ចូលចិត្តទំនើប

កាមេរ៉ា Canon EOS R ថ្មីជិតចេញលក់ហើយ

ដោយ: ដួងច័ន្ទ 1 PM, Thursday, 14 Mar, 2019

ចាប់តាំងពីផលិតផលកាមេរ៉ារបស់ក្រុមហ៊ុន Canon ម៉ូដែល EOS R បានបង្ហាញកាលពីឆ្នាំមុន វាបានក្លាយជាប្រភពនៃព័ត៌មានចចាមអារាមមួយដែលកំពុងទាក់ទាញចំណាប់អារម្មណ៍យ៉ាងខ្លាំង នៅក្នុងទីផ្សារផលិតផលកាមេរ៉ា។
កន្លងទៅនេះ មានព័ត៌មានបែកធ្លាយជាច្រើនអំពីប្រព័ន្ធ R ច្រើនជាងព័ត៌មានដទៃទៀត ហើយព័ត៌មានចចាមអារាមទាំងនោះនៅតែមានជាបន្តបន្ទាប់ ជាមួយសេចក្តីរាយការណ៍ជាច្រើនទៀតអំពីម៉ូដែល ដែលមានទំហំរហូតដល់ 70 megapixel។

យ៉ាងណាមិញ កាមេរ៉ាថ្មីដែលកំពុងទាក់ទាញចំណាប់អារម្មណ៍យ៉ាងខ្លាំងនេះ នឹងត្រូវចេញលក់នៅក្នុងឆ្នាំនេះហើយ ជាមួយនឹងការបំពាក់ In-Body Image Stabilization (IBIS) រន្ធដាក់កាតភ្លោះ និង Joystick មួយផងដែរ។

គេហទំព័រ Mirrorless Rumors បានសរសេរថា «កាមេរ៉ាម៉ូដែល R ថ្មីរបស់ក្រុមហ៊ុន Canon នឹងក្លាយជាកាមេរ៉ាមាន Megapixel ខ្ពស់មួយគ្រឿង ហើយដំណឹងនេះមានភាពច្បាស់ការ 100%»។ ព្រមជាមួយគ្នានេះដែរ គេហទំព័រ Canon Rumors ក៏បានកត់សម្គាល់ថា «ប្រព័ន្ធ IBIS ពិតប្រាកដណាស់ថានឹងត្រូវបានបំពាក់នៅក្នុងកាមេរ៉ាថ្មីនេះ»។

ការលើកឡើងទាំងនេះកត់សម្គាល់ឱ្យយើងដឹងថា កាមេរ៉ាម៉ូដែល R ទីបី កំពុងស្ថិតក្នុងដំណាក់កាលផលិត បន្តពីសេចក្តីរាយការណ៍ពីគ្រាមុន ដែលសម្តៅលើកាមេរ៉ាដែលមានសមត្ថភាពថតវីដេអូ 8K មានវត្តមានរួចជាស្រេចនៅក្នុងផែនការផលិតរបស់ក្រុមហ៊ុន Canon ក៏ដូចជាកាមេរ៉ា EOS R ទំហំ 100 megapixel ដែលមានបំពាក់មុខងារ IBIS ផងដែរ។

បើយើងផ្តោតទៅលើលក្ខណៈស្រដៀងគ្នានៃព័ត៌មានចចាមអារ៉ាម យើងអាចនិយាយបានថា ម៉ូដែលមានទំហំ 70 megapixel អាចជាការផលិតឡើងវិញនៃកាមេរ៉ាជំនាន់មុន ហើយយើងក៏អាចនិយាយបានថា វាអាចជាការរួមបញ្ចូលគ្នានៃកាមេរ៉ាមានសមត្ថភាពថតវីដេអូ 8K និងកាមេរ៉ា EOS R មានទំហំ 100 megapixel។

អ្វីដែលយើងប្រាកដជាក់លាក់នៅពេលនេះគឺ ក្រុមហ៊ុន Canon គឺជាក្រុមហ៊ុនដែលស្ថិតនៅពីក្រោយការអភិវឌ្ឍ៍ប្រព័ន្ធ R។ ដោយមិនមានបញ្ជាក់អំពីការបញ្ចេញកាមេរ៉ាម៉ូដែល EOS RP ថ្មី និងការបញ្ចេញ RF-Mount Lens ចំនួន 6 ថ្មី នៅក្នុងឆ្នាំ 2019 នេះ ក្រុមហ៊ុនបានបកស្រាយនៅក្នុងសេចក្តីរាយការណ៍កាលពីពេលថ្មីៗនេះថា ក្រុមហ៊ុនមានគម្រោងពង្រីកវិសាលភាពស្រឡាយផលិតផលកាមេរ៉ា។ នៅក្នុងករណីនេះ ការគិតថាកាមេរ៉ា EOS R មាន Resolution ខ្ពស់ជំនាន់ថ្មី នឹងត្រូវចេញនៅចុងឆ្នាំនេះ ហាក់ដូចជាសមហេតុសមផល។
អ្នកនឹងអាចស្វែងយល់កាន់តែច្បាស់ និងអាចទិញទាំងកាមេរ៉ា EOS R និង RP នៅក្នុងព្រឹត្តិការណ៍ The Photography Show 2019 ដែលនឹងប្រព្រឹត្តទៅចាប់ពីថ្ងៃទី 16-19 ខែមីនានេះ នៅ NEC ក្នុងទីក្រុង Birmingham ចក្រភពអង់គ្លេស។

ប្រភព: digitalcameraworld ផ្នែក: បច្ចេកវិទ្យា, កាម៉េរ៉ា

អត្ថបទអ្នកចង់អាន

ទូរស័ព្ទ One ជំនាន់ក្រោយ របស់ Motorola អាចមានការពង្រីក «Hybrid» ទំហំ 5ដង!

ដោយ: ភារុន 9 AM, Wednesday, 28 Aug, 2019

អ្នកនិយមប្រើប្រាស់ស្មាតហ្វូនស៊េរីថ្មីៗទាំងឡាយ មិនចាំបាច់ត្រូវចំណាយប្រាក់រហូតដល់ $1,100 ដើម្បីគ្រាន់តែចង់បានទូរស័ព្ទ ដែលមានសមត្ថភាពកាមេរ៉ាកម្រិតខ្ពស...

សេវាកម្ម Google Fi ដំណើរការលើ iPhone បានហើយ

ដោយ: ដួងច័ន្ទ 8 AM, Monday, 17 Dec, 2018

បើសិនជាអ្នកជាម្ចាស់ទូរសព្ទដៃ iPhone ហើយកំពុងសម្លឹងរកឱកាសផ្លាស់ប្តូរប្រព័ន្ធ Mobile Carrier អ្នកទទួលបានជម្រើសមួយបន្ថែមទៀតសម្រាប់ការជ្រើសរើសនាពេលនេះ។...

ទូរទស្សន៍ OLED ជំនាន់ថ្មី ផ្តល់បទពិសោធន៍ នៃបច្ចេកវិទ្យាទូរទស្សន៍ថ្មី ដល់អ្នក

ដោយ: ដួងច័ន្ទ 8 PM, Tuesday, 10 Jan, 2017

បច្ចេកវិទ្យាទូរទស្សន៍ថ្មីៗ ត្រូវបានបង្កើត និងដាក់ឱ្យប្រើប្រាស់ ជារៀងរាល់ថ្ងៃ អ្នកប្រើប្រាស់មានការលំបាកក្នុងការសម្រេចចិត្ត ជ្រើសរើសផលិតផលណាមួយ សម្រា...

Gadget ដែលអ្នកត្រូវការប្រើប្រាស់ ប្រចាំថ្ងៃ

ដោយ: ដួងច័ន្ទ 11 PM, Wednesday, 22 Nov, 2017

មានផលិតផលប្រើប្រាស់ជាច្រើន នៅលើទីផ្សា ដែលមានតម្លៃសមរម្យ ប៉ុន្តែភាគច្រើនវាមិនត្រូវបានប្រើប្រាស់ជាចាំបាច់ទេ។ សម្ភារៈមួយចំនួនមានភាពទាក់ទាញ ប៉ុន្តែវាទា...

Tomnerb.Com - YouTube Channel