ចូលចិត្តទំនើប

កាមេរ៉ា Fujifilm GFX 100 ខ្លាំងប៉ុណ្ណា?

ដោយ: ដួងច័ន្ទ 9 AM, Tuesday, 28 May, 2019

ក្រុមហ៊ុន Fujifilm ទើបនឹងប្រកាសជាផ្លូវការអំពីផលិតផលកាមេរ៉ាថ្នាក់កណ្តាលថ្មី គឺម៉ូដែល GFX 100។ នេះជាម៉ូដែល GFX ចុងក្រោយបង្អស់ ដែលចូលរួមជាមួយនឹងម៉ូដែល GFX 50S និង GFX 50R ដែលបានចេញលក់កាលពីឆ្នាំ 2016 និង 2018។ ម៉ូដែល GFX 100 ត្រូវបានគេណែនាំនូវលក្ខណៈពិសេសធំៗមួយចំនួន លើសពីម៉ូដែលចាស់ទាំងពីរ រួមមានកម្រិត Resolution កាន់តែខ្ពស់ ការបំពាក់ Image Stabilization នៅក្នុងតួកាមេរ៉ា និងប្រតិបត្តិការកាន់តែលឿនជាងមុន។ កាមេរ៉ាថ្មីនេះ នឹងបង្ហាញវត្តមានចាប់ពីថ្ងៃទី 27 ខែមិថុនាតទៅ ក្នុងតម្លៃ $9,999.95។

ខុសពីទម្រង់កាមេរ៉ាថ្នាក់កណ្តាលចាស់ៗ ម៉ូដែល GFX 100 មានបំពាក់នូវការរចនាបែប Full-Size មានន័យថា វាមានដាក់បញ្ចូលនូវ Grip បញ្ឈរ និងមានជើងកាន់តែធំជាងកាមេរ៉ា Mirrorless ទូទៅ។ ទំហំរបស់វាស្ទើរតែប៉ុននឹងទំហំរបស់កាមេរ៉ា EOS-1D X របស់ Canon។ នៅក្នុងតួកាមេរ៉ាដ៏ធំនេះ មានបំពាក់ 3-Pound Frame ថ្មី ដែលជា Sensor មានទំហំ 102 megapixel និងមានប្រព័ន្ធ In-Body Image Stabilization ដែលមាន Five-Axis ដែល Fujifilm អះអាងថា នឹងផ្តល់ជូននូវការកែសម្រួលរំញ័រ 5.5 stops។ បន្ថែមលើនេះ ម៉ូដែល GFX 100 គឺជាកាមេរ៉ាថ្នាក់កណ្តាលដំបូង ដែលមាន Phase Detection Autofocus ដែលជាការពង្រឹងសមត្ថភាពដ៏ធំ នៅក្នុងសមត្ថភាព Autofocus ដែលមាននៅលើម៉ូដែល GFX ចាស់ៗ។

Fujifilm អះអាងថា វាផ្តល់នូវការបំពេញមុខងារកើនឡើងរហូតដល់ 210% លើសពីប្រព័ន្ធ Contrast-Detect នៅក្នុង GFX 50S និង 50R។ វាអាចដើរតាមវត្ថុដែលអ្នកចង់ចាប់យក ក្នុងល្បឿនរហូតដល់ 5 fps នៅក្នុងមុខងារ Continuous Focus Tracking និងអាចធ្វើការ Focus ក្នុងកម្រិតពន្លឺទាបបំផុត -2EV។ Sensor នេះមានបរិមាត្រអង្កត់ទ្រូង 55mm និង ផ្តល់នូវ Surface Area ច្រើនជាងមុន 1.7 ដង លើសពីបន្ទះឈីប Full Frame ទំហំ 35mm។
Sensor ទំហំ 102 megapixel ថ្មីក៏ផ្តល់ជូននូវកម្រិត Resolution កាន់តែខ្ពស់ ដែលធ្វើឱ្យកាមេរ៉ា GFX 100 ស្ថិតនៅលំដាប់ស្មើគ្នានឹងប្រព័ន្ធកាមេរ៉ាលំដាប់ខ្ពស់ ចេញពីក្រុមហ៊ុន Hasselblad និង Phase One។ បន្ទះឈីប CMOS អាចផ្តល់នូវរូបភាព 16-bit តាមរយៈប្រព័ន្ធ X-Processor 4 របស់ក្រុមហ៊ុន។ Sensor ថ្មីមាន ISO ដើម 100 ជាមួយនឹងលំដាប់ខ្ពស់បំផុតរហូតដល់ 12,800។

មុខងារវីដេអូរបស់ GFX 100 ក៏មានលក្ខណៈស្រដៀងគ្នាទៅនឹងម៉ូដេឡ X-T3 ដែរ។ វាអាចថតវីដេអូ 4K ក្នុងល្បឿន 30 fps ដោយប្រើប្រាស់ Entire Width របស់ Sensor។ វាអាចបញ្ចេញនូវវីដេអូ 10-bit 4:2:0 ទៅកាន់ SD Card ឬ វីដេអូ 4:2:2 ទៅកាន់កាមេរ៉ាថតខាងក្រៅតាមរយៈ HDMI។
ការផ្លាស់ប្តូរដទៃទៀតនៃ Hardware រួមមាន OLED Electronic Viewfinder កម្រិត 5.76 million dot ការផ្តល់ថាមពលចេញពីថ្មចំនួន 2 គ្រាប់ ជាមួយនឹងការថតបាន 800 សន្លឹក អេក្រង់ 2-Way Tilting Touchscreen និងសមត្ថភាពធន់នឹងបម្រែបម្រួលអាកាសធាតុ។ Fujifilm បានរចនាឡើងវិញនូវ Plate ខាងលើរបស់កាមេរ៉ា ដើម្បីឱ្យមានភាពបត់បែនកាន់តែខ្លាំងសម្រាប់ការថតរូបគ្រប់ប្រភេទ មិនថាជាការថតវីដេអូ ការថតរូបបញ្ជារដោយដៃ ឬបញ្ជារដោយស្វ័យប្រវត្តិក្តី។ ខណៈដែលវាបានបោះចោល ISO និង Shutter Speed Dial ដែលជាសំណព្វចិត្តនៅលើកាមេរ៉ាម៉ូដែល X Series Mirrorless ផ្ទាំងអេក្រង់ថ្មីអាចចម្លង Dials ទាំងនោះបាន ផ្តល់នូវការបញ្ជារដោយផ្ទាល់ដូចគ្នា។

ម៉ូដែល GFX 100 បានគូសបង្ហាញនូវជំហានដ៏ធំមួយទាំងនៅក្នុងផលិតផលរបស់ Fujifilm និងផលិតផលកាមេរ៉ាថ្នាក់កណ្តាលទូទៅ។ វាជាកាមេរ៉ាមួយគ្រឿងដែលអាចឈរជើងជាមួយម៉ូដែលលំដាប់ខ្ពស់ នៅក្នុងបច្ចេកវិទ្យា Resolution និងមុខងារនានា៕

ប្រភព: theverge ផ្នែក: បច្ចេកវិទ្យា, កាម៉េរ៉ា

អត្ថបទអ្នកចង់អាន

ទូរស័ព្ទ iPhone មិនដំណើរការ GPS មែនទេ? ដំណោះស្រាយទាំងនេះ អាចជួយបាន!

ដោយ: ភារុន 9 AM, Friday, 22 Mar, 2019

បញ្ហាប្រព័ន្ធ GPS នៅលើទូរស័ព្ទ iPhone គឺមិនមែនជាបញ្ហាធម្មតាៗ ដែលតែងតែកើតមាន ដូចជាបញ្ហាប្រព័ន្ធ Wi-Fi ឬក៏បញ្ហាជាមួយនឹង Bluetooth នោះទេ ប៉ុន្តែក៏នៅតែ...

ស្វែងយល់ពីប្រព័ន្ធ Intel ជំនាន់ទី 9 ថ្មី

ដោយ: ដួងច័ន្ទ 9 AM, Wednesday, 01 May, 2019

នៅពេលក្រុមហ៊ុន Intel ដាក់ឱ្យដំណើរការប្រព័ន្ធប្រតិបត្តិការ Core ជំនាន់ទី 9 ជាលើកដំបូងកាលពីចុងឆ្នាំមុន តារាដ៏លេចធ្លោជាងគេ គឺប្រព័ន្ធ i9-9900K ដែលជាបច...

អ្នកលក់ទូរស័ព្ទ និងគ្រឿង អេឡិចត្រូនិកដែលមិនបានបង់ពន្ធ មានឱកាស 15ថ្ងៃ ក្នុងការបង់ពន្ធ ដើម្បីកុំឲ្យមានការផាកពិន័យ

ដោយ: ម៉ូនី 8 PM, Tuesday, 03 Nov, 2015

ភ្នំពេញ៖ យោងតាមលិខិតរបស់អគ្គនាយកដ្ឋានគយ និង រដ្ឋាករកម្ពុជា ផ្ញើសុំសេចក្តីសម្រេច ពីរដ្ឋមន្រ្តី ក្រសួងសេដ្ឋកិច្ច និង ហិរញ្ញវត្ថុ បានបញ្ជាក់ថា អាជីវ...

Laptop កូនកាត់ 2-in-1

ដោយ: ដួងច័ន្ទ 8 PM, Monday, 02 Oct, 2017

កុំព្យូទ័រ Laptop 2-in-1 គឺជាប្រភេទកុំព្យូទ័រ ដែលរួមបញ្ចូល Laptop និង Tablet ចូលគ្នាតែមួយក្នុង នៅក្នុងកុំព្យូទ័រមួយគ្រឿង។ កុំព្យូទ័រប្រភេទនេះមានរូប...

Tomnerb.Com - YouTube Channel