ចូលចិត្តទំនើប

Oppo F11 Pro ពិសេសត្រង់ណា?

ដោយ: ដួងច័ន្ទ 11 AM, Friday, 08 Mar, 2019

ក្រុមហ៊ុនអេឡិចត្រូនិចរបស់ចិន Oppo បានប្រកាសនៅថ្ងៃនេះអំពីផលិតផលទូរសព្ទ Smartphone ចុងក្រោយគេបង្អស់ គឺម៉ូដែល F11 Pro។ ក្រុមហ៊ុននេះធ្វើការផ្តោតខ្លាំងទៅលើបច្ចេកវិទ្យាកាមេរ៉ា នៅក្នុងទូរសព្ទលំដាប់កណ្តាលថ្មីមួយនេះ។

ម៉ូដែល F11 Pro គឺជាទូរសព្ទ Smartphone ចុងក្រោយគេបង្អស់ដែលមានបំពាក់កាមេរ៉ាធំទំហំ 48 megapixel។ សម្រាប់កាមេរ៉ាខាងមុខ ក្រុមហ៊ុន Oppo បានលូកដៃចូលក្នុងនិន្នាការថ្មីដែលកំពុងកើនឡើងប្រជាប្រិយភាព ហើយបានបំពាក់នៅលើទូរសព្ទថ្មីនេះជាមួយកាមេរ៉ាលេចត្រដែតឡើង។
ទូរសព្ទម៉ូដែល F11 Pro បែបស្ព័រមានអេក្រង់ 1080p ដែលមានទំហំ 5.330 inch ដែលអរគុណដល់កាមេរ៉ាលេចត្រដែតឡើង ធ្វើឱ្យទូរសព្ទនេះមិនចាំបាច់ចំណាយផ្ទៃអេក្រង់សម្រាប់ដាក់ Notch ទេ។

នៅខាងក្នុងទូរសព្ទផ្ទាល់មានបំពាក់ប្រព័ន្ធប្រតិបត្តិការ Media Tek Helio P70 ជាមួយនឹងជម្រើសអង្គចងចាំចំនួន 2 ខុសៗគ្នា គឺជម្រើស RAM ទំហំ 4GB មានឃ្លាំងផ្ទុកទិន្នន័យទំហំ 64GB ឬជម្រើស RAM ទំហំ 6GB មានឃ្លាំងផ្ទុកទិន្នន័យទំហំ 128GB។ ទូរសព្ទនេះមានបំពាក់ថ្មមានកម្លាំង 4,000mAh ដែលអាចធ្វើការបញ្ចូលថាមពលល្បឿនលឿន ដោយប្រើប្រាស់បច្ចេកវិទ្យា VOOC 3.0 របស់ Oppo ផ្ទាល់។
នៅផ្នែកខាងក្រោយ រួមគ្នាជាមួយកាមេរ៉ាទំហំ 48 megapixel មានបំពាក់នូវឧបករណ៍ស្កេនក្រយ៉ៅដៃ។ យ៉ាងណាមិញ ម៉ូដែល F11 Pro នៅរក្សានូវទម្លាប់ចាស់ដដែល ដោយវានៅមានរន្ធដោតកាសស្តាប់ និងរន្ធដោត micro USB។

បើសិនជា Oppo មិនមែនជាម៉ាកសញ្ញាផលិតផលដែលអ្នកចង់បាន ប៉ុន្តែទូរសព្ទម៉ូដែលថ្មី F11 Pro នេះ មានតម្លៃគ្រប់គ្រាន់សម្រាប់ការពិចារណា ជាពិសេសបើសិនជាអ្នកជាប្រិយមិត្តរបស់ទូរសព្ទ Smartphone ផលិតចេញពីក្រុមហ៊ុន OnePlus។

OnePlus គឺជាក្រុមហ៊ុនមួយដែលមានចំណូលចិត្តតុបតែងផលិតផលទូរសព្ទរបស់ខ្លួន ដោយពឹងផ្អែកលើការរចនាម៉ូដរបស់ក្រុមហ៊ុន Oppo ហើយព័ត៌មានបែកធ្លាយកាលពីពេលកន្លងទៅ បានលើកឡើងថា ទូរសព្ទម៉ូដែល OnePlus 7 ថ្មី នឹងមានបំពាក់កាមេរ៉ា Selfie លេចត្រដែតឡើងដែរ។ ការដាក់បញ្ចូលលក្ខណៈពិសេសដូចគ្នានៅលើទូរសព្ទ F11 Pro អាចនឹងបញ្ជាក់ពីពាក្យចចាមអារាមទាំងនោះកាន់តែច្បាស់៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

តើកង់រថយន្តរបស់អ្នក ត្រូវការនីដ្រូសែន ឬទេ?

ដោយ: ដួងច័ន្ទ 8 PM, Monday, 27 Feb, 2017

អ្នកប្រហែលជាធ្លាប់បានឃើញ ពីការផ្សព្វផ្សាយពាណិជ្ជកម្ម របស់យានដ្ឋានជួសជុលរថយន្ត ផ្សព្វផ្សាយពីការប្រើប្រាស់ឧស្ម័ននីដ្រូសែន (Nitrogen) ជំនួសឱ្យខ្យល់ធម្...

ទូរសព្ទចិនឈរលំដាប់ទី 3 នៅអឺរ៉ុប

ដោយ: ដួងច័ន្ទ 9 AM, Wednesday, 20 Feb, 2019

ទិន្នន័យចុងក្រោយបង្អស់ទទួលបានពីអ្នកវិភាគទីផ្សារ Canalys បានបង្ហាញពីទំនោរតួលេខមួយ ដែលមនុស្សភាគច្រើនអាចនឹងប៉ាន់ប្រមាណដឹងតាំងពីឆ្នាំ 2018 មកម្ល៉េះ។ តួ...

បទពិសោធន៏ដល់អស្ចារ្យជាមួយនឹងកាមេរ៉ាភ្លោះ របស់ LG G5SE

ដោយ: ម៉ូនី 1 AM, Sunday, 26 Jun, 2016

LG G5SE គឺជាទូរស័ព្ទស្មាតហ្វូន ត្រកូល G Series ចុងក្រោយគេបង្អាល់របស់ LG ដែលត្រូវបានរចនាឡើងកាន់តែមានភាពទាក់ទាញជាមួយរូបរាងដ៏ប្រណិត នឹង ប្រកបដោយគំនិតថ...

15 វត្ថុបង្កើតថ្មី ដែលអ្នកត្រូវការ សម្រាប់ការរស់នៅ ដ៏ល្អឥតខ្ចោះ!!

ដោយ: ភារុន 8 AM, Friday, 31 May, 2019

យើងម្នាក់ៗតែងជំពប់ជួប ទៅលើវត្ថុច្នៃប្រឌិតថ្មីៗសាមញ្ញៗ ប៉ុន្តែមានប្រសិទ្ធភាពដ៏អស្ចារ្យ ដែលធ្វើឱ្យជីវភាពរស់នៅរបស់យើងគ្រប់គ្នា កាន់តែមានភាពងាយស្រួលឡើង...

Tomnerb.Com - YouTube Channel