ចូលចិត្តទំនើប

Huawei ទទួលការហាមឃាត់ប្រព័ន្ធប្រតិបត្តិការ Android ជាមួយនឹងការរចនា «ម៉ូដែល P30 Pro ថ្មី»

ដោយ: ភារុន 9 AM, Tuesday, 10 Sep, 2019

ខណៈពេលដែលយើងទាំងអស់គ្នាកំពុងរង់ចាំការចេញលក់នូវស្មាតហ្វូនខ្សែស្រឡាយ Mate 30 របស់ក្រុមហ៊ុន Huawei នៅចុងខែនេះ ក្រុមហ៊ុនក៏បានបង្ហាញ «ម៉ូដែលថ្មី» ស្ថិតនៅក្នុងខ្សែស្រឡាយ P30 Pro ដូចគ្នា ប៉ុន្តែវាមិនដូចគ្នាទាំងស្រុងទៅនឹងទូរស័ព្ទ P30 Pro ដែលមានស្រាប់នោះទេ។ ម៉ូដែលថ្មីនេះ ត្រូវបានរចនាឡើងមានពីរពណ៌ដ៏រលើបរលោង នោះគឺពណ៌ខៀវ និងពណ៌ផ្កាឡាវេនឌ័រ។ ទន្ទឹមនឹងការរចនាម៉ូតគឺថ្មី ទូរស័ព្ទ P30 Pro នេះក៏បានភ្ជាប់មកជាមួយនឹងប្រព័ន្ធប្រតិបត្តិការ Android 10 ដែលបានតំឡើងពីមុនផងដែរ ហើយនេះក៏ជាវិធីដ៏ឆ្លាតវៃសម្រាប់ក្រុមហ៊ុន Huawei ដើម្បីដាក់បង្ហាញផលិតផលថ្មីរបស់ខ្លួន ជាមួយនឹងប្រព័ន្ធប្រតិបត្តិការ Android ចុងក្រោយបង្អស់របស់ Google។


ដូចគ្នាទៅនឹងទូរស័ព្ទ P30 Pro ដែលមានស្រាប់ដែរ វាក៏មានជម្រើសពណ៌ថ្មីទាំងនេះ ហើយក៏មានប្រព័ន្ធដំណើរការ Kirin 980 របស់ក្រុមហ៊ុន Huawei នៅខាងក្នុង។ ក្រុមហ៊ុន Huawei ក៏បានដាក់ដំណើរការឈីប Kirin 990 ចុងក្រោយបំផុតរបស់ខ្លួននៅថ្ងៃនេះ ជាមួយនឹងម៉ូឌឹម 5G ដែលភ្ជាប់មកជាមួយផងដែរ។ ដំណើរការនេះ នឹងផ្តល់ថាមពលដល់ Mate 30 ថ្មី នៅពេលវាត្រូវបានដាក់បង្ហាញនៅចុងខែនេះ ហើយវាក៏នឹងក្លាយជាការចាប់ផ្តើមដ៏គួរឱ្យចាប់អារម្មណ៍មួយ ដើម្បីពិនិត្យមើល។ កាលពីខែមុន ក្រុមហ៊ុន Google បានបង្ហាញថាស្មាតហ្វូន Mate 30 របស់ក្រុមហ៊ុន Huawei នឹងមិនអាចភ្ជាប់មកជាមួយនឹងកម្មវិធី និងសេវាកម្មរបស់ Google បានតទៅទៀតទេ។ នោះមានន័យថាស្មាតហ្វូនថ្មីនេះ មិនត្រូវបានបញ្ជាក់ សម្រាប់ការចូលប្រើប្រាស់ Google Play Store បានទេ។ ហើយនេះបានធ្វើឱ្យក្រុមហ៊ុន Huawei ស្ថិតនៅក្នុងទីតាំង ដែលត្រូវដំណើរការស្មាតហ្វូន Mate 30 ដោយមិនចាំបាច់ចូលទៅប្រើប្រាស់កម្មវិធីសំខាន់ៗរបស់ Google នៅខាងក្រៅប្រទេសចិន។ ដូច្នេះ យើងនឹងដឹងច្បាស់ថា តើនឹងមានអ្វីកើតឡើងនៅពេលក្រុមហ៊ុន Huawei ប្រកាសចេញលក់ Mate 30 នៅថ្ងៃទី 19 ខែកញ្ញា ខាងមុខនេះហើយ។ ហាក់បីដូចជា ទាល់តែការហាមឃាត់ត្រូវបានដោះស្រាយចប់ហើយ នោះក្រុមហ៊ុន Huawei នឹងត្រូវរៀបចំឡើងវិញ ទើបផលិតផលស្មាតហ្វូនដែលមានស្រាប់ អាចធ្វើបច្ចុប្បន្នភាព ដើម្បីទទួលបានកម្មវិធីថ្មីៗសម្រាប់រក្សាទីផ្សារនៅប៉ែកអ៊ឺរ៉ុប និងអាមេរិច ដែលចាប់អារម្មណ៍នៅលើទូរស័ព្ទ ដែលនៅតែអាចចូលប្រើប្រាស់ Google Play បាន។


ក្រុមហ៊ុន Huawei អាចត្រូវបានរៀបចំរចនាឡើងវិញថ្មីតិចតួច សម្រាប់ម៉ូដែល P30 Pro ឬក៏ ត្រូវចំណាយពេលធ្វើការនេះ រយៈពេលជាច្រើនខែ ប៉ុន្តែពេលវេលាដែលត្រូវបានស្នើ វាពិតជាការងារមួយដ៏គួរឱ្យចាប់អារម្មណ៍ជុំវិញនៃការហាមឃាត់ទៅលើឧបករណ៍ថ្មី ដែលដំណើរការប្រព័ន្ធប្រតិបត្តិការ Android ។ ម្យ៉ាងទៀត ក្រុមហ៊ុន Huawei មិនបានបញ្ជាក់តម្លៃដ៏ជាក់លាក់ ឬ លទ្ធភាពដែល P30 Pro អាចធ្វើបច្ចុប្បន្នភាពនេះបាននៅឡើយទេ ប៉ុន្តែក្រុមហ៊ុនក៏បានបង្ហាញការធ្វើបច្ចុប្បន្នភាព EMUI10 ចុងក្រោយបង្អស់របស់ខ្លួន (ផ្អែកលើប្រព័ន្ធប្រតិបត្តិការ Android 10) ហើយវាក៏នឹងមាន Beta នៅក្នុងខែនេះផងដែរ៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

វិធីសាស្រ្តទទួលបាន រូបភាពច្បាស់ ពីទូរទស្សន៍ 4K

ដោយ: ដួងច័ន្ទ 10 PM, Tuesday, 03 Oct, 2017

ការទស្សនាទូរទស្សន៍ ដែលមានរូបភាពច្បាស់កម្រិត 4K ប៉ុន្តែអ្នកមិនបានប្រើប្រាស់វាឱ្យត្រឹមត្រូវតាម មុខងារ គឺជាការខ្ជះខ្ជាយមួយ។ ជាមួយបច្ចេកវិទ្យា 4K Ultra...

Apple កំពុងធ្វើតេស្ត iPhone ថ្មី

ដោយ: ដួងច័ន្ទ 9 AM, Sunday, 03 Feb, 2019

យោងតាមព័ត៌មានថ្មី ដកស្រង់ចេញពីសារព័ត៌មាន Bloomberg បានឱ្យដឹងថា ក្រុមហ៊ុន Apple មានគម្រោងបញ្ចេញផលិតផលទូរសព្ទ iPhone ដែលមានកាមេរ៉ាក្រោយចំនួន 3 នៅក្នុ...

6 តិចនិចងាយៗ ដើម្បីធ្វើឱ្យវីដេអូលើ iPhone ដូចជាវីដេអូអាជីព

ដោយ: ដួងច័ន្ទ 7 PM, Thursday, 04 May, 2017

យើងបានប្រមូលតិចនិកជាមូលដ្ឋាន និងវិធីសាស្រ្តមួយចំនួន ដើម្បីជួយអ្នកទទួលបានលទ្ធផលល្អ នៅពេលអ្នកប្រើប្រាស់ទូរសព្ទ iPhone ដើម្បីថតយកវីដអូ។ នៅពេលដែលលោក St...

HP ត្រៀមចាប់ Android OS ដាក់ចូលស្មាតហ្វូន ផលិតលក់ម្តងទៀត!

ដោយ: ដាលីស 12 AM, Sunday, 10 May, 2015

កាលពីចុងឆ្នាំ 2013កន្លងមកនេះ មានលេចឮព័ត៌មានថា HP ក្រុមហ៊ុនផលិតកុំព្យូទ័រល្បីឈ្មោះ កំពុងត្រៀមវិលត្រឡប់ មកហក់ចូលទីផ្សារស្មាតហ្វូនជាថ្មីម្តងទៀត ដោយជ្រ...

Tomnerb.Com - YouTube Channel