ចូលចិត្តទំនើប

Nokia ចេញទូរសព្ទថ្មីម៉ូដែល X71

ដោយ: ដួងច័ន្ទ 8 AM, Monday, 22 Apr, 2019

យកគំរូតាមទូរសព្ទ Honor View 20 និងទូរសព្ទ Huawei Nova 4 ក្រុមហ៊ុន HMD Global បាននឹងកំពុងណែនាំម៉ូដែលទូរសព្ទដៃថ្មីជ្រកក្រោមស្លាកសញ្ញា Nokia ជាមួយនឹងការបំពាក់កាមេរ៉ាទំហំ 48 Megapixel និងមានអេក្រង់ Hole-Punch។

ទូរសព្ទថ្មីម៉ូដែល Nokia X71 ត្រូវបានបញ្ចេញលក់នៅតៃវ៉ាន់នៅថ្ងៃនេះ។ វាត្រូវបានបំពាក់ជាមួយប្រព័ន្ធប្រតិបត្តិការ Snapdragon 660 ដំណើរការដោយប្រព័ន្ធ Android 9 Pie ដែលធ្វើប្រតិបត្តិការរួមជាមួយ RAM ទំហំ 6GB ឃ្លាំងផ្ទុកទិន្នន័យទំហំ 128GB ដែលអាចពង្រីកបាន មានថ្មមានកម្លាំង 3,500mAh មានរន្ធដោតកាសស្តាប់ និងមានប្រព័ន្ធកាមេរ៉ា 3 គ្រាប់ នៅផ្នែកខាងក្រោយ ជាមួយនឹង Lens មានការទទួលស្គាល់ពី Zeiss។ អេក្រង់ LCD នៅខាងមុខមានទំហំ 6.39 inch ជាមួយនឹង Ratio ទំហំ 19.3:9 និងមាន Resolution កម្រិត FHD។

នេះជាម៉ូដែលទូរសព្ទថ្នាក់កណ្តាលដ៏ល្អមួយ ចេញពីក្រុមហ៊ុនមួយ ដែលមានបំណងចង់ប្រកួតប្រជែងនៅក្នុងទីផ្សារដ៏ក្តៅគគុកមួយ ដែលស្ថិតនៅពីក្រោមផលិតផលទូរសព្ទ Android លេចធ្លោដទៃទៀតចេញពីក្រុមហ៊ុនធំៗ ដូចជា Samsung និង Huawei ជាដើម។
នៅក្នុងឆ្នាំនេះ កាមេរ៉ាដែលមាន Sensor ទំហំ 48 megapixel របស់ក្រុមហ៊ុន Sony បានបង្ហាញអំពីប្រជាប្រិយភាពដ៏គួរឱ្យកត់សម្គាល់ និងមានតម្លៃទាបផងដែរ ដោយធ្វើការវិភាគលើទូរសព្ទ Redmi Note 7 ដែលមានតម្លៃ $150 ក៏មានបំពាក់កាមេរ៉ាប្រភេទនេះដែរ។
សេចក្តីរាយការណ៍របស់គេហទំព័រ GSM Arena បានលើកឡើងថា តម្លៃរបស់ទូរសព្ទ Nokia X71 ចាប់ផ្តើមក្នុងតម្លៃប្រហាក់ប្រហែល $385 ដែលនឹងចាប់ផ្តើមដាក់លក់នៅដំណាច់ខែមេសានេះហើយ។

ក្រុមហ៊ុន HMD ក៏បានបញ្ជាក់បន្ថែមទៀតថា ម៉ូដែល X71 នឹងត្រូវបានដាក់លក់ផ្តាច់មុខនៅក្នុងប្រទេសចិន និងតៃវ៉ាន់ ហើយក្នុងនោះគេហទំព័រ GSM Arena បានធ្វើការកត់សម្គាល់ថា ឧបករណ៍មានលក្ខណៈសម្បត្តិស្រដៀងគ្នាទៅនឹងម៉ូដែល X71 អាចនឹងត្រូវផលិតឡើងសម្រាប់ដាក់លក់នៅក្នុងទីផ្សារតំបន់អឺរ៉ុប ជ្រកក្រោមស្លាកសញ្ញាម៉ូដែល Nokia 8.1 Plus ដែលគេរំពឹងថាអាចនឹងត្រូវបានប្រកាសក្នុងពេលឆាប់បំផុតនៅត្រឹមសបា្តហ៍ក្រោយនេះហើយ៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

LG អួតតិចណូឡូជី ទូរទស្សន៍អេក្រង់ OLED ស្តើងបំផុត!

ដោយ: ដាលីស 10 AM, Saturday, 30 May, 2015

ពេលនេះអាចបា៎យៗ ទូរទស្សន៍គ្រឿងធំៗ ក្រាស់ៗ ធ្ងន់ៗ ដែលដាក់នៅលើតុបានហើយ នៅពេល​ដែល LG Display អេក្រង់ OLED ទំហំ 55អ៊ីញ ដែលមានកម្រាស់មិនដល់ទាំង 1សង្ទីម៉ែ...

ឧបករណ៍ ពិនិត្យសម្ពាធខ្យល់ ក្នុងកង់

ដោយ: ដួងច័ន្ទ 1 PM, Friday, 29 Sep, 2017

តើអ្នកធ្លាប់ឆ្ងល់ដែរ ឬទេថាមានអ្វីកើតឡើងនៅខាងក្នុងកង់? តើអ្នកធ្លាប់បារម្ភថា សំបកកង់របស់អ្នក អាចនឹងខូច មិនមានសម្ពាធខ្យល់ត្រឹមត្រូវ ឬធ្លាយខ្យល់ចេញតាមក...

Mercedes បញ្ចេញម៉ូដែលរថយន្តថ្មី Maybach

ដោយ: ដួងច័ន្ទ 8 PM, Friday, 25 Aug, 2017

រថយន្តម៉ូដែលថ្មី ត្រូវបានដាក់បង្ហាញនៅក្នុងវេទិកា 2017 Monterey Car Week នៅរដ្ឋ California គឺជាម៉ូដែលរថយន្ត Vision Mercedes-Maybach 6 Cabriolet ដែលម...

ផ្តល់រន្ធដោតបន្ថែម 7 ទៀតសម្រាប់ MacBook ថ្មី

ដោយ: ដួងច័ន្ទ 5 PM, Friday, 15 Jun, 2018

MacBook Pro ម៉ូដែលថ្មី គឺជាផលិតផលកុំព្យូទ័រយួរដៃ ដ៏ទំនើបអស្ចារ្យមួយ។ ប៉ុន្តែវាមានកង្វះខាត ដ៏ធំមួយ គឺរន្ធដោត USB 3.0 ដែលធ្វើឱ្យអតិថិជនមានភាពស្ទាក់ស្...

Tomnerb.Com - YouTube Channel