ចូលចិត្តទំនើប

MacBook Air និង Mac Mini ផលិតពីអាលុយពីញ៉ូមកែច្នៃ

ដោយ: ដួងច័ន្ទ 9 AM, Saturday, 03 Nov, 2018

នៅក្នុងព្រឹត្តិការណ៍ប្រកាសពីផលិតផលថ្មី កាលពីប៉ុន្មានថ្ងៃកន្លងទៅនេះ ក្រុមហ៊ុន Appleបានធ្វើសេចក្តីប្រកាសយ៉ាងមោទនៈថាម៉ូដែលស៊េរីឆ្នាំ 2018 នៃផលិតផល MacBook Air និង Mac Mini ទាំងពីរនេះនឹងផលិតជាមួយនឹងអាលុយមីញ៉ូមកែច្នៃឡើងវិញ 100%។ បន្ថែមលើនេះ ក្រុមហ៊ុនបានប្រកាសថា ផលិតផល Mac Mini នឹងធ្វើការតំឡើងចេញពីផ្លាស្ទិចកែច្នៃឡើងវិញប្រមាណ 60%។
មានប្រភេទវត្ថុធាតុដើមជាច្រើនដែលធ្វើការកែច្នៃឡើងវិញ។ ជាពិសេសផ្លាស្ទិចកែច្នៃឡើងវិញ ដែលមានលក្ខណៈជា Post-Consumer មានន័យថាវាជាវត្ថុធាតុដើម ដែលធ្លាប់បានប្រើប្រាស់នៅក្នុងផលិតផលដទៃទៀត និងត្រូវបានកែច្នៃយកមកប្រើប្រាស់ឡើងវិញ។ សារធាតុអាលុយមី ញ៉ូម ដែលត្រូវបានកែច្នៃពីសំណល់វត្ថុធាតុដើម នៅសល់ពីផលិតផលរបស់ Apple ដែលធ្វើពីអាលុយមីញ៉ូមដទៃទៀត។ នេះមានន័យថាអ្នកមិនមែនទទួលបាន Laptop ដែលផលិតពីកំប៉ុង ភេសជ្ជៈចាស់ៗទេ។

នេះមិនមែនជាគម្រោងថែរក្សាបរិស្ថានលើកទីមួយរបស់ Apple ដែលត្រូវបានអនុវត្តនៅក្នុងឆ្នាំនេះទេ។ កាលពីខែមេសា ក្រុមហ៊ុនបានប្រកាសថា ថាមពលដែលក្រុមហ៊ុនប្រើប្រាស់ទទួលបានពីថាមពលកកើតឡើងវិញទាំងស្រុង ដែលត្រូវបានប្រើប្រាស់ជាសកល។ ហើយនៅក្នុងព្រឹត្តិការណ៍នេះផងដែរ ក្រុមហ៊ុនបានបន្ថែមថា ភាពដូចគ្នានេះក៏កើតមាននៅទូទាំងហាងជាតំណាងចែកចាយរបស់ក្រុមហ៊ុនទាំងអស់ផងដែរ។ សម្រាប់សារជីវកម្មដ៏ធំដូចជាក្រុមហ៊ុន Apple នេះជាការលទ្ធផលសម្រេចបានដ៏ត្រចះត្រចង់មួយ។
ប៉ុន្តែផលប៉ះពាលលើបរិស្ថាន នៃផលិតផលមួយ មិនត្រឹមតែត្រូវបានកាត់បន្ថយទៅតាមវត្ថុធាតុដើមដែលវាប្រើប្រាស់ប៉ុណ្ណោះទេ។ ការប្រើប្រាស់អ្វីម្យ៉ាងដែលងាយក្នុងជួសជុល និងប្រើប្រាស់បានយូរ មានន័យថា អ្នកមិនចាំបាច់ធ្វើការចំណាយលើផលិតផលថ្មីទាំងស្រុងទេ ហើយនៅទីនេះ ក្រុមហ៊ុន Apple កំពុងដែលអនុវត្តគម្រោងផែនការនេះហើយ។

មិនថា វាជាកំសោយនៃសមត្ថភាពជួសជុលសម្រាប់ផលិត Laptop ថ្មី ឬការរឹតត្បិតលក្ខខណ្ឌចំពោះភាគីទីបីនៃសេវាកម្មជួសជុលក្តី ក្រុមហ៊ុន Apple ពិតជាមិនបានផ្តល់នូវភាពងាយស្រួល សម្រាប់អ្នក ក្នុងការរក្សាទុកផលិតផល Apple ឱ្យដំណើរការបានយូរឆ្នាំទេ។ អ្នកអាចយកផលិតផលរបស់អ្នកទៅជួសជុល បើសិនជាអ្នកត្រូវការចាំបាច់ ប៉ុន្តែអ្នកត្រូវស្វែងរកសេវាកម្មជួសជុលដែលមានអាជ្ញាប័ណ្ណត្រឹមត្រូវ។ ហើយដោយគ្មានជម្រើសច្រើន មនុស្សជាច្រើនតែងធ្វើការសម្រេចចិត្តទិញផលិតផលថ្មីជំនួសវិញ ទាំងនេះហើយជាផលប៉ះពាល់អវិជ្ជមានដែលផលិតផលទាំងនោះផ្តល់មក។

ក្រុមហ៊ុន Apple បានធ្វើការប្រកាសថា នេះជាការបោះជំហានដ៏មានសារៈសំខាន់មួយ ឆ្ពោះទៅរកទិសដៅដ៏ត្រឹមត្រូវ ប៉ុន្តែនៅមានរឿងរ៉ាវជាច្រើនទៀតដែលក្រុមហ៊ុនត្រូវសម្រេចឱ្យបាន៕

ប្រភព: theverge ផ្នែក: បច្ចេកវិទ្យា, កុំព្យូទ័រ

អត្ថបទអ្នកចង់អាន

នៅទីបំផុតមានអ្នកផលិតនាឡិកា Smartwatch សម្រាប់ជនពិការភ្នែកហើយ

ដោយ: ដួងច័ន្ទ 10 PM, Friday, 05 May, 2017

នៅទីបំផុត នាឡិកាដៃ Smartwatch ដែលមានអក្សរផុស សម្រាប់អ្នកពិការភ្នែកបានចេញជារូបរាងហើយ។ នាឡិកា Dot Watch នាំមកនូវបច្ចេកវិទ្យាច្នៃប្រឌិតថ្មី សម្រាប់ជន...

កំពូលម៉ាស៊ីនថតរូប ផ្តិតភ្លាមៗ ទាំង ១១

ដោយ: ដួងច័ន្ទ 7 PM, Thursday, 16 Mar, 2017

សម័យកាលបច្ចុប្បន្ន ជាសម័យកាលទាន់សម័យ និងជឿនលឿន។ បច្ចេកវិទ្យា ត្រូវតែធ្វើការអភិវឌ្ឍន៍ឱ្យបានខ្លាំងក្លា ដើម្បីបំពេញតម្រូវការរបស់អ្នកប្រើប្រាស់ ដែលតែងច...

ព្រឹតិ្តការណ៍ពិភពលោក CES 2017 SIGNATURE

ដោយ: សត្យា 9 PM, Thursday, 12 Jan, 2017

កម្មវិធី CES (Consumer Electronics Show) 2017 គឺជាព្រឹត្តិការណ៍ពិភពលោក ដែលដាក់តាំងបង្ហាញផលិតផល អេឡិចត្រូនិចដ៏ធំប្រចាំឆ្នាំ 2017 ។ ឆ្នាំនេះ គឺជាការគ...

XBOOM ពី LG ធ្វើឱ្យពិធីជប់លៀង កាន់តែអស្ចារ្យ

ដោយ: ដួងច័ន្ទ 10 AM, Friday, 01 Mar, 2019

ថ្ងៃនេះ ទំនើប សូមណែនាំផលិតផលឧបករណ៍បំពងសម្លេង XBOOM ម៉ូដែល OK99 ពីក្រុមហ៊ុន LG ដែលជួយធ្វើឱ្យពិធីជប់លៀងរបស់អ្នកកាន់តែរីករាយ និងរំភើប។ ចង់ដឹងថាវាមានលក...

Tomnerb.Com - YouTube Channel