ចូលចិត្តទំនើប

MeshTalk អាចឱ្យអ្នកហៅទូរសព្ទ និង Chat ដោយពុំចាំបាច់មាន Network

ដោយ: ដួងច័ន្ទ 10 AM, Monday, 01 Jul, 2019

ក្រុមហ៊ុន Oppo បានប្រកាសអំពីបច្ចេកវិទ្យាសម្រាប់ការទំនាក់ទំនងថ្មីមួយ ដែលបង្កើតឡើងសម្រាប់អនុញ្ញាតឱ្យអ្នកប្រើប្រាស់និយាយទូរសព្ទ ឬ Chat នៅក្នុងរយៈចម្ងាយជាមធ្យម ដោយពុំចាំបាច់មានវត្តមាន Cellular Network, Wi-Fi ឬ Bluetooth។


បច្ចេកវិទ្យាថ្មីនេះមានឈ្មោះថា MeshTalk ហើយវាគឺជាប្រព័ន្ធវិមជ្ឈការ End-to-End ដែលក្រុមហ៊ុន Oppo រៀបរាប់ថាអាចគ្របដណ្តប់បានក្នុងវិសាលភាព 3 គីឡូម៉ែត្រ ឬចម្ងាយឆ្ងាយជាងនេះ នៅក្នុងទីតាំងដែលមានមនុស្សច្រើន នៅពេលដែលការបញ្ជូនសញ្ញាពីឧបករណ៍មួយ ទៅមួយត្រូវបានប្រើប្រាស់។
ជាមូលដ្ឋាន ឧបករណ៍របស់ Oppo នឹងមានលទ្ធភាពបង្កើតបណ្តាញ Network នៅក្នុងតំបន់ ជាពិសេស នៅទូទាំងតំបន់ដ៏ទូលំទូលាយមួយ និងអាចទំនាក់ទំនងដោយផ្ទាល់ទៅកាន់គ្នាទៅវិញទៅមក ដោយមិនមានតម្រូវការស្ថានីយ៍មូលដ្ឋាន។


ក្រុមហ៊ុនអះអាងថា MeshTalk មិនមានផលប៉ះពាល់ខ្លាំងចំពោះថាមពលថ្មនោះទេ ហើយក្រុមហ៊ុនមានផែនការជាក់លាក់សម្រាប់ដាក់វាឱ្យដំណើរការរយៈពេល 72 ម៉ោងនៅក្នុងទម្រង់ Standby ដូច្នេះទូរសព្ទដៃនោះនៅតែអាចប្រើប្រាស់បាននៅក្នុងករណីបន្ទាន់ នៅពេលវាមានថាម ពលខ្សោយ។
ក្រុមហ៊ុន Oppo មានបំណងឱ្យ MeshTalk ត្រូវបានប្រើប្រាស់នៅក្នុងស្ថានភាព ដែលអ្នកមិនត្រូវការប្រើប្រាស់ប្រព័ន្ធ Internet ឬនៅពេលប្រព័ន្ធ Network មានការកកស្ទះខ្លាំង ដូចជានៅក្នុងកម្មវិធីប្រគុំតន្រ្តី ឬបន្ទាប់ពីអ្នកចុះចតនៅអាកាសយានដ្ឋានក្រៅប្រទេសជាដើម។


យើងមិនទាន់ទទួលបានព័ត៌មានច្បាស់ការ ថាតើកម្មវិធីថ្មីនេះនឹងដាក់ឱ្យប្រើប្រាស់ជាមួយទូរសព្ទ Oppo ដែលកំពុងចេញលក់នៅក្នុងទីផ្សារ ឬនៅពេលដែល Oppo មានផែនការបញ្ចេញវានាពេលអនាគត។ ប៉ុន្តែវាត្រូវបានដាក់បង្ហាញនៅក្នុងព្រឹត្តិការណ៍ MWC Shanghai រួចហើយ៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

តើកាសស្តាប់ Galaxy Buds ឥតខ្សែរបស់ Samsung មានអ្វីពិសេស?

ដោយ: ភារុន 9 AM, Tuesday, 27 Aug, 2019

ខណៈពេលដែលក្រុមហ៊ុន Samsung បានបង្ហើបថាខ្លួនបានដំណើរការផលិត កាសស្តាប់ឥតខ្សែដ៏ពិតប្រាកដ កាលពីឆ្នាំមុននេះ។ នៅឆ្នាំនេះទីបំផុត វាបានលេចចេញនូវរូបរាងជាឈុត...

Mercedes-Benz បង្ហាញរថយន្តអគ្គិសនី SUV ដំបូង

ដោយ: ដួងច័ន្ទ 8 AM, Thursday, 13 Sep, 2018

នៅក្នុងព្រឹត្តិការណ៍មួយនៅក្នុងប្រទេសស៊ុយអែត ក្រុមហ៊ុន Mercedes-Benz បានបើករនាំងបាំង រថយន្តអគ្គិសនីដំបូង ជ្រកក្រោមស្លាកសញ្ញាពាណិជ្ជកម្ម EQ។ រថយន្តម៉...

គំរូអេក្រង់ OLED ថ្មីរបស់ Samsung អាចលូតយឺត និងពត់កោងបាន

ដោយ: ដួងច័ន្ទ 11 AM, Sunday, 28 May, 2017

បច្ចេកវិទ្យាអេក្រង់របស់ក្រុមហ៊ុន Samsung បានចូលរួមក្នុងព្រឹត្តិការណ៍ Display Week ដែលជាវេទិកាបច្ចេកវិទ្យាអេក្រង់ រៀបចំដោយ The Society for Informati...

ទូរទស្សន៍ 8K ទំហំយក្សរបស់ Sony ថ្លៃកប់ពពក

ដោយ: ដួងច័ន្ទ 8 AM, Monday, 29 Apr, 2019

ក្រុមហ៊ុន Sony បានខិតកាន់តែជិតដល់ពេលវេលាបញ្ចេញផលិតផលទូរទស្សន៍ស៊េរីឆ្នាំ 2018 របស់ខ្លួនហើយ ហើយអ្នកគួរតែត្រៀមចិត្តទទួលយកការភ្ញាក់ផ្អើល ប្រសិនជាអ្នកមា...

Tomnerb.Com - YouTube Channel