ចូលចិត្តទំនើប

ដំណឹងល្អ! ឥឡូវនេះ Instagram កំពុងប្រើ AI ដើម្បីពិពណ៌នារូបថតសម្រាប់អ្នកប្រើប្រាស់ពិការភ្នែក

ដោយ: ភារុន 9 AM, Monday, 31 Dec, 2018

កាលពីថ្ងៃទី 27 ខែវិចិ្ឆកា កន្លងទៅនេះ ក្រុមហ៊ុន Instagram បានប្រកាសអំពី លក្ខណៈពិសេសថ្មីមួយ ដែលនឹងធ្វើឱ្យអ្នកពិការភ្នែកមានភាពងាយស្រួល ក្នុងការចូលរួមលេងកម្សាន្តនៅក្នុងបណ្តាញទំនាក់ទំនងសង្គមដ៏ពេញនិយមមួយនេះ។ លក្ខណៈពិសេសនេះ នឹងអនុញ្ញាតឱ្យមានកម្មវិធីអានពិពណ៌នា នូវរូបថតដោយស្វ័យប្រវត្តិ ដោយប្រើប្រាស់ប្រព័ន្ធ AI ឬ អានពិពណ៌នាដោយខ្លួនឯងផ្ទាល់ នូវអ្វីដែលបានបន្ថែមនៅក្នុង Instagram។
លក្ខណៈពិសេសនេះត្រូវបានគេស្គាល់ថាជា «Alt text» ដែលត្រូវបានគេប្រើប្រាស់យ៉ាងទូលំទូលាយនៅលើបណ្តាញ អ៊ីនធឺណែត ជាយូរណាស់មកហើយ ឥឡូវនេះក្រុមហ៊ុន Instagram ក៏កំពុងបញ្ចូលវានៅក្នុងប្រព័ន្ធរបស់ខ្លួនផងដែរ។ ដូច្នេះអ្នកលេងបណ្តាញសង្គមមួយនេះ នឹងអាចបញ្ចូលការពិពណ៌នារូបថតផ្ទាល់ខ្លួនរបស់ពួកគេ តាមរយៈកម្មវិធី Screen Reader ដែលជា Software អាចពិពណ៌នាសមាសភាពដែលបានបង្ហាញនៅលើអេក្រង់ ដូច្នេះអ្នកអាចឮសម្លេងខ្លាំងៗ នៅពេល កម្មវិធីពិពណ៌នា អំពីការស្វែងរក Feed, Page, ឬ Profile ជាដើម។

ប្រសិនបើអ្នកមិនបានបញ្ចូលការពណ៌នារូបថតផ្ទាល់ខ្លួនរបស់អ្នកនោះ Instagram នឹងកំណត់អត្តសញ្ញាណដោយស្វ័យប្រវត្តិ នូវអ្វីដែលមាននៅក្នុងរូបថត ដោយប្រើបច្ចេកវិទ្យាសម្គាល់វត្ថុ បន្ទាប់មកធ្វើការអានពណ៌នា ដោយស្វ័យប្រវត្តិនៃរូបថតមួយនេះ ឱ្យខ្លាំងៗ នៅពេលអ្នកបាន Scroll លើរូបថត ។ ការពណ៌នា របស់ «Alt text» នឹងមិនត្រូវបានរកឃើញទេ លុះត្រាអ្នកប្រើប្រាស់ ចូលទៅកាន់ “Advanced setting” របស់រូបថត ហើយធ្វើការបញ្ចូល។
នេះគឺជាលើកដំបូងសម្រាប់ Instagram ដែលក្រុមហ៊ុន Facebook បានប្រើប្រាស់ប្រព័ន្ធ AI ដើម្បីពិពណ៌នារូបថត សម្រាប់ផ្តល់ភាពងាយស្រួលដល់អ្នកប្រើប្រាស់ ដែលពិការភ្នែកអស់រយៈពេលជាច្រើនឆ្នាំមកហើយ។ វីឌីអូខាងក្រោមនេះ បានផ្តល់ការបង្ហាញនូវលក្ខណៈពិសេសនេះ ដែលជាគំនិតដ៏ល្អ សម្រាប់អ្នកពិការភ្នែក អាចយល់ដឹងនៅអ្វីៗផ្សេងៗទៀតនៅលើពិភពលោក ឱ្យកាន់តែច្រើនឡើងៗ។ ដោយសារលក្ខណៈពិសេសថ្មីនេះ មានធ្វើការពណ៌នារូបថតនៅលើ Instagram ដែលផ្តល់ភាពងាយស្រួល និងមានប្រយោជន៍ជាច្រើន ដល់អ្នកពិការភ្នែក នឹងអាចស្តាប់ឮនូវអ្វីដែលគេបានរៀបរាប់អំពីរូបភាពទាំងអស់នៅលើបណ្តាញទំនាក់ទំនងសង្គម Instagram។

អត្ថបទអ្នកចង់អាន

កំពូលទូរទស្សន៍ 4K ប្រចាំឆ្នាំ 2017

ដោយ: ដួងច័ន្ទ 6 PM, Tuesday, 26 Sep, 2017

ទូរទស្សន៍ 4K ឬហៅបានថា Ultra HD គឺជាបច្ចេកវិទ្យាទូរទស្សន៍ថ្មីដ៏ធំមួយ។ ជាមួយជម្រើសទូរទស្សន៍ថ្មីជាច្រើន អ្នកត្រូវស្រាវជ្រាវកាន់តែស៊ីជម្រៅ ដើម្បីប្រាកដ...

សម្ភារៈប្រើប្រាស់ ជួយសន្សំថវិកា

ដោយ: ដួងច័ន្ទ 8 PM, Tuesday, 26 Dec, 2017

ថ្ងៃនេះ គេហទំព័រទំនើប សូមណែនាំពីសម្ភារៈប្រើប្រាស់ ដែលជួយអ្នកក្នុងការសន្សំសំចៃថវិកាចំណាយបានយ៉ាងមានប្រសិទ្ធភាព។ ចង់ដឹងថាមានសម្ភារៈអ្វីខ្លះ សូមអានអត្ថ...

Adapter សម្រាប់ការបញ្ចូលថាមពល ឆាប់រហ័ស

ដោយ: ដួងច័ន្ទ 11 PM, Saturday, 28 Oct, 2017

  ជាមួយនឹងឧបករណ៍សាកថ្មគ្មានខ្សែ ទូរសព្ទ iPhone 8 និង iPhone X ក៏អាចដំណើរការជាមួយ ឧបករណ៍សាកថ្មល្បឿនលឿនដទៃទៀតដែរ។ ក្រុមហ៊ុន Apple បានអះអាងថាអ្នកអាចសា...

នេះជារូបរាង របស់ស្រោមទូរសព្ទ អេក្រង់បត់

ដោយ: ដួងច័ន្ទ 9 AM, Saturday, 09 Mar, 2019

ក្រុមហ៊ុនផលិតស្រោមការពារទូរសព្ទបានចាប់ផ្តើមរួចជាស្រេចសម្រាប់ការស្វែងយល់អំពីរូបរាងរបស់ស្រោមការពារ សម្រាប់ទូរសព្ទមានអេក្រង់បត់ដែលកំពុងមានរលកប្រជាប្រិ...

Tomnerb.Com - YouTube Channel