ចូលចិត្តទំនើប

Touch ID មិនដំណើរការនៅលើទូរស័ព្ទ iPhone តើគួរដោះស្រាយបែបណា?

ដោយ: ភារុន 10 AM, Wednesday, 06 Feb, 2019

ក្រុមហ៊ុន Apple គឺជាក្រុមហ៊ុនមួយ ដែលមានប្រជាប្រិយភាពបំផុតនៅលើពិភពលោក ដោយសារផលិតផលរបស់ Apple មានកម្មវិធី និងលក្ខណៈពិសេសៗ ដែលក្រុមហ៊ុនបានច្នៃប្រឌិតបន្ថែមឱ្យថ្មីជានិច្ច។ ដូចជា Touch ID ដែលជាលក្ខណៈពិសេសមួយក្នុងចំណោមលក្ខណៈពិសេសជាច្រើន ដែលក្រុមហ៊ុន Apple បានណែនាំជាលើកដំបូងនៅលើទូរស័ព្ទ iPhone 5s ហើយក៏ផ្តល់ភាពងាយស្រួលដល់អ្នកប្រើប្រាស់យ៉ាងខ្លាំង។ ការប្រើប្រាស់ Touch ID ដើម្បីដោះសោរទូរស័ព្ទ iPhone របស់អ្នក ឱ្យបានកាន់តែលឿនជាងមុន និងមានប្រសិទ្ធភាព។ ប្រសិនបើ Touch ID នៅលើទូរស័ព្ទដៃ មិនដំណើរការ គឺពិតជារំខានដល់ សកម្មភាពស្មាតហ្វូនរបស់អ្នក។ ដូច្នេះថ្ងៃនេះ ទំនើប សូមណែនាំប្រិយមិត្តអ្នកអាន ព្យាយាមដោះស្រាយបញ្ហានេះ ទៅតាមជំហានដូចខាងក្រោម៖
1. បិទ/បើក Touch ID & Passcode
ដំបូងចូលទៅកាន់កម្មវិធី Settings >> Touch ID & Passcode >> បញ្ចូលលេខសម្ងាត់>> អូសបិទ iPhone unlock និង iTunes & App Store >> រង់ចាំប្រហែល 2-3នាទី រួចហើយអូសបើកវាមកវិញ។

2. កំណត់ Touch ID សារជាថ្មីម្តងទៀត
ដំបូងអ្នកត្រូវលុបចោល Touch ID ចាស់របស់អ្នកជាមុនសិន បន្ទាប់មកកំណត់ Touch ID សារជាថ្មីម្តងទៀត។ នៅពេលអ្នកកំណត់វា អ្នកត្រូវប្រាកដថា អ្នកបានថតនូវស្នាមម្រាមដៃ របស់អ្នកបានយ៉ាងល្អឥតខ្ចោះ ហើយដោយការប្រើស្នាមម្រាមដៃខុសពីស្នាមម្រាមដៃមុន។

3. Restart ទូរស័ព្ទ iPhone

4. Erase ទូរស័ព្ទ iPhone
ការប្រើវិធីសាស្ត្រនេះ វាអាចត្រូវលុបចោលទិន្នន័យ ការកណត់ និងកម្មវិធី នៅក្នុងទូរស័ព្ទ iPhone ចោលទាំងអស់ ដូច្នេះយើងណែនាំ ឱ្យអ្នកត្រូវរក្សាទុកទិន្នន័យទាំងនេះបម្រុងទុកជាមុនសិន។ ដើម្បីធ្វើការលុប ដំបូងបើកចូលកម្មវិធី Settings >> General >> Reset >> Reset All Contents & Settings >> វាយបញ្ចូលលេខសម្ងាត់ Passcode >> បន្ទាប់មកចុចពាក្យ Erase iPhone។

5. Restore ទូរស័ព្ទ iPhone
ដំណើរការ Restore ក៏ប្រហែលជាអាចលុបចោល នូវទិន្នន័យគ្រប់យ៉ាង រួមមាន ការកំណត់ កម្មវិធី ប្រព័ន្ធប្រតិបត្តិការ និង Firmware …ជាដើមនៅក្នុងទូរស័ព្ទ iPhone របស់អ្នក។ មុនដំណើរការ Restore អ្នកត្រូវបម្រុងទុកទិន្នន័យទាំងអស់នេះជាមុនសិន។ ជំហាននៃការ Restore គឺដំបូងបើកកម្មវិធី iTune នៅលើ Mac/កុំព្យូទ័រ >> ភ្ជាប់ទូរស័ព្ទ iPhone ជាមួយនឹង Mac/កុំព្យូទ័រ ដោយប្រើខ្សែភ្ជាប់ >> បន្ទាប់ពីឃើញផ្ទាំងមួយលេចចេញមក អ្នកត្រូវប៉ះនៅលើពាក្យ Summary និងចុចត្រង់ពាក្យ Restore (កម្មវិធី iTune នឹងដោតឡូន Firmware មុនគេ) >> ក្រោយពីដំណើរការ Restore ត្រូវបានបញ្ចប់ អ្នកអាចព្យាយាមកំណត់ Touch ID របស់អ្នកសារជាថ្មីម្តងទៀត។

ប្រភព: technobezz ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

ធ្វើដូចម្តេចដើម្បីធ្វើឲ្យ Google Home របស់អ្នកមានច្រើនភាសា?

ដោយ: ភារុន 11 AM, Sunday, 04 Nov, 2018

បច្ចុប្បន្ននេះមានឧបករណ៍អេឡិចត្រូនិចជាច្រើនត្រូវបានគេផលិតឡើង      នឹងបានដាក់ឲ្យប្រើប្រាស់ដោយការបញ្ជាដោយ  ​សម្លេង។ ដើម្បីឲ្យឧបករណ៍ប្រតិបត្តិតាមពាក្យប...

PHONE SOAP CHARGER ប្រដាប់លាង និងកម្ចាត់មេរោគ លើស្មាតហ្វូន

ដោយ: ដាលីស 9 PM, Thursday, 21 May, 2015

បច្ចុប្បន្ននេះមិនថាអ្នកណាៗ ក៏នាំគ្នាងាកមកប្រើស្មាតហ្វូនដែរ អ្នកខ្លះគិតតែប្រើ រហូតភ្លេចមើល​ថែទាំ​រហូត​ដល់កើតមាន ការប្រមូលសន្សំមេរោគយ៉ាងច្រើន ហើយពេលប...

ទូរទស្សន៍ LG OLED បង្ហាញពីសិល្បៈដេរប៉ាក់ របស់កូរ៉េ

ដោយ: ដួងច័ន្ទ 9 AM, Saturday, 04 May, 2019

នៅក្នុងកិច្ចសហការជាមួយអង្គការ UNESCO ក្រុមហ៊ុន LG បានជួយពង្រីក ផ្សព្វផ្សាយកេរ្តិ៍ដំណែលនៃប្រពៃណីដ៏យូរលង់មួយរបស់ប្រទេសកូរ៉េ គឺ Chasu។ Chasu គឺជាប្រពៃ...

ម៉ាស៊ីនត្រជាក់ LG គិតគូរពីបរិស្ថាន និងសុខភាព

ដោយ: ដួងច័ន្ទ 8 AM, Monday, 29 Oct, 2018

តើអ្នកកំពុងពិបាកសម្រេចចិត្តជ្រើសយកម៉ាស៊ីនត្រជាក់យកទៅប្រើប្រាស់មែនទេ? ថ្ងៃនេះ ទំនើប មានជម្រើសដ៏សក្តិសមមួយសម្រាប់អ្នក នោះគឺម៉ាស៊ីនត្រជាក់ LG ម៉ូដែល S...

Tomnerb.Com - YouTube Channel