ចូលចិត្តទំនើប

Gaming Laptop ពី Lenovo ថ្មីបំពាក់ CPU ថ្មី

ដោយ: ដួងច័ន្ទ 1 PM, Tuesday, 07 May, 2019

ក្រុមហ៊ុន Lenovo បានប្រកាសអំពីផលិតផល Gaming Laptop ថ្មីចំនួន 2 ម៉ូដែល ខណៈដែលក្រុមហ៊ុនបាន Refresh ម៉ូដែលមួយចំនួននៅក្នុងស្រឡាយផលិតផល Legion។ ម៉ូដែលថ្មីៗទាំងអស់នេះនឹងដំណើរការជាមួយប្រព័ន្ធប្រតិបត្តិការ Intel Core i7 ជំនាន់ទី 9។
ផលិតផល Gaming Laptop ម៉ូដែល IdeaPad L340 គឺជាជម្រើសមានតម្លៃសមរម្យជាងគេក្នុងចំណោមផលិតផលម៉ាស៊ីនហ្គេមចល័តទាំងអស់របស់ Lenovo។ វាមានពន្លឺពណ៌ខៀវ និងមានជម្រើសសម្រាប់ការផ្លាស់ប្តូររវាងមុខងារ Gaming និង Quiet។ ម៉ូដែលថ្មីនេះមានបំពាក់ជាមួយ GPU ប្រភេទ GeForce GTX 1650 ថ្មីរបស់ក្រុមហ៊ុន NVIDIA និងមានបំពាក់មុខងារ Dolby Audio ខណៈដែលអង្គចងចាំ Optane របស់ Intel គឺមានក្នុងនាមជាជម្រើស។ កុំព្យូទ័រហ្គេមយួរដៃម៉ូដែល L340 នេះ នឹងមានចេញលក់នៅចុងខែឧសភានេះ មានតម្លៃចាប់ពី $870 សម្រាប់ម៉ូដែលទំហំ 15 inch និងតម្លៃ $920 សម្រាប់ម៉ូដែលទំហំ 17 inch។

នៅក្នុងនោះ ម៉ូដែល Y7000 ថ្មី ក៏កំពុងស្ថិតលើដំណើរផ្លូវផលិតកម្មផងដែរ។ វាជាប្រព័ន្ធដែលមានពន្លឺភ្លើងពណ៌ក្រហម និងមានអេក្រង់ Full HD ទំហំ 15 inch ជាប្រភេទអេក្រង់ IPS Antiglare ជាមួយនឹង Refresh Rate ឡើងរហូតដល់ 144Hz និងមានកម្រិតពន្លឺ 300 nits។ ម៉ូដែលនេះដំណើរការជាមួយ GPU ប្រភេទ RTX 2060 ឬ GTX 1660 Ti។ ក្រុមហ៊ុន Lenovo នឹងធ្វើការបង្ហាញពីអត្រាតម្លៃ និងកាលបរិច្ឆេទចេញលក់របស់ម៉ូដែល Y7000 ថ្មីនេះនៅពេលខាងមុខ។
ចំណែកម៉ូដែល Y7000p អាលុយមីញ៉ូមថ្មី (ដែលនឹងត្រូវហៅឈ្មោះថា Y545 នៅតាមតំបន់មួយចំនួន) ក៏កំពុងទទួលបានជម្រើស GPU ដូចគ្នាដែរ។ ម៉ាស៊ីនដែលមានទំហំ 15 inch នឹងចេញលក់នៅចុងខែឧសភានេះ ជាមួយតម្លៃចាប់ពី $1,200 ឡើងទៅ។
សម្រាប់ ម៉ូដែល Y540 មិនទាន់បងា្ហញវត្តមាននៅក្នុងទីផ្សារនៅឡើយនោះ ក៏នឹងបងា្ហញវត្តមានជាមួយ GPU ដូចគ្នានេះដែរ។ ចំពោះម៉ូដែលទំហំ 15 inch ដែលមាន GPU 1660 Ti នឹងមានតម្លៃចាប់ពី $1,210។ ចំណែកម៉ូដែលមានទំហំ 17 inch ជាមួយនឹងជម្រើស GPU ដូចគ្នា នឹងចេញលក់នៅចុងខែមិថុនា ក្នុងតម្លៃចាប់ពី $1,270 ឡើងទៅ។

ខណៈពេលជាមួយគ្នានេះ ម៉ូដែល Y740 ទំហំ 15 inch និង 17 inch ជំនាន់ចុងក្រោយបង្អស់ នឹងបំពាក់ជាមួយបច្ចេកវិទ្យាកាន់តែខ្លាំង។ ជម្រើសទាំងពីរម៉ូដែលនេះ នឹងមានបំពាក់ជាមួយ GPU ប្រភេទ RTX 2080 Max-Q ឬ GTX 1660 Ti។ ពួកវានឹងបង្ហាញវត្តមាននៅក្នុងទីផ្សានៅចុងខែក្រោយ ជាមួយនឹងម៉ូដែលទំហំ 15 inch មានតម្លៃចាប់ពី $1,610 ឡើងទៅ ហើយម៉ូដែលទំហំ 17 inch នឹងមានតម្លៃចាប់ពី $1,670 ឡើងទៅ៕

ប្រភព: engadget ផ្នែក: បច្ចេកវិទ្យា, កុំព្យូទ័រ

អត្ថបទអ្នកចង់អាន

វិធីសាស្រ្តបង្រៀនក្មេងៗ ពីសុវត្ថិភាពអីិុនធឺណេត

ដោយ: ដួងច័ន្ទ 10 PM, Saturday, 18 Feb, 2017

ការបង្ហាត់បង្រៀនកូនៗរបស់អ្នក អំពីសុវត្ថិភាពអ៊ីនធឺណេត គឺជាផ្នែកមួយដ៏សំខាន់ ដើម្បីការពារពួកគេនៅពេលប្រើប្រាស់អ៊ីនធឺណេត។ ទោះបីជាអ្នកបានបិទកម្មវិធី ឬកំណ...

រ៉ោតទ័រ Wi-Fi «Beacon 1» របស់ក្រុមហ៊ុន Nokia នឹងមានតម្លៃថោកជាងមុន

ដោយ: ភារុន 9 AM, Thursday, 11 Jul, 2019

«Beacon 1» របស់ក្រុមហ៊ុន Nokia គឺជាប្រព័ន្ធរ៉ោតទ័រ Wi-Fi ស៊េរីថ្មីមួយ នោះមានន័យថា វាជាជម្រើសចំណូលថវិកាសម្រាប់ក្រុមហ៊ុន ក្រោយពី Beacon 3 ដំបូងបង្អស់...

គំនិតច្នៃប្រឌិតដ៏អស្ចារ្យ គួរមាននៅគ្រប់ទីកន្លែង

ដោយ: ដួងច័ន្ទ 5 PM, Saturday, 03 Mar, 2018

ការច្នៃប្រឌិតថ្មីៗ កើតមានជារៀងរាល់ថ្ងៃ ដែលអ្នកអាចស្វែងរកបាន នៅលើគេហទំព័រ Kickstarter និងគ្រប់ទីកន្លែងនៅក្នុងពិភពលោកទាំងមូល។ គំនិតច្នៃប្រឌិតថ្មីៗទាំ...

Android Camera ដ៏តូច សម្រាប់អ្នកចូលចិត្តថតរូប

ដោយ: ដួងច័ន្ទ 4 PM, Sunday, 07 Jan, 2018

តើអ្នកធ្លាប់ស្រមៃចង់បានកាមេរ៉ា ដ៏តូចមួយ ដែលអ្នកអាចពាក់ជាប់ខ្លួនបានគ្រប់ទីកន្លែងដែរ ឬទេ? ពេលនេះក្តីស្រមៃរបស់អ្នក បានក្លាយជាការពិតហើយ ជាមួយនឹងកាមេរ៉ា...

Tomnerb.Com - YouTube Channel