ចូលចិត្តទំនើប

Olympus នឹងចេញលក់កាមេរ៉ា សម្រាប់កីឡា ឆាប់ៗនេះ

ដោយ: ដួងច័ន្ទ 9 AM, Tuesday, 05 Mar, 2019

ភាពរំភើបទាក់ទងនឹងផលិតផលកាមេរ៉ាកាលពីឆ្នាំ 2018 ស្ទើរតែមិនមានចំណែករបស់ Olympus ទេ ប៉ុន្តែក្រុមហ៊ុនផលិតកាមេរ៉ាដ៏ល្បីល្បាញមួយនេះ បាននឹងកំពុងសម្លឹងរកការចាប់ផ្តើមថ្មី សម្រាប់ឆ្នាំ 2019 នេះ ជាមួយនឹងផលិតផលកំពូលមួយ។

ក្រុមហ៊ុននឹងធ្វើការបញ្ចេញលក់ផលិតផលថ្មី ដែលទំនងជាផលិតផលកាមេរ៉ាមានល្បឿនលឿន ដែលជាកាមេរ៉ាផ្តោតសំខាន់សម្រាប់ការចាប់យកសកម្មភាពកីឡា។ ផលិតផលកាមេរ៉ាថ្មីនេះ អាចជាជំនាន់ថ្មី នៃកាមេរ៉ាម៉ូដែល OM-D EM-1 Mark II ដែលនឹងបង្ហាញវត្តមានជាផ្លូវការនៅថ្ងៃទី 24 ខែមករា ឆ្នាំ 2019 ដ៏ខ្លីខាងមុខនេះហើយ។

វីដេអូផ្សព្វផ្សាយ បានបង្ហាញអំពីអ្នកថតរូបកីឡាអាជីពម្នាក់ (ដែលអាចជាអ្នកតំណាងឱ្យផលិតផលរបស់ Olympus ឈ្មោះ Kelley L. Cox) កំពុងកាន់កាមេរ៉ាម៉ូដែលថ្មី ដែលមានបំពាក់នូវបច្ចេកវិទ្យាពង្រីក 40-150mm f/2.8 និងកន្លែងដាក់ថ្ម។ ខណៈដែលនាងកំពុងចាប់យករូបភាពនៅក្នុងកីឡាបាល់បោះក្នុងទឹក (Water Polo) និងបាល់ទះលើខ្សាច់ យើងបានឃើញរូបភាពទឹក និងខ្សាច់បាចសាយនៅក្នុងលំហរ ដែលនេះជាសញ្ញាបង្ហាញពីជំនាញរបស់កាមេរ៉ាសម្រាប់អ្នកថតរូបអាជីព និងបង្ហាញពីសមត្ថភាពធន់នឹងអាកាសធាតុរបស់កាមេរ៉ា។ ក្នុងវីដេអូនេះ អាចបញ្ជាក់ប្រាប់យើងយ៉ាងច្បាស់ថា កាមេរ៉ាថ្មីនេះ នឹងមានទំហំធំ។
ផលិតផលកាមេរ៉ាចុងក្រោយរបស់ Olympus ម៉ូដែល O-MD E-M1 Mark II ផ្តោតជាសំខាន់នៅលើល្បឿន ដែលអនុញ្ញាតឱ្យអ្នកធ្វើការថតរូបក្នុងល្បឿន 18 fps នៅក្នុងមុខងារ Continuous Autofocus និង Exposure Mode។

Olympus គឺជាក្រុមហ៊ុនដំបូងគេមួយ ក្នុងចំណោមក្រុមហ៊ុនផលិតកាមេរ៉ា ដែលដាក់ដំណើរការ រន្ធដាក់កាត UHS-II និងរន្ធដោត USB 3.0 Type C ដូច្នេះអ្នកអាចចាប់យករូបភាពនៅក្នុងល្បឿនយ៉ាងលឿន ក្នុងរយៈពេលប្រមាណពី 5-10 វិនាទី ហើយបន្ទាប់មកធ្វើការបញ្ជូនរូបភាពយ៉ាងលឿន ទៅកាន់កុំព្យូទ័រ។

បើសិនជាម៉ូដែលកាមេរ៉ាថ្មី មានល្បឿនកាន់តែលឿន វានឹងក្លាយជាផលិតផលកាមេរ៉ាដែលមានល្បឿនលឿនជាងគេ នៅក្នុងចំណោមផលិតផលកាមេរ៉ាសម្រាប់សកម្មភាពកីឡាដែលកំពុងមានវត្តមានក្នុងទីផ្សានាពេលបច្ចុប្បន្ន។
ចំណុចអវិជ្ជមាននៅលើកាមេរ៉ាម៉ូដែលថ្មីនេះអាចជាទម្រង់ Micro Four Third Format ដែលទំនងមានបញ្ហាជាមួយពន្លឺ ជាងទម្រង់ APS-C និង Full-Frame ជាពិសេសនៅក្នុងទីកន្លែងដែលមានពន្លឺស្រទន់ ដែលភាគច្រើនជាកន្លែងដែលអ្នកថតរូបសកម្មភាពកីឡាដែលឈរជើង។

យ៉ាងណាមិញ ក្រុមហ៊ុន Olympus បានចំណាយពេលអស់ជាង 2 ឆ្នាំ ក្នុងការច្នៃប្រឌិតបង្កើតកាមេរ៉ាថ្មីនេះ ដូច្នេះយើងពិតជាអន្ទះសាររងចាំឃើញសមត្ថភាពពិតប្រាកដរបស់កាមេរ៉ានេះ ថាតើវាខ្លាំងយ៉ាងណាទៅ៕

ប្រភព: engadget ផ្នែក: បច្ចេកវិទ្យា, កាម៉េរ៉ា

អត្ថបទអ្នកចង់អាន

កុំប្រើវត្ថុទាំងនេះសម្អាត ទូរសព្ទដៃរបស់អ្នក

ដោយ: ដួងច័ន្ទ 8 AM, Saturday, 04 May, 2019

តើអ្នកធ្លាប់ជូតសម្អាតស្នាមប្រឡាក់នៅលើទូរសព្ទរបស់អ្នកជាមួយម្រាមដៃរបស់អ្នកឬទេ? តើវាធ្វើឱ្យស្នាមប្រឡាក់កាន់តែខ្លាំងថែមទៀតមែនទេ? ទង្វើនេះតែងកើតឡើងជារឿយ...

វិធីសាស្រ្តបំបាត់ក្លិន ម៉ាស៊ីនត្រជាក់ នៅក្នុងឡាន

ដោយ: ដួងច័ន្ទ 1 PM, Saturday, 06 May, 2017

ក្លិន គឺជាលក្ខណៈទូទៅ នៃម៉ាស៊ីនត្រជាក់របស់យានយន្ត។ ប៉ុន្តែកម្រិតក្លិនអាចកាត់បន្ថយបានមួយចំនួនធំ ដោយធ្វើការកំណត់ និងលុបបំបាត់ឬសគល់នៃការបង្ក។ ក្លិនមិនល...

រថយន្ត ដ៏សាកសម សម្រាប់គ្រួសារ

ដោយ: ដួងច័ន្ទ 5 PM, Thursday, 19 Jan, 2017

នៅក្នុងស្ថានភាពសេដ្ឋកិច្ចដ៏តឹងតែង ការស្វែងរកវិធីសាស្រ្តចំណាយ ក្នុងកម្រិតសមស្រប គឺជាកត្តាដ៏ចាំបាច់ដែលត្រូវគិតគូរឱ្យបានដិតដល់។ ការជ្រើសរើសការជួលផ្ទះ ...

Huawei MediaPad X2 ធេប្លេតថ្មី អាចទូរស័ព្ទបាន

ដោយ: ដាលីស 9 PM, Monday, 07 Sep, 2015

Huawei MediaPad X2 ធេប្លេតស៊េរីថ្មីចុងក្រោយគេបំផុត ដែលមានតួគ្រឿងស្តើងត្រឹមតែ 7.18មីល្លីម៉ែត្រ ទម្ងន់​ស្រាល​ត្រឹមតែ 249ក្រាម ប្រើជាទូរស័ព្ទដៃបាន និង...

Tomnerb.Com - YouTube Channel