ចូលចិត្តទំនើប

One UI សម្រាប់ Android Skin ថ្មី

ដោយ: ដួងច័ន្ទ 3 PM, Friday, 30 Nov, 2018

បន្ថែមលើការបង្ហាញទូរសព្ទបត់រមូរបាន ដែលកំពុងទទួលបានចំណាប់អារម្មណ៍ខ្លាំង នៅក្នុងវេទិកា Developer កាលពីពេលថ្មីៗនេះ ក្រុមហ៊ុន Samsung ក៏បានចែករំលែកពីគម្រោងផែនការសម្រាប់មុខងារ Android Skin ថ្មី។

រូបរាងថ្មីរបស់វានឹងត្រូវបានគេហៅឈ្មោះថា One UI ហើយមុខងាររបស់វាមិនគ្រាន់តែផ្តល់នូវការរចនាថ្មីស្រឡាង ជាមួយនឹងជ្រុងរាងកោងនៅលើរូបសញ្ញា Icon និមួយៗប៉ុណ្ណោះទេ ប៉ុន្តែវាថែមទាំងផ្តល់នូវការរចនាម៉ូដបែប Minimalist ដែលក្រុមហ៊ុនអះអាងថា នឹងទាក់ទាញកែវភ្នែកអ្នកប្រើប្រាស់កាន់តែខ្លាំង។

មុខងារថ្មីនេះលេចឡើង ក្នុងនាមជាជំនាន់ក្រោយរបស់ Samsung Experience ដែលខ្លួនវាផ្ទាល់បានជំនួសកម្មវិធី TouchWiz ដែលជាឈ្មោះដើមដំបូងដែល Samsung ប្រើប្រាស់សម្រាប់ហៅមុខងារ Android Skin របស់ក្រុមហ៊ុន។

ចំណុចពិសេសមួយ នៅក្នុងទម្រង់រូបរាងថ្មីនេះគឺ Focus Blocks ដែលធ្វើការចាប់ក្រុមកម្មវិធីណាដែលមានទម្រង់ Setting ប្រទាក់ក្រឡាជាមួយគ្នារួមជាមួយគ្នា ដូច្នេះអ្នកប្រើប្រាស់អាចចូលទៅប្រើប្រាស់កម្មវិធីទាំងនោះកាន់តែងាយស្រួល។ ហើយដោយសារតែទូរសព្ទរបស់ Samsung ជាច្រើន ដូចជាម៉ូដែល Note 9 និង S9+ ដែលមានអេក្រង់ដ៏ធំនោះ មុខងារ One UI ក៏ធ្វើឱ្យវាកាន់តែមានផាសុកភាពក្នុងការបញ្ជារលើផ្ទៃអេក្រង់ធំៗដែរ។

ឧទាហរណ៍មួយដែលក្រុមហ៊ុន Samsung បានបង្ហាញគឺនៅក្នុងកម្មវិធី Message ជាកន្លែងដែលដំណើរការទូរសព្ទភាគច្រើន ឬកន្លែងដែលផ្ទៃអេក្រង់ត្រូវបានប្រើប្រាស់សម្រាប់ការបង្ហាញ ឬជាកន្លែងសម្រាប់បង្ហាញ និងកន្លែងដទៃទៀតគែសម្រាប់ការភ្ជាប់ទំនាក់ទំនង។ អ្នកអាចចុចនៅលើ Message នៅផ្នែកខាងក្រោមបង្អស់ ហើយផ្ទាំង Preview នឹងបង្ហាញនៅខាងលើ។

មុខងារមួយទៀត រួមទាំងការផ្លាស់ប្តូរទីតាំងមុខងារបញ្ជារ ដូចជាប៊ូតុង Share អាចផ្លាស់ប្តូរទៅផ្នែកខាងក្រោមនៃអេក្រង់ ជាកន្លែងដែលមេដៃរបស់អ្នកអាចធ្វើការបញ្ជារដោយងាយស្រួល។ នៅក្នុងនោះមិនមានព័ត៌មានលម្អិតជាក់លាក់ច្រើនទេ អំពីមុខងារដទៃទៀតដែលត្រូវបានផ្លាស់ប្តូរ ប៉ុន្តែក្រុមហ៊ុន Samsung បានអះអាងថានឹងធ្វើការលុបបំបាត់មុខងារមិនសំខាន់ចេញ ដូច្នេះអ្នកអាចទទួលបាននូវអ្វីដែលអ្នកចង់បាន ជាមួយនឹងមាតិកា និងមុខងារនានា នៅនឹងចុងម្រាមដៃរបស់អ្នក។

នៅក្នុង Skin ថ្មីនេះ ក៏មានមុខងារ Night Mode ដែលប្រើប្រាស់ Background ពណ៌ខ្មៅ សម្រាប់ភាពងាយស្រួលក្នុងការអាននៅក្នុងទីងងឹត ដែលវាមានលក្ខណៈស្រដៀងគ្នានឹង UI របស់ក្រុមហ៊ុន Google សម្រាប់ Pixel Stand ផងដែរ។

Software ថ្មីរបស់ Samsung នឹងប្រើប្រាស់ពណ៌ជាគូនឹង Hardware។ មានន័យថាបើសិនជាអ្នកប្រើប្រាស់ទូរសព្ទ Galaxy Note 9 ពណ៌ Lilac (ស្វាយខ្ចី) និងចង់បានទូរសព្ទដែលមានពណ៌ស្វាយសុទ្ធ អ្នកអាចប្រើប្រាស់ Theme របស់ One UI ដើម្បីទទួលបាន Hue ពណ៌ដូចគ្នា។

យោងតាមបទបង្ហាញដែលក្រុមហ៊ុន Samsung បានបង្ហាញ Home Screen ថ្មីសម្រាប់ទូរសព្ទ Galaxy ពិតជាមានលក្ខណៈស្អាត និងស្រឡះជាងមុន។ កម្មវិធី Weather Widget មានទំហំតូចជាងមុន ហើយរបារ Google Search មាន Background ពណ៌ប្រផេះស្រាល ជំនួសឱ្យពណ៌ ស ដែលកំពុងប្រើប្រាស់នាពេលបច្ចុប្បន្ន។

យើងត្រូវបានព័ត៌មានកាន់តែលម្អិត មុនពេលដឹងថាតើ One UI​ ផ្តល់ភាពងាយស្រួលជាងមុនសម្រាប់ការប្រើប្រាស់ ជាងកម្មវិធីមុនឬទេ ប៉ុន្តែយោងតាមអ្វីដែលក្រុមហ៊ុន Samsung បានចែករំលែក យើងអាចប៉ាន់ប្រមាណថារូបរាងថ្មីនេះ មានភាពស្រស់ស្រាយ និងទាក់ទាញ។ សមាសភាពជាច្រើនទំនងដូចជាត្រូវបានខ្ចីពី Android Pie និង iOS។​ កម្មវិធីថ្មីនេះដូចជាបង្ហាញខ្លូនចំពេលដែលកម្មវិធីចាប់កំពុងចាប់ផ្តើមហួសសម័យកាលប្រើប្រាស់។ យើងអាចរំពឹងថាបានឃើញការរចនារូបរាងថ្មីនៅលើទូរសព្ទជំនាន់ថ្មី ដែលនឹងចេញនៅឆ្នាំក្រោយ ដែលការប៉ាន់ប្រមាណខ្ពស់បំផុតស្ថិតនៅលើទូរសព្ទ Galaxy S10 ដែលអាចនឹងចេញលក់នៅក្នុងខែកុម្ភៈ ឆ្នាំក្រោយនេះ៕

អត្ថបទអ្នកចង់អាន

មុខងារថ្មីៗនឹងមាននៅលើ Mac ឆាប់ៗនេះ

ដោយ: ដួងច័ន្ទ 8 AM, Tuesday, 23 Apr, 2019

ស្របពេលដែលយើងកាន់តែខិតជិតទៅកាន់ព្រឹត្តិការណ៍ Worldwide Developer Conference របស់ក្រុមហ៊ុន Apple ក្នុងខែមិថុនា ខាងមុខនេះ ដែលជាព្រឹត្តិការណ៍ដែលក្រុមហ...

Smartwatch ដ៏តូចបង្កប់នូវ រូបរាងច្នៃតាមចិត្ត

ដោយ: ដួងច័ន្ទ 6 PM, Thursday, 25 Jan, 2018

ម៉ូដែលនាឡិកា Smartwatch ចុងក្រោយបង្អស់របស់ Tag Heuer មានបំពាក់ប្រព័ន្ធ Android Wear ដែលមានតម្លៃ $1,200 មានឈ្មោះថា Connected Modular 41។ នេះជាម៉ូដែល...

Apple ប្រកាសថាទូរសព្ទ iPhone 2020 ចំនួន 3 ម៉ូដែល នឹងមានការគាំទ្រប្រព័ន្ធ 5G

ដោយ: ភារុន 8 AM, Wednesday, 31 Jul, 2019

បច្ចុប្បន្ននេះ បណ្តាញ Network ចាប់ផ្តើមតំឡើងប្រព័ន្ធ 5G នៅជុំវិញពិភពលោកហើយ ដែលធ្វើឱ្យក្រុមហ៊ុនផលិតទូរសព្ទនានាក៏ចាប់ផ្តើមផលិតទូរសព្ទ និងដាក់លក់ទូរសព...

Huawei បញ្ជាក់ថា ទូរស័ព្ទ Mate 30 Pro ថ្មី នឹងមិនមានប្រព័ន្ធប្រតិបត្តិការ Android របស់ Google ទេ!

ដោយ: ភារុន 8 AM, Monday, 23 Sep, 2019

ក្រុមហ៊ុន Huawei ទើបតែប្រកាសចេញនូវស្មាតហ្វូនស៊េរីចុងក្រោយ នោះគឺទូរស័ព្ទ Mate 30 Pro របស់ខ្លួន។ ប៉ុន្តែក្រុមហ៊ុនអាចនឹងពិបាកលក់ទូរស័ព្ទស៊េរីថ្មីនេះនៅ...

Tomnerb.Com - YouTube Channel