ចូលចិត្តទំនើប

បែកធ្លាយរូបរាង កាសស្តាប់គ្មានខ្សែថ្មីពី Samsung

ដោយ: ដួងច័ន្ទ 9 AM, Monday, 11 Feb, 2019

រូបភាពបែកធ្លាយមួយសន្លឹក ប្រហែលជាអាចផ្តល់ឱ្យយើងទាំងអស់គ្នានូវរូបរាងដំបូងរបស់ផលិត Earbuds ថ្មីរបស់ Samsung ដែលត្រូវបានពាក្យចចាមអារាមជាច្រើនលើកឡើងថា នឹងក្លាយជាផលិតផលកាសស្តាប់គ្មានខ្សែពិតប្រាកដ។
នៅក្នុងរូបភាព ដែលបានផ្សព្វផ្សាយនៅលើគេហទំព័រ WinFuture កាសស្តាប់មានឈ្មោះថា Galaxy Buds (ជាឈ្មោះដែលគេសន្មត់ឱ្យវា ស្របតាមឯកសារ Trademark Application និងឯកសារ Bluetooth Certification) បានបង្ហាញរូបរាងដាក់នៅពីលើផ្នែកខាងក្រោយនៃវត្ថុម្យ៉ាង ដែលទំនងដូចជាផលិតផលទូរសព្ទ Galaxy S10។

ទីតាំងដែលត្រូវបានបង្ហាញនេះ ប្រហែលជាមិនមែនជារឿងចៃដន្យទេ។ យោងតាមព័ត៌មានចចាមអារាមនាពេលថ្មីៗនេះ ចេញពីគេហទំព័រ SamMobile បានរៀបរាប់ថា ទូរសព្ទ S10 ដែលមិនទាន់ត្រូវបានប្រកាសជាផ្លូវការនៅឡើយ នឹងអាចធ្វើការបញ្ចូលថាមពលទៅកាន់ឧបករណ៍ដទៃទៀត ដោយពុំចាំបាច់ប្រើខ្សែ ដោយប្រើប្រាស់បច្ចេកវិទ្យាដែលមានឈ្មោះថា PowerShare។ វាជាមុខងារមួយមានលក្ខណៈស្រដៀងគ្នានឹងអ្វីដែលយើងបានឃើញជាមួយទូរសព្ទម៉ូដែល Mate 20 Pro របស់ Huawei និងកាសស្តាប់ម៉ូដែល FreeBuds 2 Pro Wireless របស់វា។

ដូចគ្នាខ្លាំងទៅនឹងនាឡិកា Galaxy Watch ដែលមិនមែនជានាឡិកា Smartwatch ដំបូងរបស់ Samsung ផលិតផលកាសស្តាប់ Galaxy Buds នឹងមិនមែនជាផលិតផលកាសស្តាប់គ្មានខ្សែដំបូងរបស់ក្រុមហ៊ុនឡើយ ព្រោះកាលពីឆ្នាំ 2016 កាសស្តាប់ Gear IconX ទើបជាផលិតផលដំបូង។
យ៉ាងណាមិញ ផលិតផលកាសស្តាប់ថ្មីនេះគឺជាជំហានមួយផ្សេងទៀត ឆ្ពោះទៅរកការបង្រួមបង្រួមគ្នា នៃស្រឡាយផលិតផលរបស់ក្រុមហ៊ុន Samsung ដែលស្ថិតក្រោយម៉ាកសញ្ញា Galaxy និងការស្ថិតនៅកាន់តែឆ្ងាយពីម៉ាកសញ្ញា Gear ដែលជាម៉ាកសញ្ញាចាស់៕

ប្រភព: theverge ផ្នែក: បច្ចេកវិទ្យា, Accessories

អត្ថបទអ្នកចង់អាន

ក្រុមហ៊ុន Sony ចង់ឱ្យទូរសព្ទ នាពេលអនាគតប្រើប្រាស់បច្ចេកវិទ្យា ចែករំលែកថាមពលថ្មដោយគ្មានខ្សែ

ដោយ: ដួងច័ន្ទ 5 PM, Wednesday, 22 Mar, 2017

ការបញ្ចូលថាមពលថ្មទូរសព្ទដៃ ដោយគ្មានខ្សែ មិនមែនជាបច្ចេកវិទ្យាថ្មីទេ។ ក្នុងឆ្នាំ២០១២ ទូរសព្ទ Nokia Lumia មានបំពាក់នូវប្រព័ន្ធបញ្ចូលថាមពល Qi Wireless ...

ណែនាំ Mouse Pad ថ្មី ពី Asus

ដោយ: ដួងច័ន្ទ 3 PM, Tuesday, 10 Jul, 2018

ROG Balteus គឺជា Mousing Surface ជំនាន់ថ្មីចុងក្រោយបង្អស់របស់ក្រុមហ៊ុន Asus។ វាជាស្នាដៃដ៏ប្រណិតនៃបច្ចេកវិទ្យា ដែលផលិតឡើងមានសមត្ថភាពខ្ពស់ លើសពី Mo...

សន្លឹកថាមពលសូឡា ដ៏ស្តើង និងស្រាលបំផុត លើពិភពលោក

ដោយ: ដួងច័ន្ទ 10 PM, Friday, 24 Mar, 2017

នេះជាឧបករណ៍សាក ថាមពលសូឡាដំបូងគេបំផុត នៅលើពិភពលោក ដែលអាចទុកនៅក្នុងកូនសៀវភៅដ៏តូចស្តើងបាន។ វាជាក្រដាសស្តើង និងមានទម្ងន់ស្រាល។ ឧបករណ៍នេះជាផលិតផលរបស់ក្រ...

ក្រុមហ៊ុន LG បង្ហាញទូរទស្សន៍ OLED 8K ដំបូងគេបង្អស់លើពិភពលោកព្រឹត្តិការណ៍ IFA

ដោយ: ទំនើប 8 AM, Thursday, 06 Sep, 2018

ក្រុមហ៊ុន LG ជាអ្នកឈានមុខគេស្រាប់ក្នុងការបង្កើតទូរទស្សន៍ OLED ដ៏ទំនើប ហើយឥឡូវនេះក៏បានបង្ហាញនូវទូរទស្សន៍ OLED 8K ទំហំ (7680 x 4320) ដំបូងគេបង្អស់នៅល...

Tomnerb.Com - YouTube Channel