ចូលចិត្តទំនើប

LG នាំយក Alexa ទៅកាន់ទូរទស្សន៍ជំនាន់ថ្មី

ដោយ: ដួងច័ន្ទ 9 AM, Tuesday, 04 Jun, 2019

នៅក្នុងព្រឹត្តិការណ៍ CES ក្រុមហ៊ុន LG បានប្រកាសថា ផលិតផលទូរទស្សន៍ ThinQ AI ស៊េរីឆ្នាំ 2019 របស់ក្រុមហ៊ុននឹងគាំទ្រដល់មុខងារ Amazon Alexa ហើយនាពេលនេះ មុខងារបញ្ជារដោយសម្លេងនេះបានមកដល់ហើយ នៅក្នុងទីផ្សារក្នុង 14 ប្រទេស។
ជាមួយការផ្តល់ជូនថ្មីនេះ អ្នកនឹងមានលទ្ធភាពប្រើប្រាស់មុខងារបញ្ជារដោយសម្លេងនៅគ្រប់ទូរទស្សន៍ម៉ូដែល ThinQ AI 4K រួមមានម៉ូដែល NanoCell និងម៉ូដែល OLED។ បើសិនជាអ្នកជាម្ចាស់របស់ទូរទស្សន៍ម៉ូដែលណាមួយខាងលើនេះ អ្នកនឹងអាចចូលទៅកាន់សេវាកម្មជាច្រើន ដូចជា Alexa Skills ការសួរសំណួរ ការបញ្ជារឧបករណ៍ Smart Home និងមុខងារជាច្រើនទៀត ដោយពុំចាំបាច់មានឧបករណ៍ Echo ឬ ឧបករណ៍ Alexa ដទៃទៀត ដូចពីមុនឡើយ។

ដូចគ្នាជាមួយនឹងឧបករណ៍ Alexa ណាមួយក៏បាន អ្នកអាចភ្ជាប់វាជាមួយគ្នា ឱ្យក្លាយជាប្រព័ន្ធនៃការបញ្ជាររួមគ្នា ដោយប្រើប្រាស់ Alexa Routines។ ជាឧទាហរណ៍ អ្នកអាចទទួលបានព័ត៌មានពីចរាចរណ៍ អាកាសធាតុ និងកាលវិភាគប្រចាំថ្ងៃរបស់អ្នក ដោយគ្រាន់តែនិយាយថា Alexa, Start my morning។ អ្នកក៏អាចស្តាប់តន្រ្តី អានសៀវភៅតាមរយៈ Audio Book និង ទស្សនាមាតិកាដទៃទៀត និងទទួលបានការ Update លើប្រព័ន្ធ Alexa និងមុខងារថ្មីៗចុងក្រោយ បានផងដែរ។

ផលិតផលទូរទស្សន៍របស់ LG មានដូចជាម៉ូដែល OLED ស៊េរីឆ្នាំ 2019 និងទូរទស្សន៍ NanoCell មួយចំនួនទៀត នឹងទទួលបានមុខងារ AirPlay 2 និង HomeKit តាមរយៈការ Update នាពេលណាមួយ នៅពាក់កណ្តាលឆ្នាំ 2019 នេះ។ កត្តានេះនឹងអនុញ្ញាតឱ្យអ្នកប្រើប្រាស់មុខងារ Siri ដើម្បីបញ្ជារឧបករណ៍ HomeKit និងទស្សនាវីដេអូ និងរូបថត ដោយប្រើប្រាស់កម្មវិធី Apple TV App។
យើងសូមរំលឹកផងដែរថា ផលិតផលស្រឡាយ ThinQ AI របស់ក្រុមហ៊ុន LG ដែលដំណើរការបច្ចេកវិទ្យា Gamut ចេញពីទូរទស្សន៍ម៉ូដែល 8K OLED នឹងទាមទារការចំណាយច្រើនគួរសម រាប់ចាប់ពីម៉ូដែល OLEDW9 Wallpaper ដែលមានតម្លៃដ៏ខ្ពស់កប់ពពករហូតដល់ $7,000 ចុះមកទូរទស្សន៍ម៉ូដែល NanoCell LCD និងម៉ូដែល Non-NanoCell LCD ដែលមានតម្លៃទាប។

អតិថិជនរស់នៅក្នុងតំបន់អាមេរិកខាងជើងនឹងទទួលបានការ Update ថ្មីនេះនៅក្នុងខែនេះ បន្ទាប់មកអតិថិជនរស់នៅក្នុងតំបន់អឺរ៉ុបក៏នឹងទទួលបានដូចគ្នា នៅក្នុងសប្តាហ៍បន្តបន្ទាប់៕

ប្រភព: engadget ផ្នែក: បច្ចេកវិទ្យា, ទូរទស្សន៍

អត្ថបទអ្នកចង់អាន

ទូរទស្សន៍ 8K របស់ Samsung ថ្លៃកប់ពពក

ដោយ: ដួងច័ន្ទ 10 AM, Tuesday, 23 Oct, 2018

ទូរទស្សន៍ទំហំយក្ស ប្រភេទ 8K QLED របស់ Samsung ជិតដល់ពេលវេលាចេញលក់យ៉ាងពិតប្រាកដហើយនៅសហរដ្ឋអាមេរិក ហើយអ្នកប្រហែលជាអ្នកខ្ចីបុលគេ បើសិនជាអ្នកចង់ទិញវាយក...

តំហែទាំកាសស្តាប់

ដោយ: ដួងច័ន្ទ 11 AM, Monday, 03 Dec, 2018

នៅពេលប្រើប្រាស់កាសស្តាប់ កោសិកាស្បែក ញើស ខ្លាញ់ និងផលិតផលប្រើប្រាស់នៅលើផ្ទៃមុខប៉ះពាល់ជាមួយនឹងកាសស្តាប់ ធ្វើឱ្យវាចាប់យកធូលី និងធាតុកង្វក់នៅគ្រប់ពេលអ...

Forza Horizon 2 នឹងចាកចេញពី Xbox

ដោយ: ដួងច័ន្ទ 9 AM, Tuesday, 21 Aug, 2018

យើងសង្ឃឹមថាអ្នកមិននឹងមិនគិតថាស្វែងរកទិញហ្គេម Forza Horizon 2 ក្នុងតម្លៃទាបទៀតឡើយ ព្រោះពេលនេះហ្គេម Horizon 4 ក៏ជិតចេញលក់ហើយដែរ។ ក្រុមហ៊ុន Turn 10 ...

ក្រុមហ៊ុន Lenovo បង្ហាញពីក្តីអាឡោះអាល័យ ដោយសន្យាថានឹងនាំយក Motorola ត្រឡប់មកវិញ

ដោយ: ដួងច័ន្ទ 10 PM, Tuesday, 14 Mar, 2017

បន្ទាប់ពីបរាជ័យនៅក្នុងមុខជំនួញ ដែលបង្កឡើងដោយម្ចាស់ភាគហ៊ុន សញ្ជាតិចិននៅក្នុងឆ្នាំ ២០១៦ ក្រុមហ៊ុន Lenovo នឹងនាំយកម៉ាកសញ្ញា Motorola ត្រឡប់មកវិញ។ យោងត...

Tomnerb.Com - YouTube Channel