ចូលចិត្តទំនើប

MX Master 3 ថ្មីរបស់ Logitech ប្រើមេដែកសម្រាប់រមូរចុះ/ឡើង កាន់តែប្រសើរជាងមុន

ដោយ: ភារុន 8 AM, Saturday, 07 Sep, 2019

ប្រិយមិត្តណាខ្លះជាគាំទ្រផលិតផល Mouse របស់ក្រុមហ៊ុន Logitech ? ឥឡូវនេះកាន់តែគួរឱ្យចាប់អារម្មណ៍ចំពោះផលិតផល Mouse ស៊េរីថ្មីរបស់ក្រុមហ៊ុនមួយនេះ នោះគឺ Mouse ម៉ូដែល MX Master 3 ដែលផ្តល់ការជឿទុកចិត្តដល់អ្នកប្រើប្រាស់ក្នុងការរមូរចុះ/ឡើង កាន់តែប្រសើរជាងមុន។ ម្យ៉ាងទៀត ថ្ងៃនេះក្រុមហ៊ុន Logitech ក៏ដាក់បង្ហាញក្តារចុច MX ដ៏ល្អបំផុតរបស់ខ្លួនផងដែរ។

Mouse ស៊េរីថ្មីនេះ ត្រូវបានរចនាម៉ូតកងរមូរជាមេដែក ដើម្បីធ្វើឱ្យដំណើរការរមូរចុះ/ឡើង កាន់តែងាយស្រួលជាងមុន។ នេះគឺជាចំណុងចម្បង ដែលធ្វើឱ្យ MX Master 3 មានប្រជាប្រិយភាពខ្លាំង សម្រាប់ប្រើប្រាស់ជាមួយនឹងកុំព្យូទ័រនៅលើតុ។ ម្យ៉ាងទៀត កងរមូរនៅលើ Mouse ស៊េរីថ្មីនេះ មានប៊ូតុងពីរនៅផ្នែកខាងលើ និងផ្នែកខាងក្រោមត្រូវបានរចនាជា 4000 dpi Darkfield ដែលអាចប្រើប្រាស់បាន ទោះបីជានៅលើផ្ទៃកញ្ចក់ក៏ដោយ។
ទន្ទឹមនឹងនេះផងដែរ ក្តារចុច MX Master 3 ក៏ត្រូវបានរចនាម៉ូតឱ្យមានទំហំធំទូលាយ ប៉ុន្តែសម្រាប់គ្រាប់ចុច ត្រូវបានរចនាឡើង ដែលមិនធ្វើឱ្យអ្នកប្រើប្រាស់មានអារម្មណ៍ថាពិបាកចុច ពីព្រោះទំហំរបស់វាមិនធំពេកនោះទេ ម្យ៉ាងទផត ក្តារចុចថ្មីនេះក៏មានរាងស្តើង ដ៏មិនគួរឱ្យជឿផងដែរ។


ទាំងក្តារចុច និង Mouse «MX Master 3» ក៏មានបន្ថែមការគាំទ្រ Bluetooth រួមជាមួយនឹងសមត្ថភាពប្រើប្រាស់ដ៏អស្ចារ្យបំផុត។ លើសពីនេះ ទាំងក្តារចុច និង Mouse ស៊េរីថ្មីនេះ ក៏មានភ្ជាប់ជាមួយនឹងរន្ធ USB-C ដើម្បីផ្តល់ភាពងាយស្រួល សម្រាប់ការប្រើប្រាស់ជាមួយនឹងកុំព្យូទ័រយួរដៃស៊េរីឆ្នាំ 2019 ដ៏ទំនើបៗផងដែរ។ ដោយសារតែ ចំនួននៃអ្នកប្រើប្រាស់កុំព្យូទ័រយួរដៃ បានកើនឡើងពីមួយឆ្នាំទៅមួយឆ្នាំ ហើយកុំព្យូទ័រយួរដៃទាំងនេះ សុទ្ធមានបំពាក់រន្ធ USB-C។


MX Master 3 មានថាមពលថ្មខ្លាំង អាចប្រើប្រាស់បានជុំវិញរយៈពេល 70ថ្ងៃ និងអាចបញ្ចូលថាមពលថ្មត្រឹមតែមួយនាទី នឹងអាចប្រើប្រាស់បានរយៈពេល 3ម៉ោង។ សម្រាប់ក្តារចុច «MX Master 3» ផ្តល់ថាមពលប្រើប្រាស់រយៈពេល 10ថ្ងៃ ជាមួយនឹងការបើកដំណើរការប្រព័ន្ធពន្លឺភ្លើងហ្វារ សម្រាប់ការសាកថ្មពេញម្តង ប៉ុន្តែប្រសិនបិទដំណើរការពន្លឺភ្លើងហ្វារនេះ អ្នកនឹងប្រើប្រាស់ក្តារចុចនេះបានរហូតដល់រយៈពេល 5ខែ។ ហើយសម្រាប់តម្លៃរបស់ទាំងពីរមុខនេះ នឹងដាក់លក់ក្នុងតម្លៃត្រឹមតែ100ដុល្លារប៉ុណ្ណោះ នាចុងខែនេះហើយ៕

ប្រភព: engadget ផ្នែក: បច្ចេកវិទ្យា, Accessories

អត្ថបទអ្នកចង់អាន

បញ្ហាទូទៅដែលជួបប្រទះ ពេលប្រើប្រាស់ម៉ាស៊ីនត្រជាក់

ដោយ: ទំនើប 6 PM, Tuesday, 20 Feb, 2018

ជាធម្មតា នៅពេលអ្នកប្រើប្រាស់ម៉ាស៊ីនត្រជាក់ អ្នកតែងតែប្រឈមនឹងការចំណាយបន្ថែម លើថ្លៃអគ្គិសនីច្រើនជាងមុន ជាហេតុធ្វើឲ្យប្រជាជនមួយចំនួន ពិបាកនឹងសម្រេចចិត...

ក្លិនអាក្រក់ក្នុងរថយន្ត និងវិធីកម្ចាត់

ដោយ: ដួងច័ន្ទ 9 AM, Tuesday, 25 Dec, 2018

ការធ្វើដំណើរក្នុងរថយន្តទាមទារនូវបរិយាកាសល្អ ដែលជាកត្តាជះឥទ្ធិពលដល់អារម្មណ៍ក្នុងការធ្វើដំណើរ។ ប៉ុន្តែឆ្លងកាត់ការប្រើប្រាស់រយៈពេល រថយន្តរបស់អ្នកអាចនឹ...

ណែនាំកាសស្តាប់គ្មានខ្សែពី Grado

ដោយ: ដួងច័ន្ទ 8 AM, Monday, 22 Oct, 2018

បច្ចុប្បន្ននេះពុំទាន់វាអ្វីល្អជាងឧបករណ៍ស្តាប់តន្រ្តីមានខ្សែនៅឡើយទេ ប៉ុន្តែក្រុមហ៊ុនផលិតកាសស្តាប់ទំនើបៗ បាននឹងកំពុងអនុវត្តអស់ពីសមត្ថភាព ដើម្បីទាញយកផ...

LG Electronics បានបង្ហាញផលិតផលស៊េរីថ្មីឆ្នាំ 2016 ក្មុងកម្មវិធីជប់លៀងប្រចាំឆ្នាំ LG VIP Night

ដោយ: WangSang 12 AM, Wednesday, 13 Jul, 2016

កាលពី ថ្ងៃទី 7 ខែ កក្កដា ឆ្នាំ 2016 ក្រុមហ៊ុន LG Electronics និង ក្រុមហ៊ុន G Gear ដែលជាក្រុមហ៊ុនដៃគូរយុទ្ធសាស្ត្រតែមួយគត់នៅក្នុងប្រទេសកម្ពុជា បានរៀ...

Tomnerb.Com - YouTube Channel