ចូលចិត្តទំនើប

Nokia សហការជាមួយក្រុមហ៊ុន Cellcard ដើម្បីពង្រីកបច្ចេកវិទ្យា 3G នៅកម្ពុជា

ដោយ: ដួងច័ន្ទ 4 PM, Friday, 03 Feb, 2017

យោងតាមសេចក្តីប្រកាសព័ត៌មាន នៅលើគេហទំព័ររបស់ Nokia នាពេលថ្មីៗនេះ បានបង្ហាញថាក្រុមហ៊ុននឹងសហកាពង្រីក និងអភិវឌ្ឍន៍បច្ចេកវិទ្យាប្រព័ន្ធ 3G និង LTE ជាមួយក្រុមហ៊ុនCellcard ដើម្បីអភិវឌ្ឍន៍បច្ចេកវិទ្យាតាមប្រព័ន្ធរលកធាតុអាកាស ឱ្យសមស្របតាមតម្រូវការ។ ការអភិវឌ្ឍន៍នេះ នឹងបង្កើនសក្តានុភាពសម្រាប់ក្រុមហ៊ុន Cellcard ក្នុងការផ្គត់ផ្គង់សេវាកម្មទូរសព្ទចល័តល្អផ្តាច់គេ និងអនុញ្ញាតឱ្យអតិថិជនរបស់ Cellcard បានទទួលនូវបទពិសោធន៍ថ្មីនៃបច្ចេកវិទ្យាទូរសព្ទដៃចល័ត នៅប្រទេសកម្ពុជា។

Cellcard-Nokia-3G-Cambodia-03

ក្រុមហ៊ុនCellcard បានដាក់ឱ្យប្រើប្រាស់សេវាកម្ម LTE នៅក្នុងរាជធានីភ្នំពេញ ក្នុងឆ្នាំ២០១៥ និងបានពង្រីកតំបន់សេវាកម្មកាន់តែទូលំទូលាយ។ នាពេលបច្ចុប្បន្ន ការពង្រីកសេវាកម្មដែលមានការចូលរួមពី Nokia បានប្រមាណ ១៥០០ ទីតាំងបន្ថែម ដែលនាំឱ្យសេវាកម្មទូរសព្ទចល័តមួយនេះ មានឥទ្ធិពលនៅតាមបណ្តាខេត្ត និងទីជនបទ។

បច្ចេកវិទ្យា Global Services និង Single RAN របស់ Nokia នឹងអនុញ្ញាតឱ្យ Cellcard អាចដំណើរការសេវា 2G/3G/4G ក្នុងពេលតែមួយ នៅលើទូរសព្ទតែមួយ ដែលនឹងជួយឱ្យប្រតិ បត្តិការរបស់ក្រុមហ៊ុនទូរគមនាគមន៍មួយនេះ អាចពង្រីកសក្តានុពលវិនិយោគ បានកាន់តែទូ លាយ។ ក្រុមហ៊ុន Cellcard ក៏នឹងប្រើប្រាស់ឧបករណ៍ IP edge router ពីប្រព័ន្ធមេ Nokia’s 7750 Service Router (SR) ដើម្បីធានាថាក្រុមហ៊ុនបានត្រៀមខ្លួនរួចរាល់ សម្រាប់តម្រូវការនៃ សេវាកម្មដែលដំណើរការដោយបច្ចេកវិទ្យាដែលនឹងមកដល់ក្នុងពេលឆាប់ៗនេះ ដូចជា 5G និង Internet of Thing (IoT)។ យោងតាមទំនើបនីយកម្មនៃកម្មវិធីនេះ Cellcard នឹងប្រើប្រាស់ ឧបករណ៍ Nokia 9500 Microwave Packet Radio ដើម្បីសម្រួលដល់ដំណើរបញ្ជូនទិន្នន័យ ពីទិន្នន័យដើម ទៅកាន់ប្រព័ន្ធទិន្នន័យរបស់ក្រុមហ៊ុន និងធ្វើការចែកចាយឱ្យបានទូលំទូលាយ ស្របតាមការកើនឡើងនៃការប្រើប្រាស់ទិន្នន័យសេវាកម្មទូរសព្ទទូទាំងប្រទេស។

គម្រោងនៃកិច្ចសហការមួយនេះ នឹងនាំមកនូវបច្ចេកវិទ្យាថ្មីមួយទៀតផងដែរ គឺ Nokia SurePay ដែលនឹងផ្តល់នូវជម្រើសសម្រាប់នៃការទូទាត់ ដែលមានភាពបត់បែន និងច្រើនជម្រើសសម្រាប់ ចំណែកទីផ្សាផ្សេងៗគ្នា។ បន្ថែមពីនេះទៀត ក្រុមហ៊ុនក៏អាចបង្កើតនូវផលិតផលថ្មីៗ ដូចជាសេវា កម្មផ្ទាល់ខ្លួន និងការផ្តល់ជូនពិសេសបន្ថែមសម្រាប់អតិថិជន។

Cellcard-Nokia-3G-Cambodia-02

លោក Ian Watson នាយកប្រតិបត្តិក្រុមហ៊ុន Cellcard បានថ្លែងថា «ពួកយើងពិតជាមាន មោទនភាព ដែលបានសហការជាមួយក្រុមហ៊ុន Nokia ដើម្បីនាំមកនូវសេវាកម្ម LTE ល្អបំផុត មកជូនអិតថិជនរបស់យើង។ ការពង្រីកវិសាលភាពសេវាកម្មរបស់យើង នឹងដើរតួនាទីយ៉ាង សំខាន់ក្នុងការជួយរាជរដ្ឋាភិបាលកម្ពុជា ទទួលបាននូវប្រព័ន្ធបច្ចេកវិទ្យាទូរសព្ទដៃឈានមុខគេ។ អ្នកជំនាញការរបស់ Nokia នឹងជួយឱ្យយើងផ្តល់នូវសេវាគ្របដណ្តប់កាន់តែប្រសើរជាងមុន និង សេវាកម្មប្រកបដោយគុណភាព សម្រាប់អតិថិជនរបស់យើង»។

លោក Harald Preiss ប្រធានផ្នែកសាខានៅអាស៊ីរបស់ក្រុមហ៊ុន Nokia បាននិយាយថា «យើងពិតជារីករាយនឹងជួយពង្រីក និងពង្រឹងបច្ចេកវិទ្យាបណ្តាញសេវាកម្មទូរសព្ទចល័តជាមួយ ក្រុមហ៊ុន Cellcard។ នៅពេលដែលគម្រោងនេះបានបំពេញគ្រប់លក្ខខណ្ឌ ក្រុមហ៊ុនCellcard នឹងចែកចាយនូវសេវាកម្មទូរសព្ទចល័តឈានមុខគេ ទៅកាន់អតិថិជនទាំងក្នុងទីក្រុង និងទីប្រជុំ ជន។ បទពិសោធន៍នៃបច្ចេកវិទ្យាថ្មីដែលអតិថិជនបានទទួល នឹងនាំឱ្យក្រុមហ៊ុនមានលទ្ធភាព ទាក់ទាញអតិថិជនបន្ថែម និងអាចកាត់បន្ថយកម្រិតនៃការប្រកួតប្រជែង ជាមួយក្រុមហ៊ុនដទៃ។ ដំណោះស្រាយប្រកបដោយភាពច្នៃប្រឌិតរបស់ Nokia នឹងជួយឱ្យទស្សនវិស័យរបស់ក្រុមហ៊ុន Cellcard ក្នុងការនាំមកនូវសេវាកម្មទូរសព្ទចល័តស្តង់ដា ឈានមុខគេក្លាយជាការពិត។»

អត្ថបទអ្នកចង់អាន

LG W7 ទូរទស្សន៍ ២០១៧ របស់ LG

ដោយ: ស. លីង 9 PM, Thursday, 16 Feb, 2017

LG អភិវឌ្ឍមិនឈប់ឈរសោះឡើយ។ នៅក្នុងឆ្នាំ ២០១៧ ក្រុមហ៊ុនបច្ចេកវិទ្យា ដ៏ល្បីល្បាញរបស់កូរ៉េខាងត្បូងនេះ បានចេញផលិតផលទូរទស្សន៍ W7 ដែលជាប្រភេទទូរទស្សន៍ស្តើ...

កំពូលកាមេរ៉ា WiFi ក្នុងឆ្នាំ 2018

ដោយ: ដួងច័ន្ទ 9 AM, Thursday, 11 Oct, 2018

បច្ចុប្បន្ននេះកាមេរ៉ាដែលកំពុងទទួលបានចំណាប់អារម្មណ៍ខ្លាំង គឺកាមេរ៉ាដែលមានបំពាក់ប្រព័ន្ធ WiFi។ វាមានសមត្ថភាពអាចឱ្យអ្នកផ្ញើរូបភាពដោយពុំចាំបាច់ប្រើប្រា...

Gaming Laptop ថ្មីពី HP កាន់តែខ្លាំង

ដោយ: ដួងច័ន្ទ 9 AM, Wednesday, 23 Jan, 2019

ក្រុមហ៊ុន HP ដែលជាក្រុមហ៊ុនផលិតកុំព្យូទ័រដ៏ធំមួយ ទើបនឹងបញ្ចប់ការអភិវឌ្ឍន៍បច្ចេកវិទ្យា Refresh Rate ថ្មី សម្រាប់ផលិតផលកុំព្យូទ័រយួរដៃម៉ូដែល Omen 15 ...

LG ចេញលក់ទូរសព្ទម៉ូដែល X Venture

ដោយ: ដួងច័ន្ទ 10 PM, Thursday, 25 May, 2017

ក្រុមហ៊ុន LG Electronic នឹងចេញលក់ទូរសព្ទ X Venture ដែលជាទូរសព្ទថ្នាក់កណ្តាលចុងក្រោយបង្អស់នៃស៊េរី X សម្រាប់ការប្រើប្រាស់នៅខាងក្រៅ ដែលនឹងចាប់ផ្តើមលក់...

Tomnerb.Com - YouTube Channel