត្រៀមខ្លួនរួចរាល់ហើយ ដើម្បីប្រើប្រាស់ឧបករណ៍បញ្ជា PS4 សម្រាប់បទពិសោធន៍នៃការលេងហ្គេម កានតែប្រសើរជាងមុន នៅលើកុំព្យូទ័រយួរដៃរបស់ក្រុមហ៊ុន Apple មួយនេះ។

2. វិធីសាស្រ្តទីពីរ ៖ ខ្សែភ្ជាប់ Micro-USB
អ្នកលេងហ្គេមមួយចំនួន ទំនងជាចង់លេងហ្គេមនៅលើ Mac ដោយប្រើប្រាស់ឧបករណ៍បញ្ជា PS4 ឥតខ្សែ។ ប៉ុន្តែពេលខ្លះ អ្នកត្រូវប្រើប្រាស់វិធីសាស្រ្តនេះ ដោយសារតែ Bluetooth របស់ Mac មិនដំណើរការជាដើម។ ដូច្នេះអ្នកអាចសាកល្បងភ្ជាប់វា ដោយប្រើខ្សែ Micro-USB ដែលត្រូវអនុវត្តន៍ទៅតាមជំហាន៖
• ដំបូងត្រូវយកខ្សែ ដែលភ្ជាប់ទៅនឹងឧបករណ៍បញ្ជា PS4 របស់អ្នក
• បន្ទាប់ភ្ជាប់វាជាមួយនឹង Mac និងឧបករណ៍បញ្ជា
• បើកដំណើរការ PlayStation Gamepad ដោយចុចប៊ូតុង PS4 ដែលនៅចំកណ្តាល
• នៅលើ Mac សូមចុចឡូហ្គូ Apple នៅលើអេក្រង់ផ្នែកខាងឆ្វេង ហើយចុចនៅលើ About
• បន្ទាប់ចុចលើ System Report ស្វែងរក និងជ្រើសរើសពាក្យ USB
• នៅផ្នែកខាងក្រោម USB ស្វែងរកឧបករណ៍បញ្ជាឥតខ្សែ និងចុចលើវា ជាការស្រេច ៕

អត្ថបទអ្នកចង់អាន

វិធីងាយស្រួលបំផុត ក្នុងការពិនិត្យមើលទូរសព្ទចោរ

ដោយ: ដួងច័ន្ទ 9 PM, Monday, 15 May, 2017

បើសិនជាអ្នកទិញទូរសព្ទមួយទឹក មានចំណុចដ៏ជាក់លាក់មួយ សម្រាប់ពិនិត្យមើល ថាតើទូរសព្ទនោះជាទូរសព្ទចោរ ឬមិនមែន។ ហើយវិធីពិនិត្យនេះ សព្វថ្ងៃកាន់តែមានភាពងាយស្...

របស់ ១១ យ៉ាង ដែលចោរពេញនិយម ពេលអ្នកចតឡាន

ដោយ: ស. លីង 7 PM, Saturday, 10 Jun, 2017

ម្ចាស់រថយន្តភាគច្រើនជឿជាក់ថា ការចតរថយន្តនៅក្នុងចំណតផ្សារ ចំណតសណ្ឋាគារ ចំណតភោជនីយដ្ឋាន ដែលមានអ្នកយាម គឺមានសុវត្ថិភាពចំពោះរថយន្ត និងសម្ភារក្នុងនោះមួយ...

Gadget សម្រាប់អ្នកស្រឡាញ់ សៀវភៅ

ដោយ: ដួងច័ន្ទ 1 PM, Friday, 29 Sep, 2017

តើអ្នកជាមនុស្សស្រឡាញ់ ងុបងល់នឹងសៀវភៅឬទេ? បើមែន ជឿជាក់ថាគ្រប់សកម្មភាពរបស់អ្នក តែងមានសៀវភៅជាប់នឹងខ្លួន។ ដូច្នេះ ទំនើប សូមបង្ហាញពី Gadget ប្លែកៗ តែមាន...

កម្មវិធីសម្ពោធទូរក្លាស្សេភេសជ្ជៈ Panasonic ស៊េរីថ្មី គុណភាពខ្ពស់ និងសន្សំសំចៃថាមពលអគ្គីសនីកាន់តែអស្ចារ្យ

ដោយ: ទំនើប 12 PM, Friday, 15 Jun, 2018

ភ្នំពេញ ៖ ថ្ងៃទី 14 ខែ មិថុនា ឆ្នាំ 2018 – ក្រុមហ៊ុន Panasonic បានសហការណ៍ជាមួយ ក្រុមហ៊ុន G Gear រៀបចំកម្មវិធីសម្ពោធផលិតផលទូរក្លាស្សេភេសជ្ជៈ P...

Tomnerb.Com - YouTube Channel