ចូលចិត្តទំនើប

ទូរសព្ទ iPhone ថ្មីនឹងមិនមែនត្រឹមតែ ដៃគូប្រកួតប្រជែងតែមួយគត់របស់ Galaxy Fold នៅខែកញ្ញា ខាងមុខនេះទេ

ដោយ: ភារុន 9 AM, Monday, 29 Jul, 2019

រយៈពេល 3ខែ បន្ទាប់ពីការពន្យាពេលឥតកំណត់នៃ Galaxy Fold ក្រុមហ៊ុន Samsung ទីបំផុតបានប្រកាសកាលបរិច្ឆេទនៃការចេញផ្សាយ Galaxy Fold នៅខែកញ្ញា ខាងមុខនេះហើយ។



ទន្ទឹមនឹងនេះដែរ ក៏មានក្រុមហ៊ុនយក្ស ដែលជាដៃគូប្រកួតប្រជែងដ៏ធំមួយ នោះគឺក្រុមហ៊ុន Apple ក៏បានបញ្ចេញទូរសព្ទ iPhone 2019 ម៉ូដែលថ្មីៗ។ ម្យ៉ាងទៀត ទូរសព្ទបត់រមូររបស់ Samsung ក៏នឹងត្រូវធ្វើការប្រកួតប្រជែងដោយផ្ទាល់ ជាមួយនឹងទូរស័ព្ទ Mate X របស់ក្រុមហ៊ុន Huawei នៅក្នុងខែកញ្ញា ខាងមុខនេះផងដែរ។ យោងទៅតាមការចុះផ្សាយរបស់វិបសាយ Weibo ដែលត្រូវបានប្រទះដោយ Gizchina បានឱ្យដឹងថាទូរសព្ទបត់រមូរ របស់ក្រុមហ៊ុន Huawei ក៏ត្រូវបានប្រកាសនូវកាលបរិច្ឆេទចេញលក់នៅក្នុងសប្តាហ៍នេះ បន្ទាប់ពីត្រូវបានអតិថិជនរបស់ Huawei ប្រទះឃើញវានៅក្នុងដៃរបស់នាយកប្រតិបត្តិក្រុមហ៊ុន Huawei លោក Richard Yu នៅឯព្រលានយន្តហោះអន្តរជាតិ Shenzhen។ បើទោះបីជាលោក Yu ត្រូវបានគេរាយការណ៍ថា មានភាពស្ទាក់ស្ទើរ ក្នុងការបង្ហាញព័ត៌មានលម្អិតអំពី ពេលវេលាដែលក្រុមហ៊ុន Huawei នឹងប្រកាសចេញនូវទូរសព្ទបត់រមូរថ្មីរបស់ខ្លួន ដើម្បីចូលរួមការប្រកួតប្រជែងនេះក្តី ក៏ពាក្យពេចន៍ ដែលចេញជាផ្លូវការចុងក្រោយរបស់ក្រុមហ៊ុន ដែលថាទូរសព្ទថ្មីនេះ គ្រោងនឹងបង្ហាញខ្លួននៅខែកញ្ញា ខាងមុខនេះ ដូចគ្នានឹងទូរសព្ទថ្មីរបស់ក្រុមហ៊ុន Samsung ផងដែរ។ ដើមឡើយ ក្រុមហ៊ុន Huawei បានប្រកាសពីកាលបរិច្ឆេទនៃការចេញផ្សាយ គឺនៅខែ មិថុនា ប៉ុន្តែត្រូវបានពន្យាពេល។


ក្រុមហ៊ុន Samsung បានពន្យាពេលនៃការចេញផ្សាយ ទូរសព្ទបត់រមូរថ្មីរបស់ខ្លួននេះ ពីព្រោះក្រុមហ៊ុនត្រូវដោះស្រាយបញ្ហា មួយចំនួន ទៅលើអេក្រង់របស់ Galaxy Fold។ ចំណែកឯ ហេតុផលរបស់ក្រុមហ៊ុន Huawei មិនត្រូវបានបង្ហាញជាសាធារណៈនោះទេ។ សម្រាប់ព័ត៌មាន នាពេលថ្មីៗនេះ បានលើកឡើងថា យើងប្រហែលជាមិនចាំបាច់រង់ចាំយូរទេ រហូតដល់ទូរសព្ទ Mate X ចេញលក់ ដោយនៅក្នុងរបាយការណ៍សង្ខេបមួយរបស់ TechRadar ដោយបានសរសេរថានាយកប្រតិបត្តិក្រុមហ៊ុននេះ បានបញ្ជាក់ជាចុងក្រោយថា ទូរសព្ទបត់រមូរថ្មីនេះ នឹងត្រូវចេញលក់នៅខែកញ្ញា ខណៈពេលការចុះឈ្មោះនៅក្នុង TENNA របស់ប្រទេសចិន នាពេលថ្មីៗនេះ ដែលត្រូវបានប្រទះឃើញដោយ Gizmochina បង្ហាញថាទូរសព្ទបត់រមូរថ្មីនេះជិតនឹងចេញលក់នៅក្នុងប្រទេសហើយ។


ម្យ៉ាងទៀត ក្រុមហ៊ុនក៏បានប្រាប់ទៅ CNBC ថាទូរសព្ទ Mate X នឹងត្រូវបានអនុញ្ញាតឱ្យប្រើប្រាស់ប្រព័ន្ធប្រតិបត្តិការ Android ពីព្រោះវាត្រូវបានប្រកាសមុនពេលហាត់ឃាត់ ប៉ុន្តែ ជាមួយនឹងអាជ្ញាប័ណ្ណរបស់ក្រុមហ៊ុន ដែលនឹងត្រូវបានផុតកំណត់នៅថ្ងៃទី 19 ខែសីហា គឺវានៅមិនទាន់ដឹងច្បាស់នៅឡើយថា តើស្ថានភាពនៃការប្រើប្រាស់ប្រព័ន្ធប្រតិបត្តិការរបស់ខ្លួនផ្ទាល់ នឹងទៅជាយ៉ាងណា?

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

Mercedes-AMG GT 2008 បន្ថែមរូបរាង និង កម្លាំងម៉ាស៊ីនថ្មី

ដោយ: ដួងច័ន្ទ 7 PM, Thursday, 15 Jun, 2017

នៅពេលដែលរថយន្ត Mercedes-AMG GT បង្ហាញវត្តមាននៅក្នុងវេទិកា GT Roadster វាបានបង្ហាញរូបរាងកែច្នៃថ្មី គឺម៉ូដែល GT C។ មិនដល់មួយឆ្នាំទេ រូបរាងរថយន្តថ្មីម...

Dell បង្ហាញម៉ូដែល G-Series និង Alienware ថ្មី

ដោយ: ដួងច័ន្ទ 8 AM, Monday, 06 May, 2019

ក្រុមហ៊ុន Dell បានទាញយកអត្ថប្រយោជន៍នៃការបញ្ចេញ CPUs ជំនាន់ទី 9 ថ្មីរបស់ក្រុមហ៊ុន Intel និង GPUs ម៉ូដែល GTX 16-Series ចុងក្រោយបង្អស់របស់ក្រុមហ៊ុន NV...

Angry Birds Magic នៅលើ Nokia N9

ដោយ: ដាលីស 9 PM, Wednesday, 08 Jul, 2015

Nokia បញ្ចេញ Application List ល្អៗត្រូវចិត្តសម្រាប់ Nokia N9 ស្មាតហ្វូននៅក្នុងភ្លែតហ្វ័ម Meego ដែលគេ​រំពឹង​ទុក​ថានឹង បង្ហាញខ្លួននៅក្នុង ខែតុលា ខាងម...

Instagram បន្ថែមមុខងារសារជាសម្លេង

ដោយ: ដួងច័ន្ទ 9 AM, Wednesday, 26 Dec, 2018

នាពេលនេះអ្នកនឹងមិនចាំបាច់ដំណើរការ Live Conversation ទេ បើសិនជាអ្នកចង់បានការសន្ទនាជាសម្លេងនៅលើកម្មវិធី Instagram។ ថ្ងៃនេះបណ្តាញទំនាក់ទំនងសង្គមមួយនេះ...

Tomnerb.Com - YouTube Channel