ចូលចិត្តទំនើប

Huawei បញ្ជាក់ថា ទូរស័ព្ទ Mate 30 Pro ថ្មី នឹងមិនមានប្រព័ន្ធប្រតិបត្តិការ Android របស់ Google ទេ!

ដោយ: ភារុន 8 AM, Monday, 23 Sep, 2019

ក្រុមហ៊ុន Huawei ទើបតែប្រកាសចេញនូវស្មាតហ្វូនស៊េរីចុងក្រោយ នោះគឺទូរស័ព្ទ Mate 30 Pro របស់ខ្លួន។ ប៉ុន្តែក្រុមហ៊ុនអាចនឹងពិបាកលក់ទូរស័ព្ទស៊េរីថ្មីនេះនៅអ៊ឺរ៉ុប។ ម្យ៉ាងទៀត ក្រុមហ៊ុនផលិតស្មាតហ្វូនរបស់ប្រទេសចិន ដ៏ធំមួយនេះ ត្រូវបានដាក់បញ្ចូលទៅក្នុងបញ្ជីអង្គភាពរបស់អាមេរិចនៅដើមឆ្នាំនេះ ដោយរារាំងក្រុមហ៊ុនណាមួយនៅក្នុងសហរដ្ឋអាមេរិច ពីការធ្វើជំនួញជាមួយនឹងក្រុមហ៊ុន Huawei ។ កាលពីខែមុននេះ ក្រុមហ៊ុន Google បានបង្ហាញថា បញ្ជីឈ្មោះនៅក្នុងអង្គភាពនេះ ហើយមានន័យថាក្រុមហ៊ុន Google មិនអនុញ្ញាតឱ្យក្រុមហ៊ុន Huawei ដំណើរការទូរស័ព្ទ Mate 30 Pro ជាមួយនឹងកម្មវិធីទាំងអស់របស់ Google ដែលបានតំឡើងជាមុនទេ ដោយហាមឃាត់ឧបករណ៍អេឡិចត្រូនិចស៊េរីថ្មីៗរបស់ Huawei ពីផ្នែកសំខាន់ៗនៃប្រព័ន្ធប្រតិបត្តិការ Android ដូចជា Google Play Store ជាដើម។


ឥឡូវនេះក្រុមហ៊ុន Huawei បានបញ្ជាក់ថាពីរឿងនេះហើយ។ លោក Richard Yu នាយកប្រតិបត្តិផ្នែកផលិតរបស់ក្រុមហ៊ុន Huawei បានបង្ហាញនៅលើវេទិកាមួយនៅឯប្រទេសអាល្លឺម៉ង់ កាលពីព្រឹកថ្ងៃទី19 ខែកញ្ញានេះថា «ក្រុមហ៊ុន Huawei ត្រូវបានបង្ខំឱ្យបោះបង់ អាជ្ញាប័ណ្ណសេវាកម្មទូរស័ព្ទចល័តរបស់ Google ហៅកាត់ថា «GMS» នៅលើទូរស័ព្ទស៊េរី Mate 30 ។
លោក Yu បានពន្យល់យ៉ាងខ្លីថា «យើងមិនអាចប្រើស្នូលនៃសេវាកម្មទូរស័ព្ទចល័តរបស់ Google បានតទៅទៀតទេ ដូច្នេះយើងអាចប្រើស្នូលនៃសេវាកម្មទូរស័ព្ទចល័តរបស់ Huawei ផ្ទាល់ ដែលត្រូវបានហៅកាត់ថា (HMS)»។ ចាប់ពីថ្ងៃនេះតទៅ ដោយសារតែការហាមឃាត់របស់សហរដ្ឋអាមេរិច ដែលថាទូរស័ព្ទស៊េរីថ្មីទាំងអស់មិនអាចតំឡើងប្រព័ន្ធ GMS Core បានទេ ហើយត្រូវបានបង្ខំឱ្យយើងប្រើប្រព័ន្ធ HMS Core ដើម្បីដំណើរការកម្មវិធី Gallery របស់ Huawei នៅក្នុងទូរស័ព្ទស៊េរី Mate 30 ។


Google Play Store គឺជាផ្នែកសំខាន់មួយនៃអាជ្ញាប័ណ្ណសេវាកម្មទូរស័ព្ទចល័ត Google របស់ក្រុមហ៊ុន Google ហើយវាក៏ជាវិធីដែលទូរស័ព្ទស៊េរីថ្មីទាំងអស់ដំណើរការប្រព័ន្ធប្រតិបត្តិការ Android ភាគច្រើន នៅខាងក្រៅប្រទេសចិនអាចចូលប្រើប្រាស់កម្មវិធីនេះបាន។ ក្រុមហ៊ុន Huawei ពិតជាមិនអាចធ្វើការបានយ៉ាងងាយស្រួលនោះទេ ផ្ទុយទៅវិញក្រុមហ៊ុនគ្រាន់តែបង្កើតជម្រើសរបស់ខ្លួនផ្ទាល់ ដើម្បីជំនួសការប្រើប្រាស់កម្មវិធី Google Play Store និងសេវាកម្មផ្សេងៗដែលពាក់ព័ន្ធនឹងកម្មវិធី Google។ ម្យ៉ាងទៀត ក្រុមហ៊ុន Huawei កំពុងប្រើប្រាស់ថវិកាចំនួន មួយពាន់លានដុល្លារ ដើម្បីផ្គត់ផ្គង់ទៅលើការអភិវឌ្ឍ និងពង្រីកចំនួនអ្នកប្រើប្រាស់ រួមទាំងទីផ្សារនៃសេវាកម្មទូរស័ព្ទចល័ត Huawei ផ្ទាល់ខ្លួនតែម្តង។

មានកម្មវិធីចំនួន 45,000 ដែលត្រូវបានបញ្ចូលរួចរាល់ ជាមួយនឹងសេវាកម្មចល័ត Huawei ប៉ុន្តែវានឹងមានរាប់ពាន់បន្ថែមទៀត ដែលនឹងត្រូវការ ការកែសម្រួលរួចហើយសិន ទើបអាចប្រើប្រាស់នៅក្នុងកម្មវិធី Gallery របស់ក្រុមហ៊ុន Huawei ៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

រថយន្ត 3 ប្រភេទ ស័ក្តិសមធ្វើដំណើរផ្លូវឆ្ងាយ

ដោយ: ចរិយា 11 PM, Friday, 23 Dec, 2016

ប្រសិនបើអ្នកបើកបរ នៅក្នុងទីក្រុង ទៅធ្វើការ ឬទៅជាយក្រុង អ្នកមិនបាច់ខ្វល់ច្រើនទេ នឹងរឿងប្រើរថយន្តអ្វីនោះ។ ប៉ុន្តែបើអ្នកធ្វើដំណើរទៅឆ្ងាយ ដូចជាទៅតាមខេត...

តិចណូឡូជី ស្គែនសរសៃឈាមបាតដៃ ដោះសោលែបថប់

ដោយ: ដាលីស 9 PM, Wednesday, 27 May, 2015

ឥឡូវនេះរឿងសេនស៊ើរ៍ ដើម្បីសុវត្ថិភាពកំពុងតែពេញនិយមដូចជា ការស្គែនក្រយ៉ៅម្រាមដៃ ដើម្បី​ដោះ​សោទូរស័ព្ទជាដើម ដែលតិចណូឡូជីទាំងនេះ មានប្រើនៅលើលែបថប់មកយូរហ...

បញ្ហាលេចឡើងនៅលើ Telegram Desktop

ដោយ: ដួងច័ន្ទ 8 AM, Thursday, 04 Oct, 2018

កម្មវិធី Telegram ទទួលបានកេរ្តិ៍ឈ្មោះដ៏ល្បីល្បាញសម្រាប់ការផ្តល់នូវសុវត្ថិភាព និងឯកជនភាព ដែលជាតម្រូវការដ៏សំខាន់មួយសម្រាប់ការប្រើប្រាស់នៅក្នុងបណ្តាញរ...

LG Electronics បានបង្ហាញផលិតផលស៊េរីថ្មីឆ្នាំ 2016 ក្មុងកម្មវិធីជប់លៀងប្រចាំឆ្នាំ LG VIP Night

ដោយ: WangSang 12 AM, Wednesday, 13 Jul, 2016

កាលពី ថ្ងៃទី 7 ខែ កក្កដា ឆ្នាំ 2016 ក្រុមហ៊ុន LG Electronics និង ក្រុមហ៊ុន G Gear ដែលជាក្រុមហ៊ុនដៃគូរយុទ្ធសាស្ត្រតែមួយគត់នៅក្នុងប្រទេសកម្ពុជា បានរៀ...

Tomnerb.Com - YouTube Channel