ចូលចិត្តទំនើប

LG បង្កើតរោងចក្រ នៅអាមេរិក

ដោយ: ស. លីង 4 PM, Saturday, 18 Mar, 2017

នៅខែមីនា ឆ្នាំ២០១៧ ក្រុមហ៊ុន LG បានប្រកាសថា ខ្លួននឹងសាងសង់រោងចក្រ ផលិតម៉ាស៊ីនបោកគក់ នៅក្នុងរដ្ឋ Tennessee ក្រុង Clarksville សហរដ្ឋអាមេរិក។

លោក Dan Song ប្រធានក្រុមហ៊ុន LG Home Appliance & Air Solutions បានមានប្រសាសន៍ថា LG មានមោទនភាពខ្លាំងណាស់ ក្នុងការបណ្តាក់ទុនជាមួយនឹងសហរដ្ឋអាមេរិក។ ការបណ្តាក់ទុនលើកនេះ បាននាំយកការងារ និងសម្ភារបច្ចកវិទ្យា សម្រាប់ប្រើប្រាស់ក្នុងផ្ទះដល់រដ្ឋ Tennessee។ ក្រុមហ៊ុន LG បានសិក្សាទៅលើរដ្ឋជាច្រើន ក្នុងសហរដ្ឋអាមេរិក អស់រយៈពេល ៦ឆ្នាំ ទើបសម្រេចជ្រើសរើសរដ្ឋ Tennessee ដើមី្បបណ្តាក់ទុនបង្កើតរោងចក្រផលិតម៉ាស៊ីនបោកគក់ និងសម្ភារប្រើប្រាស់ក្នុងផ្ទះផ្សេងៗទៀត។ នេះជាការបណ្តាក់ទុនរយៈពេលវែង។ ការជ្រើសរើសសាងសាង់នៅក្នុងរដ្ឋ Tennessee ដោយសារតែទីនេះ មានបរិយាកាសជំនួញមានលក្ខណៈល្អប្រសើរ កម្លាំងពលករមានគុណភាព និងជាទីតាំងកណ្តាលដ៏ល្អ សម្រាប់ការចែកចាយទៅទូទាំងប្រទេស។

លោកអភិបាលរដ្ឋ Tennessee និងចៅហ្វាយក្រុង Clarksville សុទ្ធតែបង្ហាញនូវក្តីត្រេកអរ និងគាំទ្រចំពោះការបណ្តាក់ទុនមួយនេះ ព្រោះក្រៅពីបង្ហាញពីមិត្តភាពក្នុងពាណិជ្ជកម្ម គឺនៅបានបង្កើតការងារ ៦០០ ដល់ប្រជាជន Clarksville ទៀតផង។

ក្នុងការសាងសង់រោងចក្រនេះ ក្រុមហ៊ុន LG បានធ្វើកិច្ចព្រមព្រៀងជាមួយនិងអាជ្ញាធររដ្ឋ Tennessee ដោយ LG ទទួលបានការឧបត្ថម្ភលើសំណង់ ហេដ្ឋារចនាសម្ព័ន្ធ ការបង្វឹកពលករ និងការជ្រើសរើសអ្នកជំនាញ។

រោងចក្រ LG នឹងចាប់ផ្តើមផលិតម៉ាស៊ីនបោកគក់នៅក្នុងឆ្នាំ ២០១៩ ដែលគម្រោងនេះគ្រោងថវិកាប្រមាណ ៣០០ លានដុល្លារសហរដ្ឋ។ LG សង្ឃឹមថា គម្រោងនេះនឹងទទួលបានជោគជ័យ បន្ទាប់ពីគម្រោងចាស់នៃការសាងសង់ទីស្នាក់ការកណ្តាល LG អាមេរិកខាងជើងនៅ Englewood Cliffs រដ្ឋ New Jersey បានបរាជ័យកាលពីខែមុន៕

LG-Factory-in-USA-02

អត្ថបទអ្នកចង់អាន

ក្រុមហ៊ុន LG និង G Gear បានរៀបចំ សិក្ខាសាលាស្តីអំពី «បច្ចេកទេសក្នុងការដំឡើង ម៉ាស៊ីន LG»

ដោយ: ទំនើប 2 PM, Friday, 15 Feb, 2019

នាថ្ងៃទី 12 ខែកុម្ភៈ ឆ្នាំ 2019 កន្លងទៅនេះ ក្រុមហ៊ុន LG និង ក្រុមហ៊ុន G Gear បានរៀបចំសិក្ខាសាលាមួយ ស្តីអំពី «បច្ចេកទេសក្នុងការដំឡើង ម៉ាស៊ីន LG» ។ ន...

កាសត្រចៀក Bluetooth ថ្មីរបស់ Anker មានតម្លៃក្រោម 30$ ថ្ងៃនេះ

ដោយ: ភារុន 9 AM, Thursday, 08 Nov, 2018

ថ្វីត្បិតក្រុមហ៊ុន Anker  គឺជាក្រុមហ៊ុនផលិត Soundcore Audio   ដែលហាក់បីដូចជានៅថ្មីថ្មោង ប៉ុន្តែក្រុមហ៊ុននេះក៏បាន​ផលិតកាសត្រចៀក និង Speaker អស់រយះពេ...

Louis Vuitton ផលិតនាឡិកា Smartwatch

ដោយ: ដួងច័ន្ទ 6 PM, Wednesday, 10 Jan, 2018

និយមន័យ Smartwatch ត្រូវបានកំណត់ដោយកត្តាពីរ គឺមុខងារសម្រាប់ពង្រឹងកាយសម្បទា និងមួយផ្នែកទៀត គឺការបង្ហាញពីភាពឡូយឆាយ។ថ្មីៗនេះ ម៉ាកសញ្ញាផលិតផលលំដាប់ខ្ពស...

ជប៉ុនបង្ហាញខ្លួន STARBUCKS TOUCH ស្រោម iPhone អាចទិញកាហ្វេបាន!

ដោយ: ដាលីស 10 AM, Saturday, 30 May, 2015

ព័ត៌មាននេះអាចនឹងធ្វើឱ្យ អ្នកតាមដានតិចណូឡូជី និងអ្នកដែលចូលចិត្តញ៉ាំកាហ្វេ ត្រូវស្រក់ទឹកមាត់ និងនឹក​ច្រណែន​ជនជាតិជប៉ុនទៀតហើយ ព្រោះថ្មីៗនេះ STARBUCKS ...

Tomnerb.Com - YouTube Channel