ចូលចិត្តទំនើប

Hyundai និង Kia នឹងបំពាក់បន្ទះសូឡាលើរថយន្ត

ដោយ: ដួងច័ន្ទ 8 AM, Tuesday, 06 Nov, 2018

បន្ទះសូឡានៅលើរថយន្ត មិនមែនអភិរក្សសម្រាប់ដែលម៉ាកសញ្ញារថយន្តប្រណិត ឬរថយន្តសម្រាប់ធ្វើការពិសោធន៍ប៉ុណ្ណោះទេ។ ក្រុមហ៊ុន Hyundai និង Kia បានដាក់ចេញនូវគម្រោងផែនការ ក្នុងការបំពាក់រថយន្តជម្រើសមួយចំនួន ជាមួយបន្ទះសូឡានៅលើដំបូល ឬក្បាលរថយន្តខាងមុខ។

បន្ទះសូឡាទាំងនោះនឹងជួយបញ្ចូលថាមពលទៅកាន់អាគុយសម្រាប់រថយន្តអគ្គិសនី និងរថយន្ត Hybrid ប៉ុន្តែពួកវាក៏មានសារៈសំខាន់សម្រាប់រថយន្តប្រភេទចំហេះសុទ្ធផងដែរ។ បន្ថែមលើនេះ អ្នកក៏នឹងមិនចាំបាច់បារម្ភថាបន្ទះសូឡាទាំងនោះនឹងបាំងភ្នែករបស់អ្នកពីការទស្សនាទេសភាពផ្ទៃមេឃនៅខាងលើដែរ។

ខណៈដែលម៉ូដែលរថយន្តមានបំពាក់បន្ទះសូឡាលើដំបូលជំនាន់ទីមួយ នឹងត្រូវផលិតឡើងដោយមានកំណត់សម្រាប់រថយន្ត Hybrid ជាមួយដំបូលប្រភេទ Conventional ចំណែកម៉ូដែលជំនាន់ទីពីរជាប្រភេទដំបូល Semi-Transparent នឹងមាននៅលើរថយន្ត រួមទាំងរថយន្ត ជាផ្នែកមួយនៃដំបូល Panoramic Sunroof System។ ក្នុងនោះក៏មានដំបូលជំនាន់ទីបី ដែលស្ថិតក្នុងដំណាក់កាលជាផលិតផលគំរូនៅឡើយទេ ដែលដំបូលប្រភេទចុងក្រោយនេះអាចផ្តល់ថាមពលចេញពីដំបូល និងចេញពីក្បាលរថយន្តក្នុងពេលតែមួយបាន។
ដំបូលសូឡាទាំងនោះត្រូវបានសន្យាថានឹងមានប្រសិទ្ធភាពពិតប្រាកដ។ ម៉ូដែលជំនាន់ទីមួយ អាចផ្តល់ថាមពលបានពី 30-60 ភាគរយ នៃអាគុយរបស់រថយន្ត Hybrid ក្នុងរយៈពេលមួយថ្ងៃ អាស្រ័យទាំងនៅលើអាកាសធាតុ និងបរិស្ថានទាំងស្រុង។ វាអាចកាត់បន្ថយថេរវេលានៃការបញ្ចូលថាមពលបានយ៉ាងច្រើន និងអាចការពារអ្នកពីការប្រើប្រាស់ហ្គាស នៅថ្ងៃណាមួយដែលអ្នកមិនមានឱកាសបញ្ចូលហ្គាស។

អ្នកនឹងមិនបានឃើញបច្ចេកវិទ្យាដំបូលសូឡាជំនាន់ទីមួយទេ រហូតដល់ក្រោយឆ្នាំ 2019។ ក្នុងន័យនេះ វាអាចក្លាយជារឿងធម្មតាសម្រាប់ក្រុមហ៊ុនផលិតយានជំនិះទាំងនោះ បើសិនជាវាត្រូវបានអះអាងជាក់លាក់ថា ទទួលបានជោគជ័យ។

នេះជាចំណុចដ៏ទាក់ទាញមួយសម្រាប់អ្នកបើកបរដែលចង់សន្សំសំចៃការចំណាយ និងគិតគូរពីបរិស្ថាន ប៉ុន្តែវាក៏អាចជាធ្នាក់ទាក់ទាញក្រុមហ៊ុនមួយចំនួន ដែលកំពុងជួបប្រទះបញ្ហាប្រឈម ដើម្បី សម្រេចឱ្យបាននូវស្តង់ដាសន្សំសំចៃប្រេងឥន្ធនៈ និងបំភាយផ្សែង។ ពួកគេអាចបំពាក់បន្ទះសូឡា នៅលើយានជំនិះ ដើម្បីលើកកម្ពស់ការសន្សំសំចៃប្រេងឥន្ធនៈ ដោយពុំចាំបាច់ធ្វើការផ្លាស់ប្តូរច្រើន នៅលើការរចនាយានយន្តទាំងស្រុង ឬការផ្លាស់ប្តូរទម្រង់ម៉ាស៊ីន៕

ប្រភព: engadget ផ្នែក: បច្ចេកវិទ្យា, យានយន្ត

អត្ថបទអ្នកចង់អាន

LG Electronics បានបង្ហាញផលិតផលស៊េរីថ្មីឆ្នាំ 2016 ក្មុងកម្មវិធីជប់លៀងប្រចាំឆ្នាំ LG VIP Night

ដោយ: WangSang 12 AM, Wednesday, 13 Jul, 2016

កាលពី ថ្ងៃទី 7 ខែ កក្កដា ឆ្នាំ 2016 ក្រុមហ៊ុន LG Electronics និង ក្រុមហ៊ុន G Gear ដែលជាក្រុមហ៊ុនដៃគូរយុទ្ធសាស្ត្រតែមួយគត់នៅក្នុងប្រទេសកម្ពុជា បានរៀ...

Gaming Laptop ថ្មីពី HP កាន់តែខ្លាំង

ដោយ: ដួងច័ន្ទ 9 AM, Wednesday, 23 Jan, 2019

ក្រុមហ៊ុន HP ដែលជាក្រុមហ៊ុនផលិតកុំព្យូទ័រដ៏ធំមួយ ទើបនឹងបញ្ចប់ការអភិវឌ្ឍន៍បច្ចេកវិទ្យា Refresh Rate ថ្មី សម្រាប់ផលិតផលកុំព្យូទ័រយួរដៃម៉ូដែល Omen 15 ...

ទូរស័ព្ទ iPhone 8 «គ្មានសេវា ឬ សញ្ញា» តើធ្វើដូចម្តេចដើម្បីជួសជុលវា?

ដោយ: ភារុន 10 AM, Wednesday, 03 Apr, 2019

ទាំងទូរស័ព្ទ iPhone 8 និង iPhone 8 Plus គឺតែងតែផ្តល់ភាពរីករាយដ៏ពិតប្រាកដ ជាមួយនឹងលក្ខណៈពិសេសៗដែលក្រុមហ៊ុន Apple បានដាក់បញ្ចូលទៅក្នុងទូរស័ព្ទស៊េរីទំ...

តើ iPhone ថ្មីមានអ្វីប្លែក?

ដោយ: ដួងច័ន្ទ 8 AM, Friday, 26 Apr, 2019

ក្រុមហ៊ុន Apple ទទួលបានព័ត៌មានចចាមអារាមថានឹងប្រើប្រាស់ប្រព័ន្ធកាមេរ៉ា 3 គ្រាប់ នៅលើទូរសព្ទ iPhone ជំនាន់ថ្មីចំនួន 2 ម៉ូដែល ជំនួសឱ្យកាមេរ៉ាមួយគ្រាប់...

Tomnerb.Com - YouTube Channel