ចូលចិត្តទំនើប

Huawei ទទួលបានពាណិជ្ជសញ្ញាសម្រាប់ OS ផ្ទាល់ខ្លួន

ដោយ: ដួងច័ន្ទ 8 AM, Saturday, 22 Jun, 2019

ក្រុមហ៊ុន Huawei កំពុងធ្វើដំណើរដើម្បីបញ្ឈប់ការហាមឃាត់របស់រដ្ឋបាលរបស់ប្រធានាធិបតី Trump ដោយធ្វើការផ្តល់ពាណិជ្ជសញ្ញាដល់ប្រព័ន្ធប្រតិបត្តិការលើទូរសព្ទចល័តរបស់ខ្លួនផ្ទាល់។ ប្រព័ន្ធប្រតិបត្តិការថ្មីដែលត្រូវបានរាយការណ៍ថា បានដាក់ដំណើរការអស់រយៈពេលជាច្រើនឆ្នាំមកហើយនេះ មានដាក់ឈ្មោះនៅក្នុងឯកសារស្នើសុំពាណិជ្ជសញ្ញានៅក្នុងប្រទេសប៉េរូ នៅក្រោមឈ្មោះថា Hongmeng សម្រាប់ប្រើប្រាស់នៅក្នុងប្រទេសចំនួន 9 និងនៅក្នុងតំបន់អឺរ៉ុប (ទោះបីជាវាត្រូវបានដាក់សំណើសុំនៅក្រោមឈ្មោះថា Ark OS នៅក្នុងតំបន់អឺរ៉ុបក្តី)។

កាលពីគ្រាមុន ក្រុមហ៊ុនបានលើកឡើងថា ប្រព័ន្ធប្រតិបត្តិការនេះអាចនឹងដំណើរការលឿនបំផុតនៅចុងឆ្នាំនេះ ប៉ុន្តែវាទំនងថាករណីនេះពិតជាអាចកើតឡើងមែន បើសិនជាក្រុមហ៊ុននេះត្រូវបានបដិសេធជាអចិន្រ្តៃយ៍សម្រាប់ការចូលទៅប្រើប្រាស់ប្រព័ន្ធ Android។
យ៉ាងណាក្តី ខណៈពេលដែលការដាក់ឱ្យដំណើរការប្រព័ន្ធប្រតិបត្តិការផ្ទាល់ខ្លួនគឺជាវិធីមួយសម្រាប់ក្រុមហ៊ុន Huawei ក្នុងការបន្តប្រតិបត្តិការប្រឈមនឹងបម្រាមរបស់សហរដ្ឋអាមេរិក នៅក្នុងនោះមានក្តីព្រួយបារម្ភមួយចំនួនអំពីសនិ្តសុខរបស់ប្រព័ន្ធប្រតិបត្តិការថ្មីនេះ ដោយសារ Software មិនមែនជាផ្នែកដ៏រឹងមាំមួយរបស់ក្រុមហ៊ុននេះទេ។ ទន្ទឹមជាមួយគ្នានេះ ក្រុមហ៊ុន Huawei បានបញ្ចេញអារម្មណ៍របស់ខ្លួនអំពីការហាមប្រាមរបស់ក្រុមហ៊ុននៅក្នុងលិខិតក្រៅផ្លូវការមួយ (Ex Parte Memo) ផ្ញើទៅកាន់គណៈកម្មការទំនាក់ទំនងសហព័ន្ធ (Federal Communications Commission)។ លិខិតមួយនោះត្រូវបានបោះពុម្ពផ្សាយនៅក្នុងសប្តាហ៍នេះ ដោយបញ្ជាក់អំពីការថ្កោលទោសចំពោះការសម្រេចចិត្តក្នុងការហាមឃាត់ក្រុមហ៊ុន ដោយផ្អែកលើមូលដ្ឋានៃការគម្រាមកំហែងសន្តិសុខជាតិ ដោយបានកត់សម្គាល់ថា «ទង្វើនេះបានធ្វើតិចតួច ឬគ្មានបានធ្វើអ្វីទាំងអស់ សម្រាប់ការការពារសន្តិសុខនៃប្រព័ន្ធទូរគមនាគមន៍របស់អាមេរិក» ហើយទង្វើដែលបានបង្ខំឱ្យប្រតិបត្តិករផ្លាស់ប្តូរឧបករណ៍ដែលពួកគេកំពុងប្រើប្រាស់ អាចនឹងបង្កជាការគម្រាមកំហែងកាន់តែធំ ចំពោះសន្តិសុខប្រព័ន្ធ Network។


ជាមួយគ្នានេះដែរ ការហាមឃាត់នេះមិនត្រឹមតែជាការប្រឈមផ្នែកច្បាប់តែមួយមុខទេសម្រាប់ក្រុមហ៊ុន។ ដូចដែលបានរាយការណ៍នៅក្នុងសារព័ត៌មាន The New York Times ក្រុមហ៊ុន Huawei ត្រូវបានគេលើកឡើងថាកំពុងស្វែងរកថ្លៃប័ណ្ណប៉ាតង់ពីក្រុមហ៊ុន Verizon។ អ្នកដែលបានដឹងលឺករណីមួយនេះ បានលើកឡើងថា ក្រុមហ៊ុន Huawei បានចោទប្រកាន់ចំពោះក្រុមហ៊ុន Verizon ថាបានរំលោភលើ 238 ចំណុចនៃប័ណ្ណប៉ាតង់របស់ក្រុមហ៊ុន ហើយបាននឹងកំពុងធ្វើការទាមទារប្រាក់សំណងបន្ថែមច្រើនជាង $1 ពាន់លាន។

មិនថាបានទទួលជោគជ័យឬអត់ នៅក្នុងការទាមទាររបស់ក្រុមហ៊ុន វានៅតែជាបញ្ហាចោទ ប៉ុន្តែសកម្មភាពនេះបានចង្អុលបង្ហាញយ៉ាងច្បាស់ថា ក្រុមហ៊ុន Huawei មិនបានត្រៀមខ្លួនក្នុងការដោះស្រាយបញ្ហាប្រឈមដែលក្រុមហ៊ុនកំពុងប្រឈមមុខនាពេលបច្ចុប្បន្ននេះទេ៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

កាមេរ៉ា RX100 ស៊េរីចុងក្រោយបំផុត របស់ Sony ទទួលបានរន្ធ Mic

ដោយ: ភារុន 10 AM, Saturday, 27 Jul, 2019

ក្រុមហ៊ុន Sony ទំនងជាទើបតែបញ្ចេញ RX100 VI កាលពីឆ្នាំមុន ប៉ុន្តែឥឡូវនេះ ក្រុមហ៊ុននេះក៏បានត្រឡប់មក ជាមួយនឹងម៉ូដែលថ្មី នោះគឺ RX100 VII ប៉ុន្តែនេះគឺជាឈ...

បច្ចេកវិទ្យាយានយន្ត ឈានមុខទាំង 10 នៅឆ្នាំ 2020

ដោយ: ដួងច័ន្ទ 9 PM, Tuesday, 08 Aug, 2017

នៅក្នុងព្រឹត្តិការណ៍ CES និងព្រឹត្តិការណ៍ Detroit Auto Show កាលពី 2 សប្តាហ៍កន្លងទៅ បានធ្វើឱ្យអ្នកដែលបានចូលរួម ទទួលបាននូវភាពភ្ញាក់ផ្អើលយ៉ាងខ្លាំង ចំ...

យ៉ាងណាវិញបើឧបករណ៍សាកថ្មគ្មានខ្សែ គឺជាដបមួយ?

ដោយ: ដួងច័ន្ទ 9 AM, Friday, 27 Jul, 2018

ដបទឹក ល្អណាស់សម្រាប់ផ្ទុកសារធាតុរាវ ហើយអ្នកណាៗក៏ដឹងរឿងនេះដែរ។ ដបទឹកក៏អាចប្រើប្រាស់ជាថូដាក់ផ្កាផងដែរ ប៉ុន្តែវាស្ថិតក្នុងន័យតែមួយទេ។ យ៉ាងណាមិញ ដបទឹកម...

Nintendo បានបដិសេធព័ត៌មានស្តីពី ពាណិជ្ជកម្មនៅក្នុងកម្មវិធីថ្មី «ធ្វើឱ្យប្រសើរឡើងនៃ Nintendo Switch ម៉ូដែល»

ដោយ: ភារុន 9 AM, Tuesday, 20 Aug, 2019

កាលពីដើមសប្តាហ៍នេះ ព័ត៌មានមួយចំនួន បានចង្អុលបង្ហាញថាការផ្លាស់ប្តូរកម្មវិធី សម្រាប់ Nintendo Switch ដែលកំពុងធ្វើឱ្យប្រសើរឡើងពីម៉ូដែលមុន។ យោងទៅតាមព័ត...

Tomnerb.Com - YouTube Channel