ចូលចិត្តទំនើប

Huawei ប្រកាសពីទូរសព្ទថ្មី Nova 4

ដោយ: ដួងច័ន្ទ 8 AM, Friday, 21 Dec, 2018

ក្រុមហ៊ុន Huawei បានប្រកាសពីទូរសព្ទ Smartphone ថ្មី មានឈ្មោះថា Nova 4 ក្នុងរយៈពេល មួយសប្តាហ៍ពេញនៃការបង្ហើបព័ត៌មានទាក់ទងនឹងមុខងារដ៏លេចធ្លោបំផុត គឺ Hole-Punch ដែលប្រើប្រាស់សម្រាប់ដាក់កាមេរ៉ា Selfie មានទំហំ 25 Megapixel។

កាលពីសប្តាហ៍មុន ក្រុមហ៊ុន Samsung បានធ្វើការប្រកួតប្រជែងជាមួយ Huawei ជាមួយការបញ្ចេញទូរសព្ទជំនាន់ថ្មី មានលក្ខណៈស្រដៀងគ្នា គឺទូរសព្ទ Galaxy A8s ជាមួយនឹងរន្ធ Hole Punch ដូចគ្នា ប៉ុន្តែទូរសព្ទថ្មីរបស់ក្រុមហ៊ុន Huawei ទំនងដូចជាមានរន្ធតូចជាង សម្រាប់ដាក់កាមេរ៉ាមុខ។ យើងនឹងត្រូវរងចាំរហូតដល់ទូរសព្ទនេះចេញលក់ជាផ្លូវការនៅលើទីផ្សារ ដើម្បីអាចដឹងការជះឥទ្ធិពលរបស់ Hole Punch ទៅលើគុណភាពរូបថត។
កាលពីសប្តាហ៍មុន ក្រុមហ៊ុន Honor ដែលជា Sub-Brand របស់ Huawei បានធ្វើការប្រកាសមួយភាគអំពីទូរសព្ទថ្មី View 20 ដែលជាទូរសព្ទមួយគ្រឿង ទំនងដូចជាមានលក្ខណៈរួមគ្នាជាមួយនឹងទូរសព្ទ Nova 4។ ក្រៅពីការរចនា Hole Punch ដូចគ្នា ទូរសព្ទទាំងពីរនេះមានកាមេរ៉ាទំហំ 48 megapixel ជាកាមេរ៉ាក្រោយដូចគ្នា។ វាជាផ្នែកមួយនេះបណ្តុំកាមេរ៉ាទាំងបីនៅលើទូរសព្ទ Nova 4 ប៉ុន្តែ Honor មិនបានបង្ហាញរូបរាងខាងក្រោយរបស់ទូរសព្ទ View 20 នៅឡើយទេ។ ចំណុចខុសពីទូរសព្ទ View 20 គឺទូរសព្ទ Nova 4 ត្រូវបានផ្តល់ថាមពលដោយប្រព័ន្ធប្រតិបត្តិការ Kirin 970 ដែលត្រូវបានប្រើប្រាស់នៅលើទូរសព្ទ View 10 និងនៅលើទូរសព្ទ Huawei P20 Pro ចំណែកទូរសព្ទ Honor ថ្មី នឹងប្រើប្រាស់ប្រព័ន្ធប្រតិបត្តិការ Kirin 980។

លក្ខណៈពិសេសដទៃទៀតរបស់ Nova 4 រួមមានអេក្រង់ទំហំ 6.4 inch ប្រភេទ 2310 x 1080 មាន RAM ទំហំ 8GB មានឃ្លាំងផ្ទុកទិន្នន័យទំហំ 128GB មាន Rear-Mounted Fingerprint Sensor បំពាក់ជាមួយបច្ចេកវិទ្យាបញ្ចូលថ្មល្បឿនលឿន 18W ដោយប្រើប្រាស់ USB-C និងបំពាក់ជាមួយថ្មមានកម្លាំង 3,750mAh។

ទូរសព្ទ Nova 4 នឹងចេញលក់ក្នុងតម្លៃប្រមាណ $490 សម្រាប់ម៉ូដែលដែលមានលក្ខណៈពិសេសដូចបានរៀបរាប់ខាងលើ ប៉ុន្តែសម្រាប់ម៉ូដែលដែលជាជម្រើសជំនួសកាមេរ៉ាទំហំ 48 megapixel ដោយកាមេរ៉ាទំហំ 20 megapixel វិញ នឹងមានតម្លៃប្រមាណ $450។
ទូរសព្ទជំនាន់ថ្មីនេះនឹងបង្ហាញវត្តមាននៅក្នុងទីផ្សារក្នុងប្រទេសឥណ្ឌា និងទីផ្សារអឺរ៉ុប បន្ទាប់ពីវាត្រូវបានចេញលក់នៅក្នុងប្រទេសចិន៕

ប្រភព: theverge ផ្នែក: បច្ចេកវិទ្យា, ទូរស័ព្ទ

អត្ថបទអ្នកចង់អាន

7 តិចនិក ដើម្បីពង្រីកទំហំឃ្លាំងទិន្នន័យ លើ iPhone

ដោយ: ដួងច័ន្ទ 10 PM, Tuesday, 02 May, 2017

នៅពេលដែលទូរសព្ទ iPhone របស់អ្នកចាប់ផ្តើមអស់ទំហំ នៃឃ្លាំងផ្ទុកទិន្នន័យ អ្នកអាចចាប់ផ្តើមលុបកម្មវិធីមួយចំនួន រូបថត និងវីដេអូ ដើម្បីរក្សា ឬពង្រីកទំហំឃ្...

Visiobike ទោចក្រយានដែលឆ្លាតបំផុតលើពិភពលោក

ដោយ: ដាលីស 3 PM, Saturday, 11 Apr, 2015

Visiobike ទោចក្រយានស៊េរីថ្មីដែលបង្ហាញខ្លួនឡើងនៅក្នុងវេបសាយ indiegogo នឹងធ្វើឱ្យការជិះទោច​ក្រយាននៅ​ក្នុង​ទីក្រុងក្លាយជារឿងមួយដែលលែងដូចពីមុនទៀតហើយ កា...

ទូរសព្ទ Google Pixel 2 នឹងចេញលក់ឆាប់ៗនេះ ក្នុងតម្លៃដ៏ខ្ពស់

ដោយ: ដួងច័ន្ទ 9 PM, Sunday, 12 Mar, 2017

យោងតាមលោក Rick Osterloh ប្រធានផ្នែក Software របស់ក្រុមហ៊ុន Google បានឱ្យដឹងថា ទូរសព្ទ Google Pixel ម៉ូដែលថ្មី កំពុងត្រៀមបង្ហាញខ្លួន ប៉ុន្តែវានៅតែមា...

LG អស្ចារ្យ! កំពុងផលិតអេក្រង់ទូរទស្សន៍ មូរបានដូចក្រដាស

ដោយ: ដាលីស 10 PM, Monday, 13 Apr, 2015

ជឿថាមនុស្សជាច្រើនប្រហែលជាធ្លាប់បានឮព័ត៌មាននេះមកខ្លះហើយបើមិនតិចក៏ច្រើនដែរ ពាក់ព័ន្ធនឹង​ការ​អភិវឌ្ឍន៍​អេក្រង់ទូរទស្សន៍បែបថ្មី ដែលអាចបត់ឱ្យកោង-ងបត់បែន...

Tomnerb.Com - YouTube Channel