ចូលចិត្តទំនើប

អេក្រង់ QHD ទំហំ 32 inch ពី LG តម្លៃដ៏សមរម្យ

ដោយ: ដួងច័ន្ទ 9 AM, Wednesday, 02 Jan, 2019

ក្រុមហ៊ុន LG កំពុងឈានមុខគេចំពោះផលិតផលអេក្រង់សម្រាប់ការលេងហ្គេមមានទំហំធំ និងមានតម្លៃទាប ដែលកាលពីពេលថ្មីៗនេះក្រុមហ៊ុនបានបញ្ចេញអេក្រង់ម៉ូដែល 4K ទំហំ 32 inch មានតម្លៃទាបជាង $500។

បើសិនជាអ្នកមានបំណងចង់បានអេក្រង់ប្រភេទ QHD Resolution អ្នកអាចទទួលបានជម្រើសកាន់តែប្រសើរជាមួយម៉ូដែលមួយផ្សេងទៀត ដែលមានទំហំ 32 inch ដូចគ្នា នោះគឺម៉ូដែល 32QK500-W។

អេក្រង់នេះមានបំពាក់ជាមួយបច្ចេកវិទ្យា FreeSync របស់ AMD ជាមួយអត្រា Refresh Rate កម្រិត 75 Hz និងមានថេរវេលាឆ្លើយតប (Response Time) 8 មីលីវិនាទី ធ្វើឱ្យអេក្រង់មួយនេះជាអេក្រង់សក្តិសមបំផុតសម្រាប់ការលេងហ្គេមដ៏រីករាយ។

លើសពីនេះទៀត ផ្ទាំង 8-Bit + FRC IPS Panel ផ្តល់ឱ្យអ្នកប្រើប្រាស់នូវមុំសម្រាប់ការទស្សនាកាន់តែល្អប្រសើរ និងមានចំនួនពណ៌រហូតដល់ 1.07 ពាន់លានពណ៌ ដូច្នេះវានឹងបំពេញមុខងារចាក់វីដេអូបានកាន់តែល្អផងដែរ។

លក្ខណៈពិសេសទាំងអស់នេះរួមគ្នានៅក្នុងផលិតផលអេក្រង់ថ្មីនេះ ក្នុងតម្លៃប្រមាណ $300 ប៉ុណ្ណោះ ដែលធ្វើឱ្យអេក្រង់ថ្មីពីក្រុមហ៊ុន LG មួយនេះក្លាយជាអេក្រង់ទំហំ 32 inch មានតម្លៃដ៏ទាបមួយ នៅក្នុងទីផ្សានាពេលបច្ចុប្បន្ន។

កម្រិត Resolution ត្រូវបានរឹតត្បិតត្រឹម 2,560 x 1,440 Resolution ប៉ុន្តែជាការផ្លាស់ប្តូរអ្នកនឹងទទួលបាន Frame Rates សម្រាប់ការលេងហ្គេមកាន់តែខ្ពស់ ជាងអ្វីដែលអ្នកទទួលបានពីអេក្រង់ 4K នេះអាស្រ័យលើ Graphic Card របស់អ្នក។

បច្ចេកវិទ្យា AMD FreeSync ត្រូវបានដំណើរការជាមួយរន្ធដោត HDMI មួយប៉ុណ្ណោះ ប៉ុន្តែអេក្រង់នេះ មានបំពាក់ជាមួយរន្ធដោត DisplayPort, Mini DisplayPort និងរន្ធដោត HDMI ចំនួន 2 ព្រមជាមួយរន្ធភ្ជាប់កាសស្តាប់ទំហំ 3.5mm ផងដែរ។

អេក្រង់នេះមានបំពាក់ជាមួយនឹងជើងទម្រប្រភេទ Edge-ArcLine រចនាម៉ូដយ៉ាងពិសេសពី LG ដែលគាំទ្រដល់ដំណើរការកែតម្រូវភាពលំអៀងរបស់អេក្រង់តែមួយមុខប៉ុណ្ណោះ ប៉ុន្តែអ្នកក៏អាចភ្ជាប់អេក្រង់ព្យួរលើជញ្ជាំងបានផងដែរ។

ផលិតផលអេក្រង់សម្រាប់លេងហ្គេមថ្មីនេះ មិនទាន់បង្ហាញវត្តមាននៅសហរដ្ឋអាមេរិកនៅឡើយ ទេ ដោយក្រុមហ៊ុន LG គ្រាន់តែបញ្ជាក់ថា វានឹងទៅដល់នាពេលឆាប់ៗខាងមុខ ប៉ុន្តែវាមានបង្ហាញវត្តមាននៅក្នុងប្រទេសជប៉ុនក្នុងតម្លៃ 34,800 យ៉េន ដែលនេះមានន័យថាវាអាចនឹងមានតម្លៃប្រមាណ $300 នៅពេលវាចេញលក់ក្នុងទីផ្សារនៅសហរដ្ឋអាមេរិក៕

ប្រភព: engadget ផ្នែក: បច្ចេកវិទ្យា, កុំព្យូទ័រ

អត្ថបទអ្នកចង់អាន

Samsung អាចនឹងផលិតទូរសព្ទ Galaxy S10 ចំនួន 3

ដោយ: ដួងច័ន្ទ 9 AM, Thursday, 26 Jul, 2018

ក្រុមហ៊ុន Samsung អាចនឹងផលិតទូរសព្ទ Galaxy S10 សម្រាប់អ្នកប្រើប្រាស់គ្រប់ៗរូប។ ក្រុមហ៊ុនបច្ចេកវិទ្យាកូរ៉េដ៏ធំមួយនេះអាចនឹងបញ្ចេញ ទូរសព្ទ 3 ម៉ូដែលខុស...

ណែនាំឧបករណ៍សាកថ្ម Rabbit Charger

ដោយ: ដួងច័ន្ទ 8 AM, Tuesday, 24 Jul, 2018

ជឿជាក់ថា អ្នកណាក៏រីករាយនឹងការទទួលបានឧបករណ៍សាកថ្មបន្ថែមនៅក្នុងគេហដ្ឋានឬកន្លែងស្នាក់នៅដែរ។ ប៉ុន្តែបើសិនជាអ្នករស់នៅក្នុងផ្ទះ ឬបន្ទប់ជួល អ្នកពិតជាមិនហ៊...

កាមេរ៉ា Canon កំពូលប្រចាំឆ្នាំ 2017

ដោយ: ដួងច័ន្ទ 8 PM, Monday, 25 Sep, 2017

Canon គឺជាម៉ាកសញ្ញាកាមេរ៉ាដ៏ធំមួយ នៅក្នុងឧស្សាហកម្មផលិតផលកាមេរ៉ា មានចាប់ពីកាមេរ៉ាម៉ូដែលថ្មី និងកាមេរ៉ាសម្រាប់អ្នកថតរូបអាជីព។ ជាមួយនឹងផលិតផលកាមេរ៉ាជ...

កាស ស្តាប់ត្រចៀកទាំង 10 លក់ដាច់ជាងគេលើពិភពលោក

ដោយ: ដួងច័ន្ទ 9 PM, Wednesday, 26 Apr, 2017

តន្រ្តី ជាមិត្តដ៏ល្អបំផុតរបស់មនុស្សទូទៅ។ វាបានរួមចំណែក នៅក្នុងសកម្មភាពជាច្រើនរបស់មនុស្ស ហើយបច្ចុប្បន្ននេះ តន្រ្តីអាចរក្សាទុកនៅក្នុងទូរសព្ទដៃ ឬឧបករណ...

Tomnerb.Com - YouTube Channel