ចូលចិត្តទំនើប

ប្រព័ន្ធប្រតិបត្តិការ Hongmeng OS របស់ក្រុមហ៊ុន Huawei អាចត្រូវបង្ហាញវត្តមាននៅក្នុងសប្តាហ៍នេះ!

ដោយ: ភារុន 9 AM, Tuesday, 06 Aug, 2019

ព័ត៌មានថ្មីមួយបានប្រកាសថាប្រព័ន្ធប្រតិបត្តិការ Hongmeng OS ដែលជាប្រព័ន្ធប្រតិបត្តិការថ្មីមួយ មកជំនួសប្រព័ន្ធប្រតិបត្តិការ Android ដែលក្រុមហ៊ុនបានដាក់ដំណើរការនៅលើគ្រប់ស៊េរីទូរស័ព្ទទាំងអស់របស់ក្រុមហ៊ុន។ ព័ត៌មានថ្មីនេះបានមកពីសារព័ត៌មាន Global Times ដែលបានគ្រប់គ្រងដោយរដ្ឋរបស់ប្រទេសចិន។



ក្រុមហ៊ុន Huawei បានដាក់បង្ហាញពីប្រព័ន្ធប្រតិបត្តិការ Hongmeng OS នៅឯសន្និសិទ្ធនៃការអភិវឌ្ឍរបស់ក្រុមហ៊ុនផ្ទាល់ ដែលនឹងចាប់ផ្តើមនៅក្នុងសប្តាហ៍នេះ គឺនៅថ្ងៃសុក្រ ទី9 ខែសីហា នៅឯទីក្រុង Dongguan ប្រទេសចិន។ ម្យ៉ាងទៀត នាយកប្រតិបត្តិរបស់ក្រុមហ៊ុន Huawei ក៏បាននិយាយថា Software ត្រូវបានអភិវឌ្ឍឡើងជាចម្បង សម្រាប់ឧបករណ៍ IoT ដែលដំបូងឡើយ វាត្រូវបាននាំយកទៅប្រើប្រាស់នៅក្នុងទូរទស្សន៍ឆ្លាតវៃ នេះបើយោងទៅតាមសារព័ត៌មាន Reuters។ សម្រាប់ព័ត៌មានប្រៀបធៀប ប្រព័ន្ធប្រតិបត្តិការ Hongmeng OS ទៅនឹង Fuchsia ដែលក្រុមហ៊ុន Google បានធ្វើការអស់រយៈពេលជាយូរមក។ ហើយវាគឺជាប្រព័ន្ធប្រតិបត្តិការមួយ ដែលត្រូវបានគេដកពិសោធន៍ ដើម្បីធ្វើឱ្យវាអាចដាក់ដំណើរការជាមួយនឹងទម្រង់ផ្សេងៗទៀត។ សម្រាប់ប្រព័ន្ធប្រតិបត្តិការ Hongmeng OS ក៏ត្រូវបានគេលើកឡើងថា វាត្រូវបានស្ថាបនានៅជុំវិញ Microkernel មួយ។ ដូច្នេះ វាអាច «ផ្ទុកបញ្ញាសិប្បនិម្មិតកាន់តែប្រសើរ និងអាចដំណើរការនៅលើ Platform ចម្រុះបាន»។




ការលើកឡើងនេះ សារព័ត៌មាន Global Time ក៏បានអះអាងផងដែរថា ស្មានហ្វូន ដែលដំណើរការដោយប្រព័ន្ធប្រតិបត្តិការ Hongmeng OS គឺកំពុងដំណើរការបានច្រើនគ្រាន់បើដែរ ទៅលើការងារនេះ ហើយក៏កំពុងស្ថិតនៅក្នុងដំណើរការសាក ល្បងផងដែរ។ ហើយឧបករណ៍ដំបូងគេបង្អស់ដែលសាកល្បង នោះគឺស្មានហ្វូនម៉ូដែល Mate 30 Pro ដែលវាអាចនឹងត្រូវបង្ហាញខ្លួនជាលើកដំបូង នាចុងឆ្នាំ ដោយមានកាលបរិច្ឆេទចេញលក់នៅក្នុងត្រីមាសទី4 នឹងត្រូវបានកំណត់តម្លៃប្រហែល 2,000យ័ន (ប្រហែល $288)៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

ជម្រើសស្រោម ការពារទូរសព្ទ iPhone 8

ដោយ: ដួងច័ន្ទ 11 PM, Tuesday, 07 Nov, 2017

នៅពេលអ្នកសម្រេចចិត្តទិញទូរសព្ទ iPhone 8 ចំណុចបន្ទាប់ដែលអ្នកត្រូវពិចារណា គឺប្រភេទស្រោមការពារ។ ជាមួយនឹងតម្លៃប្រមាណជាង $700 និងមានការរចនាម៉ូដជាផ្ទាំងក...

Facebook កំពុងសាកល្បងមុខងារថ្មី

ដោយ: ដួងច័ន្ទ 9 AM, Monday, 16 Jul, 2018

Facebook បច្ចុប្បន្ននេះកំពុងដាក់សាកល្បងមុខងារថ្មីសម្រាប់ Messenger ដែលអាចកំណត់អត្តសញ្ញាណគណនេយ្យសង្ស័យ ដែលផ្ញើសារមិនសមរម្យ ដោយផ្ទាល់ទៅកាន់អ្នកប្រើប្...

Pass App និង Grab មួយណាល្អជាង?

ដោយ: ដួងច័ន្ទ 1 PM, Friday, 15 Mar, 2019

ដូចគ្នានឹងប្រទេសភាគច្រើននៅក្នុងតំបន់អាស៊ីអាគ្នេយ៍ដែរ សេវាកម្ម Grab Taxi មានវត្តមាននៅក្នុងប្រទេសកម្ពុជាយើង ហើយវាកំពុងមានប្រជាប្រិយភាពទាំងអ្នកទេសចរណ៍...

កម្មវិធីឆ្លាតវៃ ឬ Smart Home App របស់ LG បន្ថែមការគ្រប់គ្រងសំឡេង តាមរយៈជំនួយការ Google

ដោយ: ភារុន 8 AM, Wednesday, 28 Aug, 2019

កម្មវិធីរបស់អ្នកផលិតឧបករណ៍ឆ្លាតវៃជាច្រើន នៅតែតម្រូវឱ្យអ្នកប្រើប្រាស់ចុចប៊ូតុង ដើម្បីគ្រប់គ្រងឧបករណ៍អេឡិចត្រូនិចនៅក្នុងផ្ទះរបស់អ្នក ប៉ុន្តែមិនមែនសម្...

Tomnerb.Com - YouTube Channel