ចូលចិត្តទំនើប

ជម្រើសកាមេរ៉ាធំៗ 2 ម៉ូដែល ពី Panasonic

ដោយ: ដួងច័ន្ទ 8 AM, Wednesday, 06 Mar, 2019

បើសិនជាអ្នកចង់បានកាមេរ៉ា Sony ម៉ូដែល RX10 IV ប៉ុន្តែអ្នកមិនចង់ចំណាយថវិការហូតដល់ $1,700 នោះក្រុមហ៊ុន Panasonic ប្រហែលជាមានជម្រើសកាមេរ៉ាមួយប្រភេទសម្រាប់អ្នក។

ក្រុមហ៊ុន Panasonic ទើបនឹងបានប្រកាសអំពីកាមេរ៉ាថ្មីម៉ូដែល FZ-1000 II ដែលជាម៉ូដែល Upgrade ពីលើម៉ូដែល FZ-1000 ដែលបានចេញកាលពីឆ្នាំ 2014។

នៅក្នុងកាមេរ៉ាថ្មីនេះមានបំពាក់ High-Sensitivity CMOS Sensor ទំហំ 1 inch មានកម្រិត 20.1 megapixel និងកែវពង្រីក Leica ប្រភេទ 25-400mm f/2.8-4.0 ដែលអាចពង្រីកបាន 16 ដង។ វាមានអេក្រង់ Touchscreen ទំហំ 3 inch ដែលសក្តិសមសម្រាប់ការថតរូប Selfie និងវីដេអូ Vlogging។
Sensor ថ្មី ផ្តល់ឱ្យកាមេរ៉ាម៉ូដែល FZ-1000 II នេះមានសមត្ថភាពថតរូបក្នុងកម្រិតពន្លឺខ្សោយ បានល្អជាម៉ូដែលជំនាន់មុន។ ក្រុមហ៊ុន Panasonic បានលើកឡើងអំពីមុខងារសំខាន់ៗដទៃទៀត រួមមាន ល្បឿនថតរូប 12fps បច្ចេកវិទ្យា 2.36 million dot EVF កងបញ្ជារភ្លោះ មុខងារថតរូប 4K ប្រព័ន្ធ 5-Axis Hybrid Optical Stabilization និងការថតរូប 4K ក្នុងល្បឿន 30fps។ កាមេរ៉ានេះក៏មានបំពាក់ប្រព័ន្ធ WiFi និង Bluetooth សម្រាប់ការផ្ទេរទិន្នន័យទៅកាន់ឧបករណ៍ចល័តដទៃទៀត។ កាមេរ៉ា Lumix FZ-1000 II នេះនឹងមានតម្លៃប្រមាណ $899 នៅពេលវាបង្ហាញវត្តមាននៅក្នុងទីផ្សារនៅក្នុងខែមីនា ឆ្នាំ 2019 ឆាប់ៗនេះ។

ព្រមពេលជាមួយគ្នានេះ ក្រុមហ៊ុន Panasonic ក៏មានបង្ហាញកាមេរ៉ាម៉ូដែល Lumix DC-ZS80 (ឬហៅថា TZ95 នៅក្នុងតំបន់អឺរ៉ុប) ដែលជាកាមេរ៉ា Travel Superzoom ជាមួយនឹង Lens ប្រភេទ 24-720mm f/3.3-6.4 របស់ Leica ដែលអាចពង្រីកបានរហូតដល់ 30 ដង និងមាន MOS Sensor ទំហំ 1/ 2.3 inch ផងដែរ។ ខណៈដែលកាមេរ៉ានេះស្ថិតនៅឆ្ងាយដាច់ពីគូប្រជែងរបស់ខ្លួន គឺកាមេរ៉ា P100 របស់ Nikon ដែលមានសមត្ថភាពពង្រីកបានរហូតដល់ 125 ដង ដូច្នេះការបំពាក់ Optical Stabilizer ជួយឱ្យការបំពេញមុខងាររបស់កាមេរ៉ាកាន់តែរលូន។ អ្នកអាចធ្វើការថតរូបក្នុងល្បឿន 10fps និងការថតវីដេអូទំហំ 3,840 x 2,160 នៅក្នុងល្បឿន 30fps។ កាមេរ៉ានេះនឹងមានបំពាក់ Live Viewfinder កម្រិត 2.3 million dot និងមានអេក្រង់ Touchscreen បង្វិលបានទំហំ 3 inch សក្តិសមសម្រាប់ការថតរូប Selfie និងវីដេអូ Vlogging។ ម៉ូដែល ZS80 ចាប់ផ្តើមទទួល Pre-Order ចាប់ពីពេលនេះតទៅ នៅក្នុងតម្លៃប្រមាណ $449 ហើយវានឹងចេញលក់ជាផ្លូវការនៅដំណាច់ខែមេសា ឆ្នាំ 2019 នេះហើយ។

កាមេរ៉ាទាំងពីរម៉ូដែលខាងលើនេះ អាចជាជម្រើសដ៏សមស្របមួយសម្រាប់អ្នក ព្រោះវាមានសមត្ថភាពថតរូប និងវីដេអូ ដ៏គាប់ប្រសើរ និងមានតម្លៃសមរម្យថែមទៀតផង៕

ប្រភព: engadget ផ្នែក: បច្ចេកវិទ្យា, កាម៉េរ៉ា

អត្ថបទអ្នកចង់អាន

កាមេរ៉ា Panasonic Lumix S1 និង S1R ស៊ុមពេញ ដែលអ្នកកំពុងរង់ចាំ

ដោយ: ភារុន 9 AM, Saturday, 06 Oct, 2018

10 ឆ្នាំក្រោយពីការផលិតកាមេរ៉ា LUMIX G1 ដែលជាកាមេរ៉ាដែលមាន Len ត្រឹមតែមួយ និង ឌីជីថលដំបូងបំផុតរបស់ក្រុមហ៊ុន Panasonic ក្រោយមកដល់ពេលបច្ចុប្បន្ននេះក្រ...

Gadget ឡូយៗ សម្រាប់ប្រើប្រាស់ ក្នុងការិយាល័យ

ដោយ: ដួងច័ន្ទ 11 PM, Wednesday, 22 Nov, 2017

ការិយាល័យធ្វើការជាកន្លែង ដែលប្រមូលផ្តុំដោយភាពស្មុគស្មាញ ប៉ុន្តែជាកន្លែងមួយដែលយើងត្រូវប្រមូលផ្តុំអារម្មណ៍ឱ្យបានមូលល្អ ដើម្បីបំពេញការងារបានដោយជោគជ័យ។...

ម៉ូដែលរថយន្តថែរក្សាបរិសា្ថន

ដោយ: ដួងច័ន្ទ 9 AM, Friday, 10 Aug, 2018

បច្ចុប្បន្ននេះពិភពលោកទទួលរងការគម្រាមកំហែងពីការបំពុលបរិស្ថានយ៉ាងធ្ងន់ធ្ងរ។ ក្រុមហ៊ុន ផលិតយានយន្តជាច្រើនបានស្វែងរកឃើញបច្ចេកវិទ្យា ទំនើប ដើម្បីផ្តល់ឱ្...

រថយន្តប្រើថាមពលអុីដ្រូសែន មានទម្ងន់ស្រាលនឹងធ្វើតេស្ត លើវិថីក្នុងចក្រភពអង់គ្លេស

ដោយ: ដួងច័ន្ទ 9 PM, Thursday, 20 Apr, 2017

រថយន្តម៉ូដែល Rasa នឹងត្រូវធ្វើតេស្តសាកល្បង នៅក្នុងឆ្នាំ ២០១៧នេះហើយ។ ក្រុមហ៊ុនរបស់ប្រទេសវេល ត្រូវបានផ្តល់ការអនុញ្ញាតឱ្យធ្វើតេស្ត សាកល្បងរថយន្តប្រើថា...

Tomnerb.Com - YouTube Channel