ចូលចិត្តទំនើប

Huawei បំបែកកំណត់ត្រាលក់ទូរសព្ទបាន 200 លានគ្រឿង

ដោយ: ដួងច័ន្ទ 8 AM, Wednesday, 02 Jan, 2019

នៅក្នុងឆ្នាំ 2018 នេះក្រុមហ៊ុន Huawei បានបំបែកកំណត់ត្រារបស់ក្រុមហ៊ុន ក្នុងការលក់ដាច់ទូរសព្ទ Smartphone បានចំនួន 200 លានគ្រឿង ដែលនេះជាការអះអាងរបស់ក្រុមហ៊ុនផ្ទាល់ មានបញ្ជាក់នៅក្នុងសេចក្តីប្រកាសព័ត៌មានចេញផ្សាយកាលពីពេលថ្មីៗនេះ។
ក្រុមហ៊ុនផលិតទូរសព្ទរបស់ប្រទេសចិនមួយនេះ បានរៀបរាប់ថា ចំនួននៃការលក់នេះ ភាគច្រើនកើតចេញពីភាពជោគជ័យរបស់ផលិតផលមួយចំនួន មានដូចជាទូរសព្ទម៉ូដែល P20, Honor 10 និងស៊េរី Mate 20 ជាដើម។

ក្រុមហ៊ុនបានបន្ថែមថា ការដាក់លក់ផលិតផល Smartphone របស់ក្រុមហ៊ុន Huawei បានកើនឡើងចាប់ពី 3 លានគ្រឿងនៅក្នុងឆ្នាំ 2010។ កាលពីឆ្នាំមុន ក្រុមហ៊ុនបញ្ជាក់ថាខ្លួនបានលក់ផលិតផលក្នុងបរិមាណ 153 លានគ្រឿង។

យោងតាមអ្នកស្រាវជ្រាវ Canalys បានអះអាងក្រុមហ៊ុននេះបានប្រជែងឈ្នះក្រុមហ៊ុន Apple នៅក្នុងត្រីមាសទីពីរ នៃឆ្នាំ 2018 ដោយបានក្លាយខ្លួនជាក្រុមហ៊ុនផលិតទូរសព្ទធំជាងគេលំដាប់ទីពីរនៅក្នុងពិភពលោក។

Huawei បានបរិយាយនៅក្នុងសេចក្តីប្រកាសព័ត៌មានថា «នៅក្នុងទីផ្សារទូរសព្ទ Smartphone ក្នុងពិភពលោក ក្រុមហ៊ុន Huawei បានធ្វើដំណើរចាប់ពីស្ថិតិក្រុមហ៊ុនដែលពុំមានការចាប់អារម្មណ៍ ក្លាយទៅជាក្រុមហ៊ុនកំពូលលំដាប់ទី 3 នៅក្នុងពិភពលោក។»
ក្រៅពីភាពជោគជ័យនៅក្នុងឆ្នាំនេះ ក្រុមហ៊ុន Huawei នៅតែជួបប្រទះនឹងបញ្ហាប្រឈមមួយចំនួនដដែល ជាពិសេសបញ្ហាជាមួយរដ្ឋាភិបាលអាមេរិក។ ឧទាហរណ៍ កាលពីខែកុម្ភៈ ស្ថាប័ន US Intelligence Official បានណែនាំមិនឱ្យប្រជាជនអាមេរិកទិញផលិតផលរបស់ក្រុមហ៊ុន Huawei ដោយព្រួយបារម្ភថាផលិតផលទាំងនោះនឹងត្រូវបានប្រើប្រាស់សម្រាប់ជាឧបករណ៍ចារកម្មសម្រាប់រដ្ឋាភិបាលចិន។
យ៉ាងណាក្តី ក្រុមហ៊ុន Huawei នៅតែមានប្រជាប្រិយភាពនៅតាមតំបន់មួយចំនួនទៀត ដូចជានៅប្រទេសចិន និងតំបន់អឺរ៉ុបជាដើម។ ក្នុងនោះមានមនុស្សច្រើនជាង 500 លាននាក់នៅក្នុងប្រទេសចំនួន 170 បាននឹងកំពុងប្រើប្រាស់ទូរសព្ទ Huawei។

កាលពីខែសីហា ក្រុមហ៊ុនបានបង្កើនការព្យាករណ៍ការដឹកជញ្ជូនផលិតផលរបស់ខ្លួនសម្រាប់ឆ្នាំ 2018 ពី 180 លានគ្រឿង ទៅ 200 លានគ្រឿង ហើយក្រុមហ៊ុនបញ្ជាក់ថាក្រុមហ៊ុនមានបំណងក្លាយជាក្រុមហ៊ុនលក់ទូរសព្ទដៃធំជាងគេនៅក្នុងពិភពលោក នៅដំណាច់ឆ្នាំ 2019។

ប្រភព: cnet ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

ជើងទម្រ សម្រាប់សាកថ្មទូរសព្ទទាំង ១០ ប្រភេទ ដ៏ទាន់សម័យ

ដោយ: ដួងច័ន្ទ 7 PM, Thursday, 16 Mar, 2017

បើសិនជាអ្នកបានឃើញ ទូរសព្ទរបស់អ្នកបង្ហាញថា ថាមពលថ្មនៅសល់តែ ១០ភាគរយទៀត តម្រូវឱ្យអ្នកបញ្ចូលថ្មជាបន្ទាន់ ប៉ុន្តែអ្នកមិនមានឧបករណ៍សាកថ្ម នៅក្បែរខ្លួន។ នេ...

JBL Pulse 3 សម្រាប់ពិធីជប់លៀង ដ៏រីករាយ

ដោយ: ដួងច័ន្ទ 11 PM, Sunday, 01 Oct, 2017

  ចង្កៀងបែប Lava គឺជាសម្ភារៈតុបតែងលម្អក្នុងគេហដ្ឋានដ៏មានប្រជាប្រិយភាពមួយនាពេលបច្ចុប្បន្ន ប៉ុន្តែបើសិនជាពន្លឺដ៏ភ្លឺចិញ្ចាចទាំងនោះអាចបញ្ចេញពន្លឺលោតតា...

នាឡិកាដៃ Huawei Watch 2 អាចដំណើរការបាន ដោយគ្មានមុខងារឆ្លាតវៃ

ដោយ: ដួងច័ន្ទ 6 PM, Monday, 22 May, 2017

យើងទាំងអស់គ្នា បានដឹងពីគុណប្រយោជន៍របស់ Smartwatch ហើយ ប៉ុន្តែផលិតផលនៃបច្ចេកវិទ្យាថ្មីនេះ នៅតែជួបប្រទះនឹងបញ្ហាមួយចំនួន។ ទោះបីជាមានការចូលរួមប្រកួតប្រ...

Google Maps អាចប្រាប់ពីល្បឿនបើកបររបស់អ្នក

ដោយ: ដួងច័ន្ទ 8 AM, Thursday, 13 Jun, 2019

ក្រុមហ៊ុន Google ស្ងាត់ៗបានបន្ថែមមុខងារវាស់ស្ទង់ល្បឿននៃការបើកបរបន្តផ្ទាល់មួយ នៅក្នុងកម្មវិធី Google Maps ដែលអនុញ្ញាតឱ្យអ្នកអាចតាមដានល្បឿននៃការបើកបរ...

Tomnerb.Com - YouTube Channel