ចូលចិត្តទំនើប

ទូរសព្ទ Realme X ថ្មី ប្លែកដូចម្តេច?

ដោយ: ដួងច័ន្ទ 8 AM, Friday, 17 May, 2019

យើងពុំសូវមានអត្ថបទលើកបង្ហាញពីប្រភេទទូរសព្ទថ្នាក់កណ្តាលទេ ប៉ុន្តែនៅពេលដែលយើងមាន នោះវាពិតជាមានហេតុផលដ៏សមស្របមួយ។ ថ្ងៃនេះ គេហទំព័រទំនើប សូមបង្ហាញពីទូរសព្ទផលិតផលរបស់ប្រទេសចិនមួយប្រភេទ គឺម៉ូដែល RealmeX ជាមួយនឹងកាមេរ៉ា Selfie ប្រភេទ Pop-Up។

ប៉ុន្តែអ្វីដែលគួរឱ្យចាប់អារម្មណ៍គឺស្ថិតនៅលើការរចនាម៉ូដរបស់វា។ ម៉ូដែល X ត្រូវបានផលិតជាពីរជម្រើស គឺ Garlic Edition និង Onion Edition ដែលទាំងពីរជម្រើសនេះ គឺជាស្នាដៃរបស់អ្នកច្នៃម៉ូដ Muji ដ៏ល្បីល្បាញ មានឈ្មោះថា Naoto Fukasawa ដែលមានកេរ្តិ៍ឈ្មោះល្បីល្បាញតាមរយៈស្នាដៃនៃការរចនាម៉ូដែលទូរសព្ទ Infobar។

យោងតាម Realme ការរចនាម៉ូដចុងក្រោយនេះទទួលបានពីការធ្វើតេស្ត Gradient ចំនួន 72 ដង នៅលើផលិតផលគំរូចំនួន 300 ប្រភេទ។

ទូរសព្ទនេះផ្ទាល់ គឺជាការបញ្ចេញចុងក្រោយបង្អស់ពី Realme ដែលជា Spin-Off មួយរបស់ក្រុមហ៊ុន Oppo ដែលផ្តោតសំខាន់លើទីផ្សារផលិតផលទូរសព្ទកម្រិតទាប។ ក្នុងនាមជាផលិតផលថ្នាក់កណ្តាល វាជាទូរសព្ទ Android ដែលមាន Dual SIM ជាមួយនឹងការបំពាក់បន្ទះឈីបប្រព័ន្ធប្រតិបត្តិការ Qualcomm Snapdragon 710 មានអេក្រង់ប្រភេទ 6.53 inch ប្រភេទ FHD+ AMOLED មានឧបករណ៍ស្កេនក្រយ៉ៅដៃបំពាក់នៅក្នុងអេក្រង់ មានកាមេរ៉ាក្រោយភ្លោះមួយគូ បន្ថែមជាមួយកាមេរ៉ា Selfie ប្រភេទ Pop-Up ដូចបានរៀបរាប់ខាងលើ។ ជាមួយគ្នានេះ វាមានបំពាក់ថ្មទំហំ 3,765mAh ដែលគាំទ្រជាមួយបច្ចេកវិទ្យាបញ្ចូលថាមពលល្បឿនលឿន 20W VOOC 3.0 របស់ក្រុមហ៊ុន Oppo ដែលអាចបញ្ចូលថាមពលបានរហូតដល់ 55% ក្នុងរយៈពេលត្រឹមតែ 30 នាទី បន្ថែមជាមួយការបំពាក់ប្រព័ន្ធគ្រប់គ្រងកម្តៅបានល្អប្រសើរជាងមុន។

លើសពីនេះទៀត វាក៏មិនត្រូវបានកាត់បន្ថយសមត្ថភាពកាមេរ៉ាដែរ។ វាមានកាមេរ៉ា Selfie ទំហំ 16 megapixel កម្រិត f/2.0 ប្រើប្រាស់ Sensor​ ប្រភេទ Sony IMX471។ ចំណែកកាមេរ៉ាភ្លោះនៅខាងក្រោយ មានបំពាក់កាមេរ៉ាទំហំ 48 megapixel កម្រិត f/1.7 មួយគ្រាប់ជាកាមេរ៉ាធំ និងកាមេរ៉ាទំហំ 5 megapixel កម្រិត f/2.4 ជាកាមេរ៉ាទីពីរ មួយគ្រាប់។ កាមេរ៉ាធំក៏អាចមានសមត្ថភាពចាប់យកវីដេអូ 4K ល្បឿន 30fps ឬវីដេអូ Slow Motion 720p ល្បឿន 960fps។

នេះជាជម្រើសទូរសព្ទដ៏ល្អមួយគ្រឿង ជាមួយមុខងារពិសេសៗដ៏គាប់ចិត្ត ដែលមានតម្លៃត្រឹមតែប្រមាណ $220 ដែលផ្តល់នូវ RAM ទំហំ 4GB និងឃ្លាំងផ្ទុកទិន្នន័យទំហំ 64GB និងតម្លៃប្រមាណ $260 ជាមួយនឹង RAM ទំហំ 8GB និងឃ្លាំងផ្ទុកទិន្នន័យទំហំ 128GB។ ប៉ុន្តែទាំងអស់នេះត្រូវបានផលិតក្នុងជម្រើសពណ៌ខៀវ ឬពណ៌ស ហើយបើសិនជាអ្នកចង់បានម៉ូដែល Garlic ឬ Onion Master Editions ជាមួយនឹងហត្ថលេខារបស់ Naoto Fukasawa នៅខាងក្រោយតួទូរសព្ទ អ្នកនឹងត្រូវបន្ថែមថវិកាប្រមាណ $15 ថែមទៀត។

ម៉ូដែល Realme X នឹងចេញលក់នៅក្នុងប្រទេសចិននៅថ្ងៃទី 20 ខែឧសភា ខាងមុខនេះ ហើយក្រុមហ៊ុនបានប្រាប់យើងថា ក្រុមហ៊ុនមានផែនការនាំយកទូរសព្ទនេះទៅកាន់តំបន់អឺរ៉ុប និងសហរដ្ឋអាមេរិក។ បើពិតជាដូច្នេះមែន ទូរសព្ទ Realme X នឹងក្លាយជាឧបសគ្គមួយសម្រាប់ទូរសព្ទម៉ូដែល Pixel 3A ដែលមានតម្លៃ $400 នៅពេលវាឆ្ពោះទៅរកទីផ្សារភាគខាងលិច៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

នាឡិកា Apple អេក្រង់កោង ចាប់ផ្តើមសាកល្បងហើយ

ដោយ: ដាលីស 11 AM, Monday, 13 Apr, 2015

iWatch ឬនាឡិកាពីក្រុមហ៊ុន Apple មើលទៅហាក់ដូចជាមិនមែនត្រឹមតែជាពាក្យចចាមអារ៉ាមទៀតទេ ព្រោះសារ​ព័ត៌​មាននៅបរទេសនាំគ្នាចេញផ្សាយពីភាពអាចទៅរួចដែល Apple នឹង...

Zoom Lens ថ្មីពី Nikon កាន់តែលឿន កាន់តែខ្លាំង

ដោយ: ដួងច័ន្ទ 9 AM, Friday, 22 Feb, 2019

ក្រុមហ៊ុន Nikon បានប្រកាសពីផលិតផលបន្ថែមថ្មីមួយ ទៅក្នុងស្រឡាយផលិតផល Z-Mount Lens កាលពីពេលថ្មីៗនេះ។ ផលិតផលថ្មីនេះមានឈ្មោះថា Nikkor Z 24-70 f2.8 S ដែល...

កុំព្យូទ័រ យួរដៃល្អបំផុត សម្រាប់អាជីវកម្ម

ដោយ: ដួងច័ន្ទ 8 PM, Monday, 11 Dec, 2017

ការងារអាជីវកម្ម ពិតជាត្រូវការប្រើប្រាស់កុំព្យូទ័រជាចាំបាច់ ហើយកុំព្យូទ័រយួរដៃ ដើរតួនាទីយ៉ាងសំខាន់ ជាពិសេសនៅពេលអ្នកធ្វើការ នៅក្រៅការិយាល័យ និងពេលធ្វ...

LG បង្ហាញអេក្រង់ 8K OLED ជំនាន់ថ្មី

ដោយ: ដួងច័ន្ទ 9 AM, Sunday, 10 Mar, 2019

ព្រឹត្តិការណ៍ CES ពិតជាមិនមានភាពភ្ញាក់ផ្អើលទេ បើសិនជាមិនមានការដាក់បង្ហាញផលិតផល LG Display ហើយក្រុមហ៊ុន LG ក៏កំពុងអន្ទះសារក្នុងការនាំមកនូវផលិតផលថ្មី...

Tomnerb.Com - YouTube Channel