ចូលចិត្តទំនើប

កាសស្តាប់គ្មានខ្សែរបស់ LV ថ្លៃកប់ពពក

ដោយ: ដួងច័ន្ទ 8 AM, Monday, 21 Jan, 2019

ក្រុមហ៊ុន Louis Vuitton បាននឹងកំពុងនាំយកម៉ាកសញ្ញាផលិតផលលំដាប់ខ្ពស់របស់ខ្លួនមកកាន់ពិភពផលិតផល Audio។ ក្រុមហ៊ុន Fashion មានដើមកំណើតនៅក្នុងប្រទេសបារាំងមួយនេះកំពុងធ្វើការសហការជាមួយក្រុមហ៊ុន Audio ដែលមានទីតាំងស្ថិតនៅក្នុងទីក្រុងញូយ៉ក គឺក្រុមហ៊ុន Mater & Dynamic ដើម្បីផលិតកាសស្តាប់ បំពាក់ម៉ាកសញ្ញា Louis Vuitton ដំបូង បង្អស់។

យោងតាមគេហទំព័រ High Snobiety បានឱ្យយើងដឹងថា ផលិតផលកាសស្តាប់ថ្មីនេះមានឈ្មោះថា Louis Vuitton Horizon។ វានឹងត្រូវបានផលិតជាជម្រើស 4 ពណ៌ និងម៉ូដ និងត្រូវបានគេរំពឹងថានឹងមានដាក់លក់រាយក្នុងតម្លៃ $995។
បើសិនជាអ្នកពិនិត្យមើលលើលក្ខណៈពិសេសរបស់កាសស្តាប់ LV Horizon ថ្មីនេះ អ្នកនឹងបានឃើញថាវាជាផលិតផលកាសស្តាប់ ដែលមានលក្ខណៈជាមូលដ្ឋានដូចគ្នានឹងកាសស្តាប់ម៉ូដែល MW07 របស់ Master & Dynamic ដែលមានវត្តមាននៅក្នុងទីផ្សាររួចជាស្រេចហើយ។
ផលិតផលកាសស្តាប់ទាំងពីរនេះមានបំពាក់ជាមួយឧបករណ៍ Beryllium ដែលមានសមត្ថភាពខ្លាំង ទំហំ 10mm និងផ្តល់នូវថាមពលសម្រាប់ការប្រើប្រាស់ក្នុងការស្តាប់បទចម្រៀងសារចុះសារឡើងរហូតដល់ 3.5 ម៉ោង។
ចំណុចខុសគ្នាធំជាងគេ គឺកាសស្តាប់ Horizon មានបង្ហាញនូវរូបសញ្ញាតំណាងរបស់ក្រុមហ៊ុន Louis Vuitton គឺសញ្ញា L V និងផលិតឡើងជាមួយនឹងប្រអប់បញ្ចូលថាមពលដែលមានការរចនាម៉ូដខុសគ្នាបន្តិចបន្តួច។
រីឯតម្លៃរបស់កាសស្តាប់ទាំងពីរប្រភេទនេះក៏មានភាពខុសគ្នាឆ្ងាយដែរ។ សម្រាប់កាសស្តាប់ MW07 របស់ក្រុមហ៊ុន Master & Dynamic មានតម្លៃត្រឹមតែ $299 ប៉ុណ្ណោះ។

បើសិនជាអ្នកជាប្រិយមិត្តស្មោះស្ម័គ្ររបស់ម៉ាកសញ្ញាផលិតផល LV ហើយអ្នកចង់ក្លាយខ្លួនជាអ្នកប្រើប្រាស់ដ៏ងុបងល់នៅក្នុងប្រព័ន្ធ Ecosystem របស់ក្រុមហ៊ុន Louis Vuitton កាលពីខែមុន ក្រុមហ៊ុនក៏បានប្រកាសពីផលិតផលជំនាន់ទី 2 នៃនាឡិកា Smartwatch ម៉ូដែល Tambour Horizon ដែលដំណើរការដោយប្រព័ន្ធ Wear OS ផងដែរ។ ផលិតផលនាឡិកាដៃថ្មីមួយនេះត្រូវបានគេរំពឹងថានឹងត្រូវដាក់លក់រាយក្នុងតម្លៃចន្លោះពី $2,250 និង $8,500 នៅក្នុងសេចក្តីរាយការណ៍ថ្មីចេញពីគេហទំព័រ Hypebeast ហើយនាឡិកា Smartwatch ជំនាន់ថ្មីនេះ នឹងមានសមត្ថភាពដំណើរការជាមួយកាសស្តាប់ Horizon ផងដែរ៕

ប្រភព: engadget ផ្នែក: បច្ចេកវិទ្យា, Accessories

អត្ថបទអ្នកចង់អាន

កំពូលម៉ាស៊ីនថតរូប ផ្តិតភ្លាមៗ ទាំង ១១

ដោយ: ដួងច័ន្ទ 7 PM, Thursday, 16 Mar, 2017

សម័យកាលបច្ចុប្បន្ន ជាសម័យកាលទាន់សម័យ និងជឿនលឿន។ បច្ចេកវិទ្យា ត្រូវតែធ្វើការអភិវឌ្ឍន៍ឱ្យបានខ្លាំងក្លា ដើម្បីបំពេញតម្រូវការរបស់អ្នកប្រើប្រាស់ ដែលតែងច...

សួស្ដីឆ្នាំថ្មី! បញ្ចុះតម្លៃរហូតដល់ 40 % និង ថែមជូនយ៉ាងច្រើនសន្ធឹកសន្ធាប់ ពី LG BRANDSHOP

ដោយ: ម៉ូនី 10 PM, Wednesday, 06 Apr, 2016

  ដើម្បីចូលរួមអបអរសាទពិធីបុណ្យចូលឆ្នាំខ្មែរប្រពៃណីជាតិខាងមុខនេះ LG BrandShop បានរៀបចំកម្មវិធី លក់បញ្ចុះតម្លៃពិសេសរហូតទៅដល់ 40% និង មានការបន្ថែមជូ...

តើពិតទេ? Firefox នឹងបិទការចាក់វីឌីអូដោយស្វ័យប្រវត្តិ តាមលំនាំដើម នៅខែក្រោយនេះ

ដោយ: ភារុន 9 AM, Wednesday, 06 Feb, 2019

យោងតាមរយៈវិបសាយព័ត៌មាន TechCrunch បានឱ្យដឹងថា ការចាក់វីឌីអូដោយស្វ័យប្រវត្តិ (Autoplaying video) របស់ Firefox ដែលជាបណ្តាញរុករក ព័ត៌មានដ៏ទូលំទូលាយនៅល...

ព័ត៌មានបែកធ្លាយពី Galaxy S10 Plus

ដោយ: ដួងច័ន្ទ 1 PM, Monday, 03 Dec, 2018

ក្រុមហ៊ុន Samsung មានគម្រោងបញ្ចេញលក់ទូរសព្ទ Galaxy S10 ជាក្រុមជាច្រើនគ្រឿង រាប់ចាប់ពីទូរសព្ទកម្រិតទាប ទៅទូរសព្ទកម្រិតស្តង់ដា ប្រើប្រាស់រយៈពេលយូរ រហ...

Tomnerb.Com - YouTube Channel