ចូលចិត្តទំនើប

ទូរទស្សន៍ 8K OLED របស់ LG ចេញលក់ហើយ

ដោយ: ដួងច័ន្ទ 8 AM, Thursday, 13 Jun, 2019

សូមនិយាយពាក្យថាសុំទោសទៅកាន់ម្ចាស់ទូរទស្សន៍ 4K ទាំងឡាយ ដោយសារតែការផ្តល់បទពិសោធន៍នៃការកំសាន្តទៅកាន់មិត្តភក្តិរបស់អ្នកជិតដល់ទីបញ្ចប់ហើយ ព្រោះអ្វី? ព្រោះទូរទស្សន៍ 8K បានមកដល់ក្នុងទីផ្សារជាផ្លូវការហើយ។

នាពេលនេះ ក្រុមហ៊ុន LG បាននឹងកំពុងទទួលយកការកុម៉ង់ Pre-Order សម្រាប់ផលិតផលទូរទស្សន៍ 8K OLED របស់ក្រុមហ៊ុន ហើយក៏ជាផលិតផលដំបូងបង្អស់នៅក្នុងពិភពលោកផងដែរ ។ ផលិតផលទូរទស្សន៍ជំនាន់ថ្មីនេះ ផ្តល់ជូននូវកម្រិត Resolution កំពូល និងមានអត្រាតម្លៃកំពូលជាគូនឹងគ្នា។
ទូរទស្សន៍ម៉ូដែល 88Z9 ថ្មីនេះ មានបំពាក់ផ្ទាំងអេក្រង់ OLED ជាមួយនឹង Resolution កម្រិត 8K Ultra HD ក្នុងទំហំ 88 inch។ នេះជាកម្រិត Pixel ចំនួន 16 ដង ធំជាងកម្រិតដែលមាននៅក្នុង Full HD និងចំនួន 4 ដងធំជាង 4K។

ទូរទស្សន៍នេះក៏មានបំបាក់ជាមួយនឹងប្រព័ន្ធប្រតិបត្តិការ Alpha 9 8K Intelligent ជំនាន់ទី 2 របស់ LG ផងដែរ ដែលប្រើប្រាស់បច្ចេកវិទ្យាសិក្សាស៊ីជម្រៅ ដើម្បីជំរុញគុណភាពសម្លេង និងរូបភាព និងធ្វើការវិភាគស្ថានភាព Ambient សម្រាប់ផ្តល់ជូននូវអេក្រង់មានពន្លឺដ៏សមស្រប។ យោងតាមក្រុមហ៊ុន LG បានឱ្យដឹងថា ទូរទស្សន៍ជំនាន់ថ្មីស្រឡាងមួយនេះក៏នឹងបំពាក់ជាមួយនឹងមុខងារបញ្ជារដោយសម្លេង ទាំង Google Assistant និង Amazon Alexa នៅក្នុងទីផ្សារតាមតំបន់មួយចំនួន ប៉ុន្តែក្រុមហ៊ុនមិនបានបញ្ជាក់ថា តើទីផ្សារណាមួយនឹងប្រើប្រាស់មុខងារណាទេ។

ចុះតម្លៃរបស់វាប៉ុណ្ណាដែរ? ទូរទស្សន៍ម៉ូដែល 88Z9 មានតម្លៃ $34,000 សម្រាប់ការ Pre-Order។ បន្ទាប់ពីនោះ វានឹងចេញលក់រាយក្នុងតម្លៃ $42,000 ដែលជាតម្លៃដ៏ខ្ពស់កប់ពពក។

បើសិនជាអ្នកមិនមានធនធាន ដែលអាចឈោងចាប់យកទូរទស្សន៍មានតម្លៃថ្លៃដូចពេជ្រនេះទេ ហើយអ្នកនៅតែអន្ទះសារចង់បានទូរទស្សន៍ដែលមានបច្ចេកវិទ្យាកំពូលដូចនេះ អ្នកនៅមានជម្រើសផ្សេងទៀត មានដូចជា ទូរទស្សន៍ Non-OLED 8K ទំហំ 85 inch របស់ក្រុមហ៊ុន Samsung មានតម្លៃ $15,000 ដែលបានបង្ហាញខ្លួននៅក្នុងព្រឹត្តិការណ៍ CES នៅក្នុងឆ្នាំនេះ។ សូមបញ្ជាក់ថា វាមិនមែនជាទូរទស្សន៍ OLED ទេ ប៉ុន្តែវានៅតែមានទំហំធំសម្បើម ដែលអាចនឹងក្លាយជាគន្លឹះនៅក្នុងការលក់ដែលទាក់ទាញដល់ចិត្តរបស់អ្នក បើសិនជាអ្នកជាអ្នកប្រើប្រាស់ដែលចូលចិត្តទូរទស្សន៍មានទំហំយក្ស៕

ប្រភព: engadget ផ្នែក: បច្ចេកវិទ្យា, ទូរទស្សន៍

អត្ថបទអ្នកចង់អាន

មានអ្វីពិសេស នៅលើទូរសព្ទ LG ថ្មី?

ដោយ: ដួងច័ន្ទ 11 PM, Wednesday, 28 Feb, 2018

ថ្វីត្បិតផលិតផលទូរសព្ទ LG ពុំសូវទទួលបានប្រជាប្រិយភាពខ្លាំងក្លា នៅក្នុងទីផ្សារប្រកួតប្រជែង Smartphone ក្តី ក៏មិនមានន័យថា ក្រុមហ៊ុនមិនមានអ្វីពិសេស សម...

ជម្រើស SSD ល្អបំផុត

ដោយ: ដួងច័ន្ទ 7 PM, Thursday, 15 Mar, 2018

យោងតាមការសិក្សាស្រាវជ្រាវ និងការធ្វើតេស្តលើឧបករណ៍ Solid-State Drives (SSD) ចំនួន 28 គ្រឿងរួចមក យើងទទួលបានលទ្ធផលចេញជាឧបករណ៍ SSD ល្អបំផុត នោះគឺ Samsu...

មកដឹង គន្លឹះទាំង 7 ដើម្បីជួយបង្កើនល្បឿននៅក្នុងស្មាតហ្វូនស៊េរីចាស់

ដោយ: ភារុន 8 AM, Monday, 28 Jan, 2019

ប្រសិនបើអ្នករកឃើញថាស្មាតហ្វូនរបស់អ្នកដំណើរការជាមួយនឹង Layer Software, App, និង File ឯកសារ មានការយឺតយ៉ាវជាងមុន ដោយសារតែអ្នកបានប្រើប្រាស់ទូរស័ព្ទនេះអ...

ហេតុអ្វីត្រូវប្រើប្រាស់សោរ Smart Lock?

ដោយ: ដួងច័ន្ទ 9 AM, Wednesday, 08 Aug, 2018

សោរ Smart Lock គឺជាឧបករណ៍ប្រើប្រាស់មួយក្នុងចំណោមឧបករណ៍ប្រើប្រាស់ Smart Home នាពេលបច្ចុប្បន្ន។ វាជាឧបករណ៍ប្រើប្រាស់ ដែលរួមបញ្ចូលនូវការរចនារូបរាងដ៏ទា...

Tomnerb.Com - YouTube Channel