ចូលចិត្តទំនើប

PlayStation Classic របស់ Sony នឹងបានមកក្នុងដៃរបស់អ្នកក្នុងតម្លៃ 100$

ដោយ: ភារុន 4 PM, Friday, 30 Nov, 2018

ក្រុមហ៊ុន Sony បានប្រកាសកាលពីថ្ងៃ អង្គារ៍ ទី18 ខែកញ្ញានេះថាក្រុមហ៊ុននឹងបើកដំណើរការម៉ាស៊ីនហ្គេម PlayStation Classic ថ្មីរបស់ខ្លួនដែលនៅក្នុងនោះមានហ្គេមចំនួន 20 ដែលបានដាក់បញ្ចូលនៅក្នុងម៉ាស៊ីនហ្គេមថ្មីនេះ។
យោងទៅតាមក្រុមហ៊ុន Sony បានឱ្យដឹងថាម៉ាស៊ីនហ្គេម Classic នេះមានការកែប្រែឱ្យតូចជាងមុន 45 % ពីម៉ាស៊ីនហ្គេម PlayStation Original។ ម៉ាស៊ីនហ្គេមថ្មីនេះមានផ្ទុកនូវហ្គេមដែលមានស្រាប់មួយចំនួនដូចជា៖ Final Fantasy VII, Jumping Flash, Ridge Racer Type 4, Tekken 3 និង Wild Arms។ ម្យ៉ាងទៀតហ្គេមទាំងនេះនឹងអនុញ្ញាតឱ្យអ្នកលេងហ្គេមក្នុងទ្រង់ទ្រាយដើមរបស់វា។

កុងសូល PlayStation Original របស់ក្រុមហ៊ុន Sony ត្រូវបានណែនាំជាលើកដំបូងនៅឆ្នាំ 1994 ប្រហែលជា 25 ឆ្នាំមុនមកម្ល៉េះ។ ក្រុមហ៊ុន Sony បាននិយាយនៅក្នុងសេចក្តីថ្លែងការណ៍មួយថា PlayStation ជាម៉ាស៊ីនហ្គេមដំបូងបំផុតនៅក្នុងប្រវត្តិសាស្រ្តម៉ាស៊ីនហ្គេមរបស់ក្រុមហ៊ុនដែលលក់ដាច់អស់ 100 លានគ្រឿងនៅទូទាំងពិភពលោកដែលផ្តល់ឱកាសឱ្យអ្នកលេងហ្គេម អាចលេងហ្គេមជាមួយនឹងរូបភាពក្រាហ្វិច 3D ជាលើកដំបូង។
អ្នកអាចធ្វើការ Pre-order ម៉ាស៊ីនហ្គេម PlayStation Classic ថ្មីនេះនៅតាមបណ្តាហាងមួយចំនួននៅក្នុងសហរដ្ឋអាមេរិក ដែលនឹងមានលក់នៅក្នុងហាងនៅថ្ងៃទី 3 ខែ ធ្នូ ខាងមុខនេះក្នុងតម្លៃ 100$ ហើយនិងមានភ្ជាប់ជាមួយខ្សែ HDMI ខ្សែ USB និង ឧបករណ៍បញ្ជាចំនួន 2 បន្ថែមទៀត។

នៅលើឆាកអន្តរជាតិ ក្រុមហ៊ុន Sony បានប្រកាសថាម៉ាស៊ីនហ្គេម Classic នឹងចាប់ផ្តើមផលិតនៅក្នុងបរិមាណមានកំណត់នៅថ្ងៃទី 3 ខែ ធ្នូ នៅប្រទេសជប៉ុន អាមេរិកខាងជើង សហភាពអ៊ឺរ៉ុប ប្រទេស New Zealand និង ប្រទេស Australia។ ក្រុមហ៊ុនក៏បានបន្ថែមទៀតថានឹងបញ្ចេញព័ត៌មានលម្អិតអំពីម៉ាស៊ីនហ្គេមថ្មីនេះនៅប៉ុន្មានខែខាងមុខនេះ។

អត្ថបទអ្នកចង់អាន

Google បញ្ជាក់ថានឹងមិនចេញលក់ Smartwatch ថ្មីទេ

ដោយ: ដួងច័ន្ទ 8 AM, Wednesday, 05 Sep, 2018

ព័ត៌មានចចាមអារ៉ាមអស់ពេលជាយូរ បានផ្តោតលើការរៀបចំបញ្ចេញលក់ Smartwatch ថ្មី ពីក្រុមហ៊ុន Google ក្នុងឆ្នាំ 2018។ ប៉ុន្តែព័ត៌មានទាំងនោះមិនមានអាចក្លាយជាក...

Toyota នឹងបញ្ឈប់ការលក់រថយន្តម៉ាស៊ូត នៅអឺរ៉ុប

ដោយ: ដួងច័ន្ទ 9 PM, Wednesday, 23 May, 2018

អ្នកអាចបន្ថែមឈ្មោះក្រុមហ៊ុន Toyota ទៅក្នុងបញ្ជីឈ្មោះក្រុមហ៊ុនផលិតរថយន្ត ដែលបានទម្លាក់ ចំនួនផលិតរថយន្តប្រើប្រាស់ប្រេងម៉ាស៊ូត នៅក្នុងខ្សែចង្វាក់ផលិតក...

ជម្រើសជំនួស AirPods ទាំង 6

ដោយ: ដួងច័ន្ទ 9 AM, Tuesday, 24 Jul, 2018

ផលិតផល AirPods របស់ Apple បានទទួលប្រជាប្រិយភាពខ្ពស់ ក្នុងនាមជាកាសត្រចៀកគ្មានខ្សែពិតប្រាកដ ជាមួយនឹងការភ្ជាប់ដ៏ងាយស្រួល ការបញ្ជារដោយការប៉ះ និងថាមពលប...

ការវិវត្តថ្មីនៃបច្ចេកវិទ្យា iOS អាចធ្វើឱ្យកម្មវិធីចាស់ៗ ប្រមាណ ១៨៧, ០០០ កម្មវិធីក្លាយជាគ្មានបានការ

ដោយ: ដួងច័ន្ទ 5 PM, Wednesday, 22 Mar, 2017

បច្ចេកវិទ្យា iOS 11 គឺជា Version បន្ទាប់របស់ទូរសព្ទ Apple ដែលរំពឹងថា នឹងដាក់ឱ្យដំណើរការនៅរដូវក្តៅនេះ ប្រហែលជាកម្មវិធីដ៏ពិសេសមួយ ដែលអាចសម្លាប់កម្មវិ...

Tomnerb.Com - YouTube Channel