ចូលចិត្តទំនើប

តោះ! មកស្គាល់ Laptop ទម្ងន់ស្រាលបំផុតរបស់ LG

ដោយ: ដួងច័ន្ទ 11 AM, Monday, 03 Dec, 2018

ផលិតផល Gram របស់ក្រុមហ៊ុន LG គឺជា Laptop មួយគ្រឿង ស្ថិតនៅក្នុងចំណោម Window Laptop មានទម្ងន់ស្រាលបំផុត និងស្តើងបំផុត។ នាពេលនេះ វាកំពុងធ្វើការប្រកួតប្រជែងជាមួយ MacBook Air ថ្មី និងគូប្រជែងដទៃទៀតនៅលើទីផ្សា ក្នុងនាមជា Laptop មានទម្ងន់ស្រាលដូចស្លាបសត្វ ហើយកាន់តែពិសេសគឺវាមានទំហំរហូតដល់ 17 inch។
ថ្ងែនេះ LG បានបង្ហាញនូវម៉ូដែល Gram Laptop ចំនួន 3 ជម្រើស គឺ ទំហំ 13.3 inch, 14 inch និងទំហំ 15.6 inch ប៉ុន្តែឯកសារដែលយើងទទួលបានពី FCC អាចជាតំរុយមួយបង្ហាញប្រាប់យើងថាយុទ្ធសាស្រ្តផលិតផល Laptop របស់ LG គឺ Laptop ទំហំ 17 inch ដែលផ្តល់នូវអេក្រង់មានទំហំធំជាង MacBook របស់ Apple។

ឯកសារដែលយើងទទួលបាន បង្ហាញថាយើងនឹងបានឃើញ Laptop ទំហំ 17 inch ពីក្រុមហ៊ុន LG មិនទាន់ប្រាកដប្រជា ដោយវាគ្រាន់តែជាឯកសារវិញ្ញាបនបត្ររបស់សហរដ្ឋអាមេរិកា សម្រាប់កុំព្យូទ័រ ជាមួយនឹងលេខម៉ូដែល 17Z990, 17ZD990, 17ZB990, 17ZG990 និង LG17Z99។ ប៉ុន្តែដោយសារ LG តែងតែងភ្ជាប់លេខម៉ូដែលនៅលើផលិតផលរបស់ខ្លួន ដូចជានៅលើ Laptop ទំហំ 13 inch ក៏មានភ្ជាប់តួលេខ 13 ដែរ។ ដូច្នេះវាពិតជាអាចឱ្យយើងសន្មត់ថាផលិតផលបន្ទាប់របស់ LG គឺ Laptop ទំហំ 17 inch។
យើងប្រហែលជាមិនចាំបាច់ពន្យល់អំពីអត្ថប្រយោជន៍សំខាន់នៃការកាន់ Laptop ដែលមានទំហំអេក្រង់ដ៏ធំ ហើយមិនបាច់បារម្ភពីទម្ងន់របស់វានោះទេ។ ប៉ុន្តែយោងតាមឯកសាររបស់ FCC អ្វីដែលយើងនឹងមិនឃើញគឺរន្ធដោតច្រើន។

អ្នកនឹងទទួលបានរន្ធដោតមួយឈុត ដែលមានរន្ធដោត Full-Size USB ចំនួន 3 រន្ធដោត HMDI ចំនួន 1 រន្ធដោត microSD ចំនួន 1 រន្ធដោត USB-C ចំនួន 1 និងរន្ធដោតកាសត្រចៀកចំនួន 1 ដូចគ្នានឹងម៉ូដែលទំហំ 15 inch។

យើងពិតជាសង្ឃឹមថាក្រុមហ៊ុន LG នឹងផលិត Laptop ដូចដែលបានរៀបរាប់ខាងលើ ដោយប្រើប្រាស់ប្រវែងទទឹងកាន់តែធំ ដើម្បីសមស្របនឹងទំហំថ្មដ៏ធំដែរ ព្រោះថាមពលថ្ម គឺជាចំណុចខ្លាំងមួយទៀតរបស់ Gram៕

ប្រភព: theverge ផ្នែក: បច្ចេកវិទ្យា, កុំព្យូទ័រ

អត្ថបទអ្នកចង់អាន

តើអ្នកគួរលាងសម្អាតសម្ភារៈទាំងនេះ ញឹកញាប់ប៉ុណ្ណា?

ដោយ: ដួងច័ន្ទ 8 AM, Monday, 29 Oct, 2018

តើអ្នកមានធ្លាប់ឆ្ងល់ទេថា តើអ្នកគួរលាងសម្អាតសម្ភារៈប្រើប្រាស់ក្នុងគេហដ្ឋានញឹកញាប់ប៉ុណ្ណា? តើគួររងចាំរហូតដល់វាលែងដំណើរការ ឬមានក្លិនអាក្រក់មែនទេ? ចម្ល...

Huawei បំបែកកំណត់ត្រាលក់ទូរសព្ទបាន 200 លានគ្រឿង

ដោយ: ដួងច័ន្ទ 8 AM, Wednesday, 02 Jan, 2019

នៅក្នុងឆ្នាំ 2018 នេះក្រុមហ៊ុន Huawei បានបំបែកកំណត់ត្រារបស់ក្រុមហ៊ុន ក្នុងការលក់ដាច់ទូរសព្ទ Smartphone បានចំនួន 200 លានគ្រឿង ដែលនេះជាការអះអាងរបស់ក្...

Instagram នឹងដំណើរការវីដេអូផ្តេកនៅលើ IGTV

ដោយ: ដួងច័ន្ទ 8 AM, Thursday, 30 May, 2019

កម្មវិធី Instagram នឹងមិនដំណើរការតែវីដេអូបញ្ឈរ (Vertical Video) មួយមុខទៀតទេ។ នៅថ្ងៃនេះ ក្រុមហ៊ុនបានប្រកាសថា សេវាកម្ម Longform Video Offshoot របស់ I...

ម៉ូដែលទូរទស្សន៍ Sony ឆ្នាំ 2018

ដោយ: ដួងច័ន្ទ 10 AM, Friday, 20 Jul, 2018

តើអ្នកជាប្រិយមិត្តរបស់ Sony មែនទេ? ក្នុងឆ្នាំ 2018 នេះ តើអ្នកមានដឹងថាក្រុមហ៊ុន Sony បញ្ចេញលក់ទូរទស្សន៍ម៉ូដែលអ្វីខ្លះ? នៅក្នុងអត្ថបទខាងក្រោម ទំនើប ...

Tomnerb.Com - YouTube Channel