htc10 អាវុធថ្មីរបស់ htc ប្រចាំឆ្នាំ 2016

កន្លងមកតែងតែមានការបែកធ្លាយពីម៉ូដែលទូរស័ព្ទ​ចុង​ក្រោយ​របស់​ htc ថានឹង​បញ្ចេញម៉ូដែល​ជំនាន់ក្រោយ M10 បន្ទាប់ពី M9 និង M9S។ ប៉ុន្តែនៅពេលថ្មីៗនេះ htc បានប្រកាសជា​ផ្លូវ​ការនូវម៉ូដែលស្មាតហ្វូន​ស៊េរីចុងក្រោយពិតមែន តែមិនមែនជាត្រកូល “M” នោះទេ គឺ htc 10 ទៅវិញ។

htc 10 គឺជាស្មាតហ្វូនដ៏កំពូលមួយប្រចាំឆ្នាំ 2016​​ ខណៈដែល LG និង Samsung ទើបតែប្រកាសកំពូលស្មាតហ្វូនរបស់ពួកគេជាផ្លូវនាពេលកន្លងទៅ។

ការរចនា

htc10 មើលទៅហាក់បីដូចជាដូចគ្នាទៅនឹងទូរស័ព្ទស៊េរីមុនរបស់ htc ផងដែរ ប៉ុន្តែវាត្រូវបានរចនានូវផ្នែកខាងក្រោយបានស្អាតជាមុន ដោយមានខ្សែឆ្នូរចំនួនពីរដូចទៅនឹង iPhone 6S plus និងមាន Logo htc នៅផ្ទៃទីក្រោយ។ នៅផ្នែកខាងមុខគឺមានរូបរាងសឹងតែដូច iPhone 60% តែជ្រុងគែមវាមានទាលបន្តិច និងអបដោយរន្ធបំពងសំឡេងចំនួនពីរ ដែលអាចបញ្ចេញសំឡេង​ក្នុង​កម្រិត 24 bit high-quality DAC។

នៅផ្នែកខាងក្រោមនៃអេក្រង់ គឺមានប៊ូតុងហូម ដែលមានមុខងារស្កេនក្រយ៉ៅដៃបាន ហើយផ្នែកខាងក្រោមគឺមានរន្ធបញ្ចូលថ្ម​ប្រភេទ C ជំនានថ្មី ដែលអាចសាកថ្មបានលឿន គឺបាន 50% ត្រឹមតែ 30នាទីប៉ុណ្ណោះ។

ដំណើរការ

htc10 ក៏ដូចនឹងស្មាតហ្វូនដ៏ទៃទៀតរបស់ LG និង Samsung ដែលត្រូវាបដំណើរការអង្គគណនាជំនាន់ចុងក្រោយបង្អស់របស់ Qualcomm Snapdragon 820 ដែលមានអង្គគណនាចំនួន 2គ្រាប់ បំពាក់មកជាមួយនឹង អង្គចងចាំ RAM 4GB និង អង្គចងចាំក្នុង 32GB និង​64GB និងអាចបន្ថែម SD កាតបានដល់ 2TB។ ដំណើរការដោយប្រព័ន្ធប្រតិបត្តិការ Android 6.0 Marshmallow និងត្រូវរចនាដោយ Sence UI ជំនាន់ទី 8​ ដែលមើលទៅវាមានលក្ខណៈសមញ្ញ។

កាមេរ៉ា

វាត្រូវបានបំពាក់មកជាមួយកាមេរ៉ាជំនាន់ថ្មី 12MP Ultra Pixel ដែលមានកម្រិតកែវលែន F1.8 ដែលធ្វើឲ្យវាអាថតរូបនៅទីមានពន្លឺមិនគ្រប់គ្រាន់បានយ៉ាងល្អ ជាមួយនឹង OIS ភ្លើងជំនួយចំនួនពីរគ្រាប់។ កាមេរ៉ាមុខទំហ៊ំ 5MP ដែលអាចថតរូបបានយ៉ាងច្បាស់ល្អ ជាមួយនឹងកម្រិតកែវលែន F1.8ផងដែរ។ htc 10 អាចថតវីដេអូក្នុងកម្រិត 4K និង Slow-Mo និងមានមុខងារថតរូបភាពមានចលនាដូចទៅនឹង Live Photo របស់ iPhone ផងដែរ។

លក្ខណៈសម្បត្តិរបស់ htc10

• អេក្រង់៖ 5.2″ Quad HD Super LCD ជំនាន់ទី5
• អង្គគណនា៖ Qualcomm Snapdragon 820 ចំនួន 2គ្រាប់
• អង្គចងចាំ៖ 4GB RAM, អង្គចងចាំក្នុង 32/64GB និងអាចបន្ថែម SD កាតបានដល់ 2TB
• កាមេរ៉ាក្រោយ៖ 12MP UltraPixel 2ុ, 1.55um pixels and f/1.8 aperture, OIS, laser autofocus, RAW, 4K video recording, Pro camera mode, hyperlapse
• កាមេរ៉ាមុខ៖ 5MP front-facing camera with ultra-wide lens, OIS, 1.34um pixels and f/1.8 aperture
• រន្ធបំពងសំឡេង៖ ចំនួន 2 ប្រភេទ​ BoomSound Dolby Audio, woofer + tweeter, 3 noise-cancelling mics
• ថាមពលថ្ម៖ 3,000mAh battery
• ប្រព័ន្ធប្រតិបត្តិការ៖ HTC Sense 8 UI atop Android 6.0 Marshmallow 
• មុងពិសេស៖ Fingerprint sensor, USB Type-C
• ពណ៌៖ ខ្មៅប្រផេះ, ទឹកប្រាក់, មាស, ក្រហម

លោកអ្នកពិតជាមិនអាចមើលរំលងពីតម្លៃរបស់ដែរ htc10 មានតម្លៃប្រហាក់ប្រហែល $699 នៅ USA និងចាប់ផ្តើមធ្វើការកក់ទុកបានហើយតាមរយៈ ក្រុមហ៊ុន Verizon, Sprint, and T-Mobile ហើយវានឹងទៅដល់ USA នៅកំឡុងខែក្រោយ។ ចំពោះប្រទេសកម្ពុជាវិញ ទំនើបនឹងធ្វើការបង្ហាញម្តងទៀត ជាមួយនឹងតម្លៃផងដែរ នៅពេលដែលវាមានលក់នៅកម្ពុជា។