ចូលចិត្តទំនើប

TV Cam HD របស់ Logitech មានអ្វីពិសេស?

ដោយ: ដួងច័ន្ទ 9 AM, Saturday, 05 Jan, 2019

ផលិតផលកាមេរ៉ាប្រើប្រាស់សម្រាប់ការសន្ទនាវីដេអូនៅលើកម្មវិធី Skype កំពុងពេញនិយម ហើយកំពុងធ្វើដំណើរទៅកាន់ការប្រើប្រាស់ជាមួយទូរទស្សន៍ ក្នុងនាមជាជម្រើសបន្ថែម ឬជាសម្ភារៈរួមផ្សំជាមួយគ្នា។ នាពេលនេះផងដែរ ក្រុមហ៊ុន Logitech បានប្រឡូកចូលទៅក្នុងទីផ្សារនេះដែរ ជាមួយផលិតផល Logitech TV Cam HD ដែលមានតម្លៃ $199.99។

ដូចជាឈ្មោះរបស់វា កាមេរ៉ានេះអាចចាប់យកវីដេអូ HD និងធ្វើប្រតិបត្តិការលើគ្រប់ទូរទស្សន៍ HDTV ដែលមានបំពាក់ជាមួយរន្ធដោត HDMI។
ជាមួយកម្មវិធី Skype និង Wi-Fi បំពាក់រួចជាស្រេចនៅក្នុងកាមេរ៉ា អ្នកនឹងមិនមានតម្រូវការប្រើប្រាស់កុំព្យូទ័រទេ ហើយអ្នកអាចដំណើរការកម្មវិធី HD Skype Video Call ខណៈដែលអ្នកនៅអង្គុយពីមុខអេក្រង់ទូរទស្សន៍។ កាមេរ៉ានេះក៏មានរន្ធដោត Ethernet ផងដែរ បើសិនជាអ្នកចង់ប្រើប្រាស់វា ដោយភ្ជាប់ជាមួយខ្សែ។

បន្ទាប់ពីអ្នកបញ្ចូលព័ត៌មានអំពីគណនេយ្យ Skype របស់អ្នករួចហើយ អ្នកអាចដំណើរការមុខងារ Skype Video ឬ Voice Call បានដូចដែលអ្នកបានអនុវត្តជាមួយកុំព្យូទ័រ ទូរសព្ទដៃ ឬ Tablet ហើយអ្នកអាចធ្វើការបញ្ជារនៅលើអេក្រង់បានជាមួយឧបករណ៍បញ្ជារដែលមានភ្ជាប់មកជាមួយកាមេរ៉ា។
ក្រុមហ៊ុន Logitech បញ្ជាក់ថាកាមេរ៉ានេះមាន Wide-Angle Lens ផលិតឡើងភ្ជាប់ជាមួយកញ្ចក់ អុបទិចពីក្រុមហ៊ុនជំនាញរបស់អាល្លឺម៉ង់ Carl Zeiss ហើយនៅក្នុងនោះក៏មានបំពាក់ឧបករណ៍បន្លឺសម្លេង ដែលអាចឱ្យដឹងនៅពេលមានគេហៅទូរសព្ទចូល មិនថាទូរទស្សន៍របស់អ្នកកំពុងបើក ឬបិទក្តី។ លក្ខណៈពិសេសចុងក្រោយ កាមេរ៉ានេះមាន Microphone ចំនួន 4 គ្រឿង ដែលរចនាឡើងដើម្បីជួយកាត់បន្ថយសម្លេងរំខាន និងសម្លេងអេកូ សម្រាប់ឱ្យអ្នកទទួលបាន សម្លេងសន្ទនាកាន់តែច្បាស់។

យ៉ាងណាមិញ Logitech នៅតែមានដៃគូប្រជែងមួយចំនួនដែរ នៅក្នុងទីផ្សារ ដោយនៅដើមឆ្នាំនេះ ក្រុមហ៊ុនថ្មី Tely Labs បានបញ្ចេញផលិតផលកាមេរ៉ា TelyHD ដែលដំណើរការដោយប្រព័ន្ធ Android។ ក្នុងតម្លៃ $249 កាមេរ៉ា HD នេះ មានបំពាក់សមត្ថភាពសន្ទនាលើ Skype ព្រមជាមួយសមត្ថភាពបន្ថែមមួយចំនួនទៀត ដូចជាជម្រើសចែករំលែករូបថត ដែលអាចឱ្យអ្នកបង្ហាញរូបថត ចេញពីទូរទស្សន៍ទៅកាន់ទូរសព្ទ iPhone ដោយប្រើប្រាស់ AirPlay៕

ប្រភព: cnet ផ្នែក: បច្ចេកវិទ្យា, ទូរទស្សន៍

អត្ថបទអ្នកចង់អាន

ព័ត៌មានបែកធ្លាយ Chromebooks ថ្មីរបស់ ASUS សម្រាប់សិស្សនិស្សិតមានច្រើន ម៉ូដែល

ដោយ: ភារុន 9 AM, Friday, 25 Jan, 2019

ជីវភាពនៅក្នុងសាលារៀន អាចជាជីវិតដែលមានភាពប្រកួតប្រជែងដ៏ស្វិតស្វាញ និងមិនគ្រាន់តែសំដៅតែនៅលើមនុស្សប៉ុណ្ណោះទេ។ គឺអាស្រ័យទៅលើសម្ភារប្រើប្រាស់សម្រាប់ជំនួ...

Laptop HP Envy ថ្មី មានចំណុចពិសេសអ្វីខ្លះ?

ដោយ: ដួងច័ន្ទ 9 AM, Saturday, 23 Mar, 2019

ក្រុមហ៊ុន HP បានបញ្ចេញផលិតផលកុំព្យូទ័រយួរដៃស្រឡាយ Envy ថ្មី ជាមួយនឹងកម្លាំងថាមពលថ្មកាន់តែខ្លាំង មានបំពាក់ជាមួយប្រព័ន្ធប្រតិបត្តិការ Intel និងមានជម្...

Chrome 70 អាចដំណើរការមុខងារ Picture-in-Picture

ដោយ: ដួងច័ន្ទ 11 AM, Monday, 03 Dec, 2018

Chrome 70 គឺជា Version ចុងក្រោយបង្អស់របស់ Google Browser ដែលអាចដំណើរការមុខងារ Picture-in-Picture ដែលនឹងអនុញ្ញាតឱ្យអ្នករក្សាទុកវីដេអូនៅក្នុង Window ...

ស្វែងយល់ស៊ីជម្រៅពី Monitor QHD ថ្មីរបស់ Samsung

ដោយ: ដួងច័ន្ទ 8 AM, Tuesday, 08 Jan, 2019

ព្រឹត្តិការណ៍ CES ប្រចាំឆ្នាំ 2019 នឹងមកដល់ក្នុងពេលប៉ុន្មានថ្ងៃខាងមុខនេះ ប៉ុន្តែក្រុមហ៊ុន Samsung បាននឹងកំពុងធ្វើការចាប់ផ្តើមបើកទំព័របច្ចេកវិទ្យាមុ...

Tomnerb.Com - YouTube Channel