ចូលចិត្តទំនើប

បែកធ្លាយរូបភាព ទូរសព្ទ Huaweiថ្មី

ដោយ: ដួងច័ន្ទ 9 AM, Friday, 01 Mar, 2019

ផលិតផលទូរសព្ទដៃជំនាន់ថ្មីរបស់ក្រុមហ៊ុន Huawei ត្រូវបានកំណត់ថានឹងប្រកាសជាផ្លូវការនៅចុងខែក្រោយ ហើយនៅថ្ងៃនេះ យើងទទួលបានព័ត៌មានដំបូងបង្ហាញអំពីផលិតផលទូរសព្ទថ្មីនោះ ដែលមានប្រភពចេញពីគេហទំព័រ WinFuture។

ទូរសព្ទម៉ូដែល P30 Pro ថ្មី ដែលមានព័ត៌មានបែកធ្លាយកាលពីគ្រាមុនបានលើកឡើងថា អាចនឹងផលិតបំពាក់ជាមួយ Leica Quad Camera ពិតជាបានលេចរូបរាងបង្ហាញថាមាន Lens កាមេរ៉ា មួយគ្រាប់ និង Sensor ចំនួន 3 គ្រាប់ នៅផ្នែកខាងក្រោយទូរសព្ទពិតមែន។

សេចក្តីរាយការណ៍នៅលើគេហទំព័រ WinFuture បានលើកឡើងថា មួយគ្រាប់ក្នុងចំណោមនេះនឹងត្រូវប្រើប្រាស់សម្រាប់បំពេញមុខងារ Optical Zoom បានរហូតដល់ 10 ដង ដែលស្របគ្នាជាមួយនឹងវីដេអូផ្សព្វផ្សាយជាផ្លូវការរបស់ក្រុមហ៊ុន Huawei នៅពេលក្រុមហ៊ុនប្រកាសអំពីកាលបរិច្ឆេទនៃការប្រកាសផលិតផលថ្មី។ មួយគ្រាប់ផ្សេងទៀតអាចជា Time-of-Flight Sensor ប្រើប្រាស់សម្រាប់បំពេញមុខងារ Depth-of-Field Detection និងមួយទៀតអាចមានសមត្ថភាពគូសប្លង់ 3D។ យើងមិនទាន់ច្បាស់ថាតើគ្រាប់ទី 4 អាចនឹងមានសមត្ថភាពអ្វីទេ ប៉ុន្តែវាអាចប្រើប្រាស់សម្រាប់ការថតរូប Ultra-Wide។

ចំណែកម៉ូដែល P30 បង្ហាញរូបរាងក្នុងទម្រង់កាមេរ៉ា 3 គ្រាប់ប៉ុណ្ណោះ មានន័យថាវាប្រហែលជាមានតែមុខងារពង្រីក និងសមត្ថភាព Ultra-Wide ប៉ុណ្ណោះ តែមិនមានមុខងារ Depth-of-Field Detection ដូចម៉ូដែល Pro ទេ។

បន្ថែមលើប្រព័ន្ធកាមេរ៉ា ផលិតផលទូរសព្ទស៊េរី P30 ក៏បង្ហាញរូបរាងថានឹងមានការរចនា Notch ជាទម្រង់ដំណក់ទឹកភ្នែក សម្រាប់ដាក់កាមេរ៉ាមុខ។ គេហទំព័រ WinFuture ក៏បានលើកឡើងផងដែរថា ផលិតផលទូរសព្ទទាំងពីរខាងលើនឹងផលិតឡើងជាមួយការបំពាក់ Fingerprint Sensor នៅក្នុងអេក្រង់ ដើម្បីជៀសវាងការដាក់បញ្ចូល Chin Bezel នៅក្នុងអេក្រង់។

យើងនឹងបានស្វែងយល់ព័ត៌មានលម្អិតថ្មីៗបន្ថែមទៀតអំពីផលិតផលទូរសព្ទម៉ូដែលថ្មីទាំងនេះ នៅខែក្រោយ នៅក្នុងព្រឹត្តិការដាក់បង្ហាញផលិតផលថ្មីរបស់ក្រុមហ៊ុន Huawei នៅក្នុងទីក្រុងប៉ា រីស ដែលបានកំណត់ថានឹងរៀបចំឡើងនៅថ្ងៃទី 26 ខែមីនា ខាងមុខនេះហើយ៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

ណែនាំ Lens ថ្មីពី Moment

ដោយ: ដួងច័ន្ទ 11 AM, Monday, 03 Dec, 2018

ក្រុមហ៊ុន Moment បានបញ្ចេញផលិតផលថ្មីគឺ Telephoto Lens សម្រាប់ទូរសព្ទដែលផលិតឡើងនៅក្នុងឆ្នាំ 2014 ប៉ុន្តែវាត្រូវបានរចនាឡើងសម្រាប់ទូរសព្ទមានទំហំតូចៗ ដ...

តើលេខ N នៅក្នុងរថយន្តចង្កឹះលេខអូតូ ប្រើសម្រាប់ធ្វើអ្វី?

ដោយ: ដួងច័ន្ទ 8 AM, Tuesday, 17 Jul, 2018

លេខ N ឬឈ្មោះពេញហៅថា Neutral គឺជាលេខ Gear នៅក្នុងរថយន្ត ដែលប្រើប្រាស់ចង្កឹះលេខអូតូ ឬស្វ័យប្រវត្តិ។ តើអ្នកមានធ្លាប់បានគិតពីតួនាទីរបស់លេខ N នេះដែរឬទេ...

ទូរសព្ទ LG X Power 2 ថ្មកាន់បានរហូតដល់ ២ថ្ងៃ

ដោយ: ដួងច័ន្ទ 8 PM, Monday, 06 Mar, 2017

យើងហ៊ានភ្នាល់ថា អ្នកពិតជារីករាយខ្លាំង បើទូរសព្ទរបស់អ្នកអាចកាន់ថ្ម បានមួយថ្ងៃពេញ ជាមួយនឹងការសាកថ្មតែម្តងប៉ុណ្ណោះ។ ចុះបើវាអាចកាន់បានរហូតដល់ ២ថ្ងៃ? ន...

ហេតុអ្វីត្រូវប្រើប្រាស់សោរ Smart Lock?

ដោយ: ដួងច័ន្ទ 9 AM, Wednesday, 08 Aug, 2018

សោរ Smart Lock គឺជាឧបករណ៍ប្រើប្រាស់មួយក្នុងចំណោមឧបករណ៍ប្រើប្រាស់ Smart Home នាពេលបច្ចុប្បន្ន។ វាជាឧបករណ៍ប្រើប្រាស់ ដែលរួមបញ្ចូលនូវការរចនារូបរាងដ៏ទា...

Tomnerb.Com - YouTube Channel