ចូលចិត្តទំនើប

ទូរសព្ទ Nokia ថ្មីមានប៊ូតុង Google Assistant

ដោយ: ដួងច័ន្ទ 8 AM, Friday, 14 Jun, 2019

ក្រុមហ៊ុន HMD Global បានប្រកាសពីទូរសព្ទ Nokia Smartphone មានតម្លៃសមរម្យថ្មីមួយ បន្ទាប់ពីបានចេញលក់ទូរសព្ទដៃមានកាមេរ៉ា 5 គ្រាប់ និងទូរសព្ទលំដាប់មធ្យមមួយចំនួនទៀត កាលពីប៉ុន្មានខែមុន នៅក្នុងព្រឹត្តិការណ៍ MWC។

ទូរសព្ទ Nokia 2.2 គឺជាផ្នែកមួយនៃគ្រួសារផលិតផល Android One របស់ក្រុមហ៊ុន ហើយវានឹងចេញលក់ជាមួយការបំពាក់ប្រព័ន្ធប្រតិបត្តិការ Android Pie។ នៅពេលដែលប្រព័ន្ធប្រតិបត្តិការ Android Q ចេញដំណើរការ ទូរសព្ទថ្មីនេះក៏នឹងអាចមានលទ្ធភាពដំណើរការប្រព័ន្ធថ្មីនេះផងដែរ។
ជាមួយគ្នានេះ ទូរសព្ទម៉ូដែលថ្មីនេះក៏មានបំពាក់នូវប៊ូតុងសម្រាប់បញ្ជារមុខងារបញ្ជារដោយសម្លេង Google Assistant ដែលអ្នកប្រើប្រាស់អាចចុចដើម្បីដំណើរការមុខងារបញ្ជារដោយសម្រាប់ Voice AI។ ក្រុមហ៊ុន HMD Global បានបញ្ចេញទូរសព្ទជាច្រើនម៉ូដែលជាមួយនឹងការបំពាក់ប៊ូតុងបញ្ជារនេះកាលពីអតីតកាល ហើយយើងប្រហែលជានឹងបានឃើញវាកាន់តែច្រើន នៅលើទូរសព្ទដែលនឹងចេញនាពេលអនាគត។

ទូរសព្ទ Nokia 2.2 ថ្មីមួយនេះត្រូវបានផ្តល់ថាមពលដោយបន្ទះឈីប Quad-Core MediaTek A22 CPU និងមានអេក្រង់ប្រភេទ HD+ ក្នុងទម្រង់ Edge-to-Edge ដែលមានទំហំ 5.71 inch។ វាក៏មានបំពាក់បច្ចេកវិទ្យាដោះសោរដោយប្រើប្រាស់ទម្រង់មុខ (Face Unlock) ការដំណើរការជាមួយ Google Lens និងមានកាមេរ៉ា AI មួយគ្រាប់ដែលជួយធ្វើឱ្យទូរសព្ទនេះអាចចាប់យកភាពលម្អិតនៃរូបថត នៅក្នុងស្ថានភាពពន្លឺខ្សោយ។


ទូរសព្ទនេះចេញលក់ក្នុងតម្លៃ $112 ហើយកំពុងធ្វើដំណើរទៅកាន់ទីផ្សារក្នុងតំបន់អឺរ៉ុប ប្រទេសឥណ្ឌា និងអាចនឹងទៅដល់ទីផ្សារនៅក្នុងប្រទេសកំពុងអភិវឌ្ឍន៍មួយចំនួនទៀតផងដែរ៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

ម៉ូនីទ័រ UltraWide ពី LG សម្រាប់ការលេងហ្គេម មានអ្វីពិសេស?

ដោយ: ភារុន 8 AM, Tuesday, 23 Jul, 2019

តើអ្នកកំពុងស្វែងរក ម៉ូនីទ័រ ដែលប្រើប្រាស់ក្នុងការជួយសម្រួល ដល់ការលេងហ្គេមរបស់អ្នក កាន់តែមានប្រសិទ្ធភាពមែនទេ? ហើយអ្នកក៏បានត្រៀមខ្លួនរួចរាល់ សម្រាប់ក...

រីករាយជាមួយទូរសព្ទ LG G6 របស់អ្នកឱ្យបានដល់កម្រិតកំពូល

ដោយ: ដួងច័ន្ទ 10 PM, Thursday, 01 Jun, 2017

ទូរសព្ទ LG G6 គឺជាទូរសព្ទ Smartphone កម្រិតខ្ពស់ដែលផ្តល់ភាពងាយស្រួល ដល់អ្នកប្រើប្រាស់តាមបែបផែនថ្មីមួយ។ ទូរសព្ទនេះផ្តល់នូវភាពងាយស្រួល ក្នុងការប្រើប្...

កាសស្តាប់ Bose ថ្មីនឹងចេញលក់ចុងខែមិថុនានេះហើយ

ដោយ: ដួងច័ន្ទ 8 AM, Monday, 03 Jun, 2019

ក្រុមហ៊ុន Bose បានទទួលភាពជោគជ័យយ៉ាងខ្លាំងសម្រាប់ផលិតផលកាសស្តាប់ជាច្រើនប្រភេទ ជាពិសេសគឺម៉ូដែល QC35 ដែលជាប្រភេទ Wireless Headphone។ នាពេលនេះក្រុមហ៊ុន...

ក្រុមហ៊ុន Apple នឹងអនុញ្ញាតឱ្យជ្រើសរើស រូបតំណាងកម្មវិធី «Bigger» ឬ «More» នៅលើអេក្រង់ Home របស់ iPad

ដោយ: ភារុន 8 AM, Thursday, 01 Aug, 2019

Beta iOS 13 Version ចុងក្រោយបង្អស់របស់ Apple ត្រូវបានចេញផ្សាយនៅថ្ងៃនេះហើយ ព្រមជាមួយនឹងនាំមកនូវភាពភ្ញាក់ផ្អើលមួយចំនួនផងដែរ។ អ្វីដែលគួរឱ្យកត់សម្គាល់ប...

Tomnerb.Com - YouTube Channel