ចូលចិត្តទំនើប

បច្ចេកវិទ្យាពង្រីក 10 ដង នឹងមកដល់លើទូរសព្ទ Oppo មែនឬទេ?

ដោយ: ដួងច័ន្ទ 9 AM, Wednesday, 16 Jan, 2019

ក្រុមហ៊ុន Oppo បានត្រៀមខ្លួនរួចរាល់សម្រាប់ការប្រកាសពីប្រព័ន្ធពង្រីក 10x Optical Zoom ដំបូងបង្អស់នៅក្នុងពិភពលោកសម្រាប់ទូរសព្ទ Smartphone។ នេះជាព័ត៌មានដែលយើងទទួលបានពីគេហទំព័រ GSMArena។

ក្រុមហ៊ុន Oppo បាននឹងកំពុងរៀបចំព្រឹត្តិការណ៍មួយនៅថ្ងៃទី 16 ខែមករានេះ ជាមួយពាក្យស្លោកមួយឃ្លាថា “Ten times the view, see you soon” ។ កាលពីប៉ុន្មានសប្តាហ៍មុន គណនេយ្យទម្លាយព័ត៌មានបែកធ្លាយនៅលើ Twitter មានឈ្មោះថា Ice Universe បានរៀបរាប់ថា បុគ្គលិកមួយរូបរបស់ក្រុមហ៊ុន Oppo ដែលសុំមិនបញ្ចេញឈ្មោះបាននិយាយថា យើងនឹងបានឃើញបច្ចេកវិទ្យាពង្រីកគុណនឹង 10 ដង ដែលអាននឹងត្រូវបានបញ្ចេញនៅក្នុងកម្មវិធី Consumer Electronic Show ឬ កម្មវិធី Mobile World Congress ដែលនឹងមកដល់ក្នុងពេលឆាប់ៗនេះ។
ទោះបីជាក្រុមហ៊ុន Oppo ពិតជាបានបង្ហាញពីគំរូបច្ចេកវិទ្យាថ្មីនេះក្តីក៏ពិតមែន ប៉ុន្តែយើងមិនអាចប្រាកដទាំងស្រុងថា បច្ចេកវិទ្យាថ្មីនេះពិតជាអាចបញ្ចេញឱ្យដំណើរការនៅក្នុងផលិតផលទូរសព្ទពិតប្រាកដបានឡើយ។

កាលពីឆ្នាំ 2017 ក្រុមហ៊ុន Oppo ធ្លាប់បានប្រកាសពីគំរូបច្ចេកវិទ្យា 5x Optical Zoom ដែលប្រើប្រាស់ Periscope ដើម្បីបញ្ចេញពន្លឺចេញពីមុំនៅផ្នែកចំហៀង ឆ្លងកាត់លើ Lens Array។ ទោះបីជាបច្ចេកវិទ្យានេះដំណើរការបាន និងដំណើរការយ៉ាងប្រសើរក្តី ប៉ុន្តែវាមិនដែលបង្ហាញវត្តមានពិតប្រាកដនៅលើផលិតផលទូរសព្ទដៃណាមួយទេ។

យ៉ាងណាមិញ ជាមួយការប្តេជ្ញាចិត្តកាន់តែខ្លាំងរបស់ក្រុមហ៊ុន Oppo ក្នុងការនាំយកបទពិសោធន៍ជាមួយមុខងារថ្មីៗ មកកាន់ទីផ្សារទូរសព្ទ Smartphone ដែលកំពុងមានតម្រូវការគំនិតច្នៃប្រឌិត និងបច្ចេកវិទ្យាថ្មីៗបន្ថែមទៀត ដូច្នេះឆ្នាំ 2019 ថ្មីនេះ អាចជាឱកាសសម្រាប់បច្ចេកវិទ្យាថ្មីមួយនេះបង្ហាញខ្លួនយ៉ាងពិតប្រាកដហើយ។

មិនយូរទៀតទេ យើងនឹងបានស្វែងយល់កាន់តែច្បាស់ជាមួយគ្នា ដូច្នេះសូមមិត្តអ្នកអានទាំងអស់ រងចាំតាមដានព័ត៌មានថ្មីៗបន្តបន្ទាប់់ទៀតជាមួយ ទំនើប៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

គុណសម្បត្តិ និងអត្ថប្រយោជន៏របស់ LG Dual Inverter Compressor ™

ដោយ: ទំនើប 9 PM, Saturday, 18 Nov, 2017

តើលោកអ្នកតែងតែមានកង្វល់ជាមួយការរំខាននៃសម្លេងរបស់ម៉ាស៊ីនត្រជាក់ និងការខ្ជះខ្ជាយអគ្គីសនីមែនទេ? ឈប់បារម្មណ៏ទៀតទៅជាមួយនិងបច្ចេកវិទ្យា LG Dual Inverter ...

ក្រុមហ៊ុន LG បង្ហាញទូរទស្សន៍ OLED 8K ដំបូងគេបង្អស់លើពិភពលោកព្រឹត្តិការណ៍ IFA

ដោយ: ទំនើប 8 AM, Thursday, 06 Sep, 2018

ក្រុមហ៊ុន LG ជាអ្នកឈានមុខគេស្រាប់ក្នុងការបង្កើតទូរទស្សន៍ OLED ដ៏ទំនើប ហើយឥឡូវនេះក៏បានបង្ហាញនូវទូរទស្សន៍ OLED 8K ទំហំ (7680 x 4320) ដំបូងគេបង្អស់នៅល...

ប៉ាតង់ថ្មីរបស់ Apple តម្រូវពន្លឺទូរសព្ទតាមស្ថានភាព

ដោយ: ដួងច័ន្ទ 5 PM, Friday, 15 Jun, 2018

ថ្មីៗនេះក្រុមហ៊ុន Apple ទើបតែទទួលបានប័ណ្ណប៉ាតង់ថ្មី ដែលជាប័ណ្ណប៉ាតង់ផ្តោតជាពិសេសលើបច្ចេកវិទ្យា ដែលឧបករណ៍ដូចជា iPhone អាចគ្រប់គ្រងពន្លឺអេក្រង់ ជាពិស...

ក្រុមហ៊ុន Qualcomm ប្រកាសថា នឹងដំណើរការ Snapdragon 855 នៅក្នុងស្មាតហ្វូន ដែលអាចភ្ជាប់ជាមួយនឹងប្រព័ន្ធ 5G

ដោយ: ភារុន 8 AM, Thursday, 11 Apr, 2019

កាលពីពេលថ្មីៗនេះក្រុមហ៊ុន Qualcomm ទើបតែបានប្រកាស ជាផ្លូវការនូវបន្ទះឈីបជំនាន់ចុងក្រោយ Snapdragon 855 សម្រាប់ដាក់បញ្ចូលទៅក្នុងស្មាតហ្វូនកំពូលៗ នៅឯ ស...

Tomnerb.Com - YouTube Channel