ចូលចិត្តទំនើប

LG មានដៃគូសហការថ្មី ដើម្បីអភិវឌ្ឍបច្ចេកវិទ្យា

ដោយ: ដួងច័ន្ទ 8 AM, Tuesday, 02 Jul, 2019

ក្រុមហ៊ុន LG និង Qt Company បានប្រកាសអំពីការពង្រីកភាពដៃគូ ដើម្បីនាំយកប្រព័ន្ធប្រតិបត្តិការ webOS ទៅកាន់សេវាកម្មកាន់តែច្រើនទៀត រួមមាន រថយន្ត មនុស្សយន្ត និងផលិតផល Smart Home ដទៃទៀត។ ក្រុមហ៊ុន LG បានរៀបរាប់ថា ភាពជាដៃគូនេះនឹងធ្វើឱ្យក្រុមហ៊ុនកាន់តែមានប្រសិទ្ធភាពក្នុងការនាំយក webOS ទៅកាន់ឧបករណ៍ថ្មីៗជាច្រើនទៀត។

LG និង Qt Company បានសហការគ្នានៅក្នុងការបង្កើត webOS ចាប់តាំងពីឆ្នាំ 2014 មកម្ល៉េះ បន្ទាប់ពីក្រុមហ៊ុន LG បានទិញយក ប្រព័ន្ធប្រតិបត្តិការ Palm-Developed ពីក្រុមហ៊ុន HP។ LG បានប្រើប្រាស់ទម្រង់ Software Developer របស់ Qt និងឧបករណ៍ GUI ដើម្បីធ្វើសមតុល្យប្រព័ន្ធ webOS ចេញពីប្រព័ន្ធប្រតិបត្តិការរបស់ទូរសព្ទដៃ ទៅកាន់ប្រព័ន្ធប្រតិបត្តិការមួយ ដែលនាពេលនេះអាចស្វែងរកឃើញនៅក្នុងទូរទស្សន៍ ទូរទឹកកកឆ្លាតវៃ និងនៅក្នុង Smartwatch ផងដែរ។

កាលពីឆ្នាំមុន ប្រព័ន្ធ Open-Sourced webOS ត្រូវបានបញ្ចេញក្នុងគោលបំណងដើម្បីជំរុញការប្រើប្រាស់របស់វា។ ខណៈដែលការបោះជំហានថ្មីចុងក្រោយបង្អស់នេះមិនបានធានាអំពីការកើនឡើងនៃការប្រើប្រាស់ webOS ក្តី ប៉ុន្តែវានឹងធ្វើឱ្យមានភាពងាយស្រួលសម្រាប់ក្រុមហ៊ុនបង្កើតផលិតផលនានា ក្នុងការប្រើប្រាស់ webOS នៅក្នុងបទពិសោធន៍នៃការប្រើប្រាស់ផ្សេងៗគ្នា។

វាប្រហែលជាមិនមែនជារឿងភ្ញាក់ផ្អើលទេ ដែលគូប្រជែងដ៏ខ្លាំងរបស់ LG គឺក្រុមហ៊ុន Samsung ដែលមានមហិច្ឆតាស្រដៀងគ្នា សម្រាប់ការដំណើរការ Open-Source នៃប្រព័ន្ធប្រតិបត្តិការ Tizen ដែលត្រូវបានប្រើប្រាស់រួចទៅហើយនៅក្នុងផលិតផលពាក់ជាប់នឹងខ្លួន កាមេរ៉ា និងទូរទឹកកកឆ្លាតវៃរបស់ Samsung។


កាលពីអតីតកាល Samsung បាននិយាយថាក្រុមហ៊ុនមានបំណងនាំយកប្រព័ន្ធ Tizen ទៅកាន់ផលិតផលសម្ភារៈប្រើប្រាស់ក្នុងគេហដ្ឋាន ដូចជារូប៉ូតបូមធូលី ម៉ាស៊ីនបោកគក់ និងម៉ាស៊ីនត្រជាក់ ហើយក៏មានបំណងចង់នាំយកប្រព័ន្ធប្រតិបត្តិការនេះទៅប្រើប្រាស់នៅក្នុងរថយន្តផងដែរ៕

ប្រភព: theverge ផ្នែក: បច្ចេកវិទ្យា, ទូរទស្សន៍

អត្ថបទអ្នកចង់អាន

Messenger ជា App ដំបូងរបស់ Facebook ដែលមាន Dark Mode

ដោយ: ដួងច័ន្ទ 9 AM, Wednesday, 06 Mar, 2019

ជាច្រើនថ្ងៃបន្ទាប់ពីកម្មវិធី Messenger របស់ Facebook បានបញ្ចេញមុខងារ Dark Mode នៅលើ Reddit បណ្តាញទំនាក់ទំនងសង្គមមួយនេះបានធ្វើការ Update ជាផ្លូវការស...

Logitech MX ជាប្រភេទ Mouse ប្រើប្រាស់ជាមួយកុំព្យូទ័រពហុកម្មវិធី

ដោយ: ដួងច័ន្ទ 8 PM, Monday, 05 Jun, 2017

Mouse កុំព្យូទ័រភាគច្រើនត្រូវបានបង្កើតឡើង ជាមួយនឹងការសន្មត់ថា អ្នកនឹងប្រើប្រាស់វាជាគូនឹងកុំព្យូទ័រមួយគ្រឿង។ ប៉ុន្តែវាមិនមែនជាធាតុពិត សម្រាប់បច្ចេកវ...

បច្ចេកវិទ្យា Bluetooth ថ្មីអាចនឹងមាននៅលើ iPhone នាពេលអនាគត

ដោយ: ដួងច័ន្ទ 9 AM, Monday, 03 Jun, 2019

មិនថានៅក្នុងន័យវិជ្ជមាន ឬអវិជ្ជមាន បច្ចេកវិទ្យា Wireless Audio បន្តិចម្តងៗបានក្លាយជាបច្ចេកវិទ្យាទូទៅមួយសម្រាប់ប្រើប្រាស់នៅលើទូរសព្ទចល័ត និង Tablet។...

Facebook បន្ថែមរូប Emoji នៅក្នុង Comments ដូច្នេះអ្នកមិនចាំបាច់ វាយលើក្តារចុចទៀតទេ

ដោយ: ដួងច័ន្ទ 8 PM, Thursday, 14 Sep, 2017

រំពឹងថាអ្នកនឹងបានឃើញរូបបង្ហាញពីទឹកមុខ ខឹងសម្បារកាន់តែច្រើននៅលើFacebook។ ក្រុមហ៊ុនទំនាក់ទំនងសង្គមដ៏ធំមួយនេះ កំពុងនាំមកជូនអ្នកនូវរូប Emoji បង្ហាញពីអា...

Tomnerb.Com - YouTube Channel