ចូលចិត្តទំនើប

ព័ត៌មានបែកធ្លាយពី Galaxy S10 Plus

ដោយ: ដួងច័ន្ទ 1 PM, Monday, 03 Dec, 2018

ក្រុមហ៊ុន Samsung មានគម្រោងបញ្ចេញលក់ទូរសព្ទ Galaxy S10 ជាក្រុមជាច្រើនគ្រឿង រាប់ចាប់ពីទូរសព្ទកម្រិតទាប ទៅទូរសព្ទកម្រិតស្តង់ដា ប្រើប្រាស់រយៈពេលយូរ រហូតដល់ម៉ូដែលកម្រិតខ្ពស់។ ទូរសព្ទកម្រិតខ្ពស់ជំនាន់ថ្មីពីក្រុមហ៊ុន Samsung ទំនងជាម៉ូដែលកំពូល ដែលនឹងបំពាក់នូវបច្ចេកវិទ្យាអស្ចារ្យមួយចំនួន នៅពេលវាចេញលក់ជាផ្លូវការ។

សេចក្តីរាយការណ៍ពី GF Security នៅក្នុងប្រទេសចិន បានបង្ហាញថាម៉ូដែលទូរសព្ទមួយ ក្នុងចំណោមស៊េរីទូរសព្ទ Galaxy S10 នឹងមានបំពាក់ RAM ទំហំ 12GB និងឃ្លាំងផ្ទុកទិន្នន័យទំហំ 1TB។ ចំណុចនេះអាចឱ្យយើងសន្មត់បានថាទូរសព្ទបំពាក់បច្ចេកវិទ្យាដ៏អស្ចារ្យនេះ អាចនឹងជាទូរសព្ទម៉ូដែលកម្រិតខ្ពស់ មានឈ្មោះថា Galaxy S10 Plus។

ខណៈដែលម៉ូដែល Galaxy S9 និង Note 9 នាពេលបច្ចុប្បន្ន ត្រូវបានផ្សព្វផ្សាយថាមានលទ្ធភាពដំណើរការជាមួយឃ្លាំងផ្ទុកទិន្នន័យទំហំ 1TB ដោយអនុវត្តតាមរយៈការប្រើប្រាស់អង្គចងចាំទំហំ 512GB បន្ថែមនៅក្នុងឃ្លាំងផ្ទុកទិន្នន័យទំហំ 512GB នៅក្នុងទូរសព្ទ។
កំណើនឃ្លាំងផ្ទុកទិន្នន័យ គឺប្រាកដណាស់ថាជាចំណុចទាក់ទាញសម្រាប់ការលក់នៅក្នុងទីផ្សា ប៉ុន្តែវាអាចនឹងផ្តល់នូវអត្ថប្រយោជន៍សម្រាប់អ្នក ដែលនឹងមានតម្រូវការកន្លែងរក្សាទុករូបថត និងវីដេអូកាន់តែធំ ដែលផ្តល់ដោយកាមេរ៉ាមាន Lens ដល់ទៅ 5 គ្រឿង (បីគ្រឿងនៅខាងក្រោយ និងពីរគ្រឿងនៅខាងមុខ)។

ការធ្វើដំណើរលោតផ្លោះរំលង RAM ស្តង់ដាទំហំត្រឹម 8GB នាពេលបច្ចុប្បន្ននៅក្នុងទូរសព្ទ ដែលមានអង្គចងចាំទំហំ 12GB នឹងផ្តល់ឱ្យអ្នកនូវបទពិសោធន៍នៃការប្រើប្រាស់ទូរសព្ទកាន់តែរលូប ទាំងនៅក្នុងបច្ចេកវិទ្យា UI និងការដំណើរការផ្លាស់ប្តូរនានា ហើយព្រមទាំងនៅក្នុង App ខុសៗគ្នា ដោយជួយរក្សា App ទាំងនោះផ្អាកដំណើរការនៅក្នុង Background និងនៅក្នុងកម្រិតប្រើប្រាស់ទូទៅ។

សំណួរដែលចោទឡើងនាពេលនេះគឺ តើទូរសព្ទ Galaxy S10 Plus នឹងចេញលក់ជាមួយលក្ខណៈពិសេសទាំងនេះនៅជុំវិញពិភពលោក ឬគ្រាន់តែមានដាក់លក់នៅតាមតំបន់មួយចំនួននៅក្នុងពិភពលោក ឬអាចប្រើប្រាស់បានតែជាមួយប្រព័ន្ធមួយចំនួនប៉ុណ្ណោះ?
ដោយគ្រួសារទូរសព្ទ S10 ដែលរំពឹងថានឹងចេញលក់នៅដើមឆ្នាំ 2019 នេះហើយ ដូច្នេះយើងប្រហែលជាមិនបាច់រងចាំយូរទេ សម្រាប់ចម្លើយទៅនឹងសំណួរខាងលើ។ យើងនឹងស្វែងយល់លម្អិតកាន់តែច្បាស់នៅពេលវាចេញលក់ជាផ្លូវការ ហើយ ទំនើប នឹងនៅទីនេះរងចាំផ្តល់នូវចម្លើយលម្អិតនានាសម្រាប់អ្នក៕

ប្រភព: forbes ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

លក្ខណៈស្កេន ម្រាមដៃ មិនដំណើរការនៅលើ Galaxy S9 តើគួរដោះស្រាយបែបណា?

ដោយ: ភារុន 9 AM, Saturday, 30 Mar, 2019

ទូរស័ព្ទ Samsung Galaxy S9 និង Galaxy S9 Plus គឺជាទូរស័ព្ទដ៏អស្ចារ្យ ដែលមានលក្ខណៈពិសេសដ៏ល្អឥតខ្ចោះ ទាក់ទងនឹងការកំណត់តម្លៃ និងបទពិសោធន៍ ដែលវាផ្តល់ជូ...

Sony ដាក់ដំណើរការ Fortnite Cross-Play សម្រាប់ PS4

ដោយ: ដួងច័ន្ទ 11 AM, Tuesday, 23 Oct, 2018

នៅទីបំផុតក្រុមហ៊ុន Sony បានដាក់ដំណើរ Cross-Play សម្រាប់ហ្គេម Fortnite នៅថ្ងៃនេះ។ ក្រុមហ៊ុនផលិតម៉ាស៊ីនហ្គេម PlayStation 4 បានបិទមិនអនុញ្ញាតឱ្យដំណើរក...

LG បង្ហាញនូវទូរទស្សន៍សេរ៊ីថ្មីដ៏មហិមា ដែលបំពាក់ទៅដោយបច្ចេកវិទ្យា THINQ® និង α (ALPHA) PROCESSOR

ដោយ: ទំនើប 5 PM, Tuesday, 09 Jan, 2018

ថ្មីៗនេះ ក្រុមហ៊ុន LG Electronics បានបង្ហាញនូវភាពមហិមានៃទូរទស្សន៏ OLED និង SUPER UHD ស៊េរីថ្មីដែលបំពាក់ទៅដោយបច្ចេកវិទ្យា THINQ® និង α (ALPHA) PROCE...

Samsung ផលិតបន្ទះឈីបទំហំ 1TB សម្រាប់ទូរសព្ទដៃ

ដោយ: ដួងច័ន្ទ 8 AM, Monday, 04 Feb, 2019

ក្រុមហ៊ុន Samsung បានប្រកាសថាក្រុមហ៊ុននឹងចាប់ផ្តើមផ្តល់នូវដំណោះស្រាយបច្ចេកវិទ្យា eUFS (Embedded Universal Flash Storage) ទំហំ 1TB ដំបូងបង្អស់នៅក្នុ...

Tomnerb.Com - YouTube Channel