ចូលចិត្តទំនើប

Instagram បន្ថែមមុខងារសារជាសម្លេង

ដោយ: ដួងច័ន្ទ 9 AM, Wednesday, 26 Dec, 2018

នាពេលនេះអ្នកនឹងមិនចាំបាច់ដំណើរការ Live Conversation ទេ បើសិនជាអ្នកចង់បានការសន្ទនាជាសម្លេងនៅលើកម្មវិធី Instagram។ ថ្ងៃនេះបណ្តាញទំនាក់ទំនងសង្គមមួយនេះ បានដាក់ដំណើរការមុខងារផ្ញើសារជាសម្លេងបែប Walkie-Talkie ដែលមានបំពាក់នៅក្នុង Direct Messages។

បើសិនជាអ្នកចង់ធ្វើការសន្ទនាដោយប្រើប្រាស់សម្លេង អ្នកគ្រាន់តែត្រូវការចុចឱ្យជាប់លើប៊ូតុងសញ្ញាក្បាលមេក្រូ ដើម្បីថតសម្លេងសម្រាប់ការសន្ទនា ដែលអ្នកទទួលសាររបស់អ្នក អាចជាបុគ្គលម្នាក់ៗ ឬក្នុងក្រុម អាចចាក់សារជាសម្លេងនោះបានគ្រប់ពេលរបស់ពួកគេផ្ទាល់។ អ្នកអាចធ្វើការផ្ញើសារដ៏រំជួលចិត្ត បើសិនជាការសរសេរសារជាអក្សរ ទំនងដូចជាមិនសូវមានលក្ខណៈបុគ្គល ឬអ្នកអាចធ្វើការឆ្លើយតបបានភ្លាមៗ នៅពេលដែលដៃទាំងពីររបស់អ្នកមិនទំនេរ។

មុខងារថ្មីនេះនឹងត្រូវដាក់ឱ្យដំណើរការជាសកល ទាំងនៅលើប្រព័ន្ធ Android និង iOS។

មុខងារផ្ញើសារជាសម្លេង ប្រាកដណាស់ថាមិនមែនជាមុខងារថ្មីសម្រាប់ក្រុមហ៊ុន Facebook ទេ ដោយហេតុថាកម្មវិធី Messenger បានដំណើរការមុខងារនេះតាំងពីឆ្នាំ 2013 មកម្ល៉េះ។

ការដាក់ដំណើរការមុខងារបន្ថែមថ្មីនេះ ជាកត្តាបង្ហាញថាមនុស្សជាច្រើននាពេលបច្ចុប្បន្នកំពុងប្រើប្រាស់កម្មវិធី Instagram ក្នុងនាមជាកម្មវិធី Chat ចម្បងមួយរបស់ពួកគេ ហើយនេះក៏បង្ហាញថាអ្នកប្រើប្រាស់ទាំងនោះមានតម្រូវការមុខងារផ្ញើសារដូចគ្នា ដែលអ្នករំពឹងថានឹងទទួលបានពី App ដទៃទៀត។

ដូចដែលគេហទំព័រ TechCrunch បានពន្យល់ វាក៏អាចជាចំណុចសំខាន់ សម្រាប់អ្នកប្រើប្រាស់ ដែលប្រើប្រាស់ភាសា ដែលពិបាកក្នុងការវាយជាអត្ថបទ ឬភាសាដែលមិនត្រូវបានប្រើប្រាស់ជាទូទៅ និងមិនសមស្របនៅក្នុងពិភពឌីជីថល៕

អត្ថបទអ្នកចង់អាន

Samsung Galaxy On5 និង On7 ស៊េរីថ្មី តម្លៃសន្សំសំចៃបំផុត

ដោយ: វិរីយា៉ 6 AM, Friday, 11 Mar, 2016

Samsung Galaxy On7 អេក្រង់ TFT ទំហំ5.5អី​ុ​ញ ភាពច្បាស់​លម្អិត HD 720p CPU Quad-Core 1.2 GHz RAM 1.5GB Android 5.1.1 Lollipop Memory 8GB Support mi...

Galaxy A6s ជាទូរសព្ទដំបូង មិនបានផលិតដោយ Samsung

ដោយ: ដួងច័ន្ទ 9 AM, Monday, 05 Nov, 2018

យោងតាមគេហទំព័រ SamMobile ក្រុមហ៊ុន Samsung បានបញ្ចេញលក់ទូរសព្ទស៊េរី Galaxy A ចំនួន 2 ម៉ូដែលនៅក្នុងប្រទេសចិនកាលពីពេលថ្មីៗនេះ នោះគឺទូរសព្ទ Galaxy A6s...

ការលេងហ្គេមអ៊ីនធឺណិតពីកុំព្យូទ័រទៅទូរស័ព្ទ នឹងមកដល់នៅក្នុងទូរស័ព្ទ Galaxy Note 10 !

ដោយ: ភារុន 9 AM, Friday, 13 Sep, 2019

កម្មវិធីលេងហ្គេមពីកុំព្យូទ័រទៅទូរស័ព្ទ PlayGalaxy របស់ Samsung បានត្រៀមខ្លួនរួចជាស្រេច ដើម្បីផ្តល់ឱ្យដល់អ្នកនិយមលេងហ្គេមអ៊ីនធឺណិត។ ក្រុមហ៊ុនបច្ចេកវ...

Gadget បរាជ័យប្រចាំឆ្នាំ 2017

ដោយ: ដួងច័ន្ទ 9 PM, Friday, 05 Jan, 2018

មិនមានអ្វីដែលល្អឥតខ្ចោះទេ ហើយឆ្នាំ 2017 ក៏មិនល្អគ្រប់ 10 ដូចគ្នា។ ចំណុចខ្វះខាតទាំងនោះ រាប់បញ្ចូលទាំងបច្ចេកវិទ្យាថ្មីៗ របស់សម្ភារៈប្រើប្រាស់មួយចំនួន...

Tomnerb.Com - YouTube Channel