ចូលចិត្តទំនើប

ទូរសព្ទ Huawei P30 នឹងចេញលក់នៅចុងខែក្រោយ

ដោយ: ដួងច័ន្ទ 8 AM, Friday, 22 Feb, 2019

ផលិតផលទូរសព្ទម៉ូដែលថ្មីរបស់ក្រុមហ៊ុន Huawei ដែលនឹងមកដល់ក្នុងពេលឆាប់ៗនេះ នឹងមិនបង្ហាញខ្លួននៅក្នុងព្រឹត្តិការណ៍ Mobile World Congress ឡើយ។

ក្រុមហ៊ុនបច្ចេកវិទ្យាដ៏កំពុងមានប្រជាប្រិយភាពដ៏លេចធ្លោមួយនេះ បានប្រកាសថា ពិធីប្រកាសអំពីផលិតផលទូរសព្ទម៉ូដែល P30 Series នឹងធ្វើឡើងជាពិសេសនៅក្នុងទីក្រុងប៉ារីស ហើយក្រុមហ៊ុនបានបញ្ជាក់ថាកម្មវិធីនេះនឹងរៀបចំឡើងនៅថ្ងៃទី 26 ខែមីនា ឆ្នាំ2019 ឆាប់ៗខាងមុខនេះ។ នេះជារយៈពេលស្ទើរពេញមួយខែ បន្ទាប់ពីព្រឹត្តិការណ៍ MWC បានបញ្ចប់នៅក្នុងទីក្រុង Barcelona។
ក្រុមហ៊ុន Huawei បានរៀបចំព្រឹត្តិការណ៍ស្រដៀងគ្នានេះ សម្រាប់ការបញ្ចេញទូរសព្ទម៉ូដែល P20 កាលពីឆ្នាំមុន ដែលបានប្រព្រឹត្តទៅនៅក្នុងទីក្រុងប៉ារីសដូចគ្នា ហើយក៏ស្ថិតនៅក្នុងរយៈពេលមួយខែបន្ទាប់ ពីកម្មវិធីបង្ហាញពីការច្នៃប្រឌិតបច្ចេកវិទ្យាទូរសព្ទដៃប្រចាំឆ្នាំនេះដូចគ្នា។

ក្រុមហ៊ុនមិនបានបង្ហាញអ្វីផ្សេងលើសពីកាលបរិច្ឆេទ និងទីតាំងនៃការរៀបចំកម្មវិធីដាក់បង្ហាញទូរសព្ទម៉ូដែលថ្មីនេះទេ ប៉ុន្តែវីដេអូផ្សព្វផ្សាយ ដែលក្រុមហ៊ុនបានបង្ហោះនៅក្នុងគណនេយ្យ Twitter របស់ខ្លួន បានបង្ហាញពីតំរុយអំពីអ្វីដែលអាចនឹងក្លាយជាការផ្តល់ជូនដ៏ធំបំផុតពីទូរសព្ទជំនាន់ថ្មីនេះ។
នៅក្នុងវីដេអូនោះបានបង្ហាញពីទីកន្លែងល្បីៗនៅក្នុងទីក្រុងប៉ារីស រួមមាន Eiffel Tower និង Arc de Triomphe ដែលត្រូវបានពង្រីកមកជិត រហូតដល់គ្រប់ភាគល្អិតរបស់រូបភាពត្រូវបានឃើញយ៉ាងច្បាស់នៅលើផ្ទៃអេក្រង់។
យោងតាមរបាយការណ៍ដែលបានចេញផ្សាយកាលពីពេលមុន ទូរសព្ទម៉ូដែល P30 Pro អាចនឹងត្រូវបានផលិតឡើងជាមួយកាមេរ៉ាមានទម្រង់ដូចជា Periscope ដែលមានសមត្ថភាព Optical Zoom ដ៏អស្ចារ្យ។

ថ្វីត្បិតនៅក្នុងវីដេអូផ្សព្វផ្សាយនេះ មិនបានបង្ហាញពីសញ្ញាណាមួយទាក់ទងនឹងការត្រឡប់មកវិញនៃរន្ធដោតកាសស្តាប់ ប៉ុន្តែវាក៏មិនមានន័យថាទូរសព្ទម៉ូដែលថ្មីរបស់ Huawei នេះមិនមានអ្វីដែលអ្នករំពឹងទុកដែរ។
ដូច្នេះអ្នកនឹងត្រូវរងចាំតាមដានបន្តបន្ទាប់ទៀតជាមួយ ទំនើប រហូតដល់ខែក្រោយ ជាពេលដែលទូរសព្ទជំនាន់ថ្មីនេះត្រូវបានបង្ហាញវត្តមានជាផ្លូវការ នោះអ្នកនឹងបានដឹងយ៉ាងពិតប្រាកដពីសមត្ថភាព និងលក្ខណៈពិសេសរបស់វា៕

ប្រភព: engadget ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

ម៉ូដែលទូរទស្សន៍ Sony ឆ្នាំ 2018

ដោយ: ដួងច័ន្ទ 10 AM, Friday, 20 Jul, 2018

តើអ្នកជាប្រិយមិត្តរបស់ Sony មែនទេ? ក្នុងឆ្នាំ 2018 នេះ តើអ្នកមានដឹងថាក្រុមហ៊ុន Sony បញ្ចេញលក់ទូរទស្សន៍ម៉ូដែលអ្វីខ្លះ? នៅក្នុងអត្ថបទខាងក្រោម ទំនើប ...

កាមេរ៉ា Insta360 Evo ថ្មី កាន់តែទំនើប

ដោយ: ដួងច័ន្ទ 9 AM, Monday, 18 Mar, 2019

បន្តពីកាមេរ៉ាដ៏ខ្លាំងម៉ូដែល One X 360 ក្រុមហ៊ុន Insta360 នាពេលនេះបានត្រឡប់មកវិញជាមួយផលិតផលកាមេរ៉ាកាន់តែទំនើប ដែលមានបំណងធ្វើឱ្យការប្រើប្រាស់កាស VR ក...

លក្ខណៈស្កេន ម្រាមដៃ មិនដំណើរការនៅលើ Galaxy S9 តើគួរដោះស្រាយបែបណា?

ដោយ: ភារុន 9 AM, Saturday, 30 Mar, 2019

ទូរស័ព្ទ Samsung Galaxy S9 និង Galaxy S9 Plus គឺជាទូរស័ព្ទដ៏អស្ចារ្យ ដែលមានលក្ខណៈពិសេសដ៏ល្អឥតខ្ចោះ ទាក់ទងនឹងការកំណត់តម្លៃ និងបទពិសោធន៍ ដែលវាផ្តល់ជូ...

អ្វីជា macOS Mojave?

ដោយ: ដួងច័ន្ទ 4 PM, Friday, 30 Nov, 2018

ក្រុមហ៊ុន Apple បានបញ្ចេញកម្មវិធី macOS Mojave ដែលជាប្រព័ន្ធប្រតិបត្តិការរបស់ Mac ចុងក្រោយគេបង្អស់ នាំមកជូននូវមុខងារ Dark Mode ថ្មី ព្រមជាមួយការត្រ...

Tomnerb.Com - YouTube Channel