ចូលចិត្តទំនើប

តោះ! មកស្គាល់ Mouse ហ្គេមថ្មី ពី Microsoft

ដោយ: ដួងច័ន្ទ 8 AM, Thursday, 06 Jun, 2019

ក្រុមហ៊ុន Microsoft បាននាំយកផលិតផលលំដាប់ Classic ម៉ូដែល IntelliMouse Explorer ត្រឡប់មកវិញ កាលពីឆ្នាំ 2017 ហើយនាពេលនេះ ក្រុមហ៊ុននេះកំពុងបោះជំហានកាន់តែឆ្ងាយជាមួយ Mouse ម៉ូដែលថ្មី Pro IntelliMouse Edition។ វាមានការរចនាម៉ូដដូចគ្នានឹង IntelliMouse បែប Classic ដែលបានក្លាយជាម៉ាកសញ្ញាដ៏ល្បីល្បាញមួយ ប៉ុន្តែនាពេលនេះវាត្រូវបានបន្ថែមថាមពលសម្រាប់ការប្រើប្រាស់ក្នុងការលេងហ្គេម។

ក្រុមហ៊ុន Microsoft បាន Upgrade ប្រព័ន្ធ Tracking Sensor ដែលមាននៅលើម៉ូដែលចេញកាលពីឆ្នាំ 2017 បានពង្រឹងសមត្ថភាពគ្រាប់ចុច និងបានបន្ថែមផ្ទាំង Texture នៅអមសងខាងខ្សែដែលបានក្រងវេញត្របាញ់ចូលគ្នា។ ទាំងនេះមានន័យថា ប៊ូតុងទាំងអស់នឹងមានអត្រាឆ្លើយតបកាន់តែខ្លាំង នៅពេលអ្នកកំពុងលេងហ្គេម ដោយប្រើប្រាស់ Pro IntelliMouse ថ្មីមួយនេះ ហើយក្រុមហ៊ុន Microsoft ក៏បានអនុញ្ញាតឱ្យក្រុមហ៊ុនផលិតហ្គេមកុំព្យូទ័រតុបតែងពណ៌នៅលើ Taillight ដើម្បីសមជាគូនឹងគ្នាជាមួយ Keyboard របស់ពួកគេ ឬឧបករណ៍ប្រើប្រាស់ដទៃទៀតរបស់ពួកគេ។

ជាមួយគ្នានេះ ផលិតផល Mouse ថ្មីនេះក៏ត្រូវបានផលិតឡើងក្នុងជម្រើសពណ៌ខ្មៅ និងពណ៌ស ផងដែរ។ Sensor របស់វាដំណើរការខ្លាំងរហូតដល់កម្រិត 16,000 DPI និងមានអត្រា Refresh Rate រហូតដល់ 12,000 fps ហើយអ្នកអាចប្រើប្រាស់ Mouse and Keyboard Software របស់ Microsoft ដើម្បីតំឡើង Macros, Remap Buttons និងកែតម្រូវ DPI ភ្លាមៗ។

ផលិតផល Mouse ម៉ូដែល Pro IntelliMouse Edition របស់ក្រុមហ៊ុន Microsoft ថ្មីមួយនេះបានបង្ហាញវត្តមានលើកដំបូងនៅក្នុងប្រទេសចិននៅចុងឆ្នាំមុន ហើយនាពេលនេះវាកំពុងធ្វើដំណើរមានកាន់ទីផ្សានៅសហរដ្ឋអាមេរិកហើយ។

ខណៈដែល IntelliMouse បែប Classic មានដាក់លក់ក្នុងតម្លៃ $39.99 ផលិតផល Pro IntelliMouse ថ្មីនេះនឹងមានចេញលក់ជាលើកដំបូងនៅចុងខែនេះ នៅក្នុងតម្លៃ $59.99៕

ប្រភព: theverge ផ្នែក: បច្ចេកវិទ្យា, Accessories

អត្ថបទអ្នកចង់អាន

ស្វែងយល់ពីរថយន្តថ្មី Lamborghini Urus SUV

ដោយ: ដួងច័ន្ទ 6 PM, Thursday, 21 Dec, 2017

ការច្នៃម៉ូដរូបរាង និងសមត្ថភាពដ៏កំពូល នឹងរួមបញ្ចូលគ្នា ដើម្បីជួយឱ្យរថយន្តម៉ូដែល Urus ក្លាយជា រថយន្តប្រភេទ SUV កំពូលមួយគ្រឿង។ វាមានម៉ាស៊ីន Twin-Turbo...

iPhone ថ្មី សន្យារក្សាការសម្ងាត់ របស់អ្នក

ដោយ: ដួងច័ន្ទ 9 AM, Sunday, 17 Mar, 2019

នៅក្នុងការអនុវត្តបន្តពីការផ្សព្វផ្សាយពាណិជ្ជកម្ម ដែលបានធ្វើឡើងនៅក្នុងព្រឹត្តិការណ៍ CES កាលពីពេលកន្លងទៅនេះ ក្រុមហ៊ុន Apple ទើបនឹងបញ្ចេញវីដេអូផ្សព្វផ...

ឧបករណ៍ប្រើប្រាស់ក្នុងផ្ទះបាយ ធ្វើពីប្លាស្ទិក តើវាពិតជាមានសុវត្ថិភាព?

ដោយ: ភារុន 9 AM, Tuesday, 05 Feb, 2019

ឧបករណ៍ប្រើប្រាស់ក្នុងផ្ទះបាយ ធ្វើពីប្លាស្ទិក ត្រូវបានគេប្រើជាញឹកញាប់ ដោយសារតែវាមានភាពងាយស្រួល ក្នុងការប្រើប្រាស់ មានពណ៌ស្រស់ស្អាត ទម្ងន់ស្រាល និងមា...

8 ចំណុច ដើម្បីចាប់ផ្តើមប្រើប្រាស់ iPhone XS ឬ XS Max

ដោយ: ដួងច័ន្ទ 9 AM, Friday, 21 Dec, 2018

តើអ្នកជាម្ចាស់ទូរសព្ទ iPhone XS ឬ XS Max មែនទេ? អ្នកអាចនឹងប្រើប្រាស់ទូរសព្ទគ្មានប៊ូតុង Home ជាលើកដំបូង ឬជាលើកដំបូងដែលអ្នកនឹងមានឱកាសប្រើប្រាស់មុខងារ...

Tomnerb.Com - YouTube Channel