ចូលចិត្តទំនើប

តោះ! មកស្គាល់ ម៉ាស៊ីនបូមធូលី ដ៏ខ្លាំង និងឆ្លាតវៃ ពី LG

ដោយ: ភារុន 9 AM, Monday, 15 Jul, 2019

ថ្ងៃនេះ ទំនើប សូមណែនាំម៉ាស៊ីនបូមធូលី ដ៏ឆ្លាតវៃពីក្រុមហ៊ុន LG ម៉ូដែល HOM-BOT SQUARE ដែលជាជម្រើសដ៏សក្តិសមសម្រាប់ការសម្អាតចន្លោះ ដែលអ្នកមិនអាចសម្អាតដល់។ ចង់ដឹងថា ម៉ាស៊ីនបូមធូលីនេះ មានសមត្ថភាពពិសេសៗអ្វីខ្លះ សូមអានអត្ថបទខាងក្រោម៖
• ការសម្អាតដ៏ខ្លាំងក្លា រឹងមាំ និងយូរអង្វែង
HOM-BOT SQUARE មានបំពាក់ប្រព័ន្ធ Smart Inverter Motor ™ ដើម្បីធានាបាននូវការប្រើប្រាស់ជាអតិបរិមាជាមួយនឹងប្រសិទ្ធភាពខ្ពស់ និងភាពធន់ដ៏រឹងមាំ បើទោះជាម៉ាស៊ីបូមធូលីមួយនេះមានទំហំតូចក្តី។ លើសពីនេះ ក្រុមហ៊ុន LG ក៏មានទំនុកចិត្តគ្រប់គ្រាន់ក្នុងការផ្តល់ការធានារយៈពេល 10 ឆ្នាំ នៅលើម៉ូទ័ររបស់ម៉ាស៊ីនបូមធូលីដ៏ឆ្លាតវៃនេះ។

• ការរចនាម៉ូត
ដោយសារតែ ការរចនាម៉ូតនៃម៉ាស៊ីនបូមធូលីមួយនេះ មានរាងការ៉េ ដូច្នេះ ទើបធ្វើឱ្យវាមានភាពងាយស្រួលក្នុងការសម្អាតនៅចន្លោះ ដែលអ្នកពិបាកសម្អាត។

• ឌីជីថល Bumper
ឌីជីថល Bumper គឺអនុញ្ញាតឱ្យ Sensors ជាច្រើន ចាប់សញ្ញាឧបសគ្គផ្សេងៗ នឹងកាត់បន្ថយការប៉ះទង្គិច។ លើសពីនេះ LG HOM-BOT SQUARE ក៏អាចស្វែងយល់ពីឧបសគ្គ ថាតើវាមានកម្រិតប៉ុណ្ណា? ម្យ៉ាងទៀត Ultrasonic Sensor របស់ HOM-BOT SQUARE ក៏អាចចាប់សញ្ញា កញ្ចក់ និងវត្ថុថ្លាផងដែរ។

• សមត្ថភាពស្វែងយល់ដោយខ្លួនឯង
ជាមួយនឹងមុខងារនៃសមត្ថភាពស្វែងយល់ដោយខ្លួនឯងនេះ បានធ្វើឱ្យ HOM-BOT SQUARE អាចចងចាំទីតាំងរបស់ឧបសគ្គ និងចំណោត ឬទួល នៅក្នុងបន្ទប់ ដើម្បីកាត់បន្ថយការប៉ះទង្គិច។

• ងាយស្រួលក្នុងដកចេញនូវធូលីដី ពីធុងធូលីរបស់ HOM-BOT SQUARE
ធុងធូលីរបស់ HOM-BOT SQUARE ត្រូវបានរចនាឡើង ដើម្បីផ្តល់ភាពងាយស្រួលក្នុងការដកចេញនូវធូលីដី ដោយអ្នកគ្រាន់តែបើកគម្របខាងលើនៃម៉ាស៊ីន។ ម្យ៉ាងទៀត ការប្រើប្រាស់វាគឺមានភាពងាយស្រួល ជាងម៉ាស៊ីនបូមធូលីធម្មតា ដោយសារតែវាអាចជួយកាត់បន្ថយការរំខាន ពីធូលីដីដែលនៅសេសសល់ជុំវិញរន្ធបូមធូលី ព្រមទាំងការពារមិនឱ្យធូលីហោះហើរ ខណៈពេលសម្អាត។ លើសពីនេះ ធុងផ្ទុកធូលីមានសមត្ថភាពខ្លាំង (0.6L) ដែលជួយឱ្យការបូមធូលី កាន់តែបានច្រើន។

• មុខងារ Smart Exit
1. Exit ពីកម្រាលព្រំ និងខ្សែ Wire
មុខងារនេះនឹងរក្សា HOM-BOT SQUARE ពីការជាប់គាំងនៅចន្លោះបិទជិត និងងាយស្រួលសម្អាតនៅលើកម្រាលព្រំ និងគេចផុតពីខ្សែ Wire ខណៈពេលសម្អាត។ ម្យ៉ាងទៀត ម៉ាស៊ីនបូមធូលីមួយនេះ ក៏អាចបូមធូលីបានដោយខ្លួនឯង។
2. Exit ពីឧបសគ្គរាងរង្វង់
ជាមួយនឹង ប្រព័ន្ធសម្អាត និងបូមធូលីដោយប្រតិបត្តិការ គ្រប់គ្រងខ្លួនឯង រួមជាមួយនឹងឧបករណ៍ចាប់សញ្ញាឧបសគ្គ បានធ្វើឱ្យ HOM-BOT អាចគ្រប់គ្រងកម្មវិធីផ្លាស់ទីឥតឈប់ឈរ ទោះបីជាជួបឧបសគ្គ។

• មុខងារ Mapping Resume
ការប្រើប្រាស់មុខងារ Mapping Resume របស់ HOM-BOT SQUARE គឺអនុញ្ញាតឱ្យម៉ាស៊ីននេះ អាចស្វែងរកទីតាំងសម្អាតដោយខ្លួនឯង បើទោះបីជាអ្នកយកវាទៅទីតាំងផ្សេងទៀតក្តី ដោយសារតែម៉ាស៊ីនបូមធូលីមួយនេះ មានមុខងារ Mapping Resume ដែលអាចចងចាំទីតាំងសម្អាត ដូច្នេះ វានៅតែបន្តសម្អាត ដោយមិនចាំបាច់ប្រើការបញ្ជាដដែលៗ៕

ប្រភព: ggear ផ្នែក: បច្ចេកវិទ្យា, Appliances

អត្ថបទអ្នកចង់អាន

បញ្ចុះតម្លៃពិសេស និងឱកាសឈ្នះរង្វាន់ដ៏ច្រើនសន្ធឹកសន្ធាប់ពី LG BrandShop ក្នុងឱកាលពិធីបុណ្យអុំទូកនេះ !!

ដោយ: ទំនើប 12 AM, Monday, 30 Oct, 2017

កាន់តែពិសេសកាន់តែអស្ចារ្យ ក្នុងឱកាល ព្រះរាជពិធីបុណ្យអុំទូក អកអំបុក សំពះព្រះខែ នាពេលខាងមុខនេះ ហាងលក់គ្រឿងអេឡិចត្រូនិច LG BrandShop បានរៀបចំកម្មវិធីប...

Feed ថ្មីរបស់ Pinterest មានអ្វីប្លែក?

ដោយ: ដួងច័ន្ទ 5 PM, Friday, 30 Nov, 2018

មុខងារ Friend Feed របស់កម្មវិធី Pinterest ដែលបានដាក់ឱ្យដំណើរការជាលើកដំបូងកាលពីខែមីនា បានផ្តល់នូវ Section មួយនៃសេវាកម្ម ជាកន្លែងដែលអ្នកអាចតាមដាន Pos...

Samsung ផលិតទូរសព្ទមានកាមេរ៉ា 4

ដោយ: ដួងច័ន្ទ 11 AM, Tuesday, 23 Oct, 2018

ក្រុមហ៊ុន Samsung ប្រហែលជាមិនបណ្តោយឱ្យទូរសព្ទ V40 របស់ LG ដែលមានកាមេរ៉ាដ៏សម្បូរបែប បន្តមានវត្តមាននៅក្នុងទីផ្សា ដោយមិនមានការប្រកួតប្រជែងឡើយ។ ព័ត៌មាន...

ឧបករណ៍សាកថ្មគ្មានខ្សែថ្មីពី Mophie

ដោយ: ដួងច័ន្ទ 8 AM, Tuesday, 04 Sep, 2018

ក្នុងសប្តាហ៍ថ្មីនេះ ក្រុមហ៊ុន Mophie បានប្រកាសអំពីផលិតផលសាកថ្មគ្មានខ្សែថ្មីចំនួន 4 ប្រភេទ។ ផលិតផលថ្មីៗទាំងនោះរួមមាន Charge Stream Vent Mount, Charg...

Tomnerb.Com - YouTube Channel